|
أحزان وهموم
مساكم شِعر وصباحكم عِطر
مرات كثيره يكون فيها الحزن متفضلا علينا ببعض الخربشات لعل هذه احدى هذه الخربشات التي خرجت بفضل هذا الحزن .بأمل ان تجد ثقة القراءة / / ( مدخل ) / /
للحزن في وجهي كلام وتعابير = قصة حزن تصعب على من قراها رغم الألم أضحك وأسولف مع الغير = وأنسى جروحي واتجاهل نداها / /
صباح الجرح ياجرحٍ نزف في صفحة الاحزان =صباح النوح والصمت الطويل وقسوة سنينـي صباح الهم والضيقه صباح البوح والحرمـان=صباح آلام عمري يالدموع اللي بكـت عينـي صباح الحزن ياحزنٍ بوجهي صار له عنـوان=تعرّى في ملامحْـه وجهلْـه اللـي يحاكينـي يمر الليل واحزاني تراودنـي وانـا سهـران=وصبحي تنجلي شمسه وانا همومي تخاوينـي لك الله يازمن يكفـي تـرا مليـت هالكتمـان=ترا مليت ضحكاتـي بوجـه اللـي يواسينـي أحاول أخفي جروحي واعايش قسوة الازمـان=واذا قالوا عسى ماشر اقول ابداً وانـا فينـي وانا احمل داخلي حزنٍ تعدى طاقـة الإنسـان=قدرت اخفيه وأتْجاهل نـدا جـروح ٍ تنادينـي الا يالله تغفـر لـي ذنوبـي ياعظيـم الشـان=والا يالله في عفـوك عـن همومـي تسلينـي مساء الخير ياجرحٍ نزف في صفحة الاحـزان=مساء النوح والصمت الطويل وقسـوة سنينـي / ( مخرج )
قل للحزن يرفق على وجه الافراح =وقل للصبر ماعدت بالصبر الاوّل تعبت من جرحٍ نزف سبة اتـراح=ومليت من حـزنٍ بقلبـي تجـوّل . |
اقتباس:
الله ...الله ... الله الشاعر الجزل الجميل جدا ..مقبل الفهد ماقول غير الله يبض وجهك على هكذا شعر والا بلا تم تقييم القصيده تقييم ممتاز وهي بلاشك تستاهل الراقي مر من هنا |
بيض الله وجهك فعلاً قصيده جميله لشاعر جزل مقبل الفهد شرفني المرور وقراءة باذختك تحياتي لك رهب |
تحياتي لك اخوي ابوالفهد : نبره حزينه
( اللي نبيه عيا البخت لايجيبه ) تقبل مروري |
اقتباس:
ووجهك ابيض اخي الراقي شاكر لك عطِر حضورك ولك تقديري |
اقتباس:
ووجهك ابيض استاذتي سعدت بحضورك وشرفني تواجدك كل الشكر لك ولك كل التقدير والاحترام |
اقتباس:
الله محييك عاسف شاكر لك حضورك ولك تحيتي |
مقبل الفهد
اسلوب متميز وقصائد لايكتبها الا المميزون لاهنت |
ما شاء الله تبارك الله
قصيده جميله ورائعه لا فض فوك اخوي مقبل ..صح لسانك ..وطاب بنانك كن بخير في حفظ الله |
الغالي الشاعر مقبل الفهد الله يسعدك ويوفقك للخير كما يسعدني مصافحت قصيدتك الباذخه لما تحويه من شعر ومضمون ومعنى فانت شاعر متمكن ومبدع وصح لسانك وعلا شانك يالغالي وتقبل تحياتي |
| الساعة الآن 01:15PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية