قصيدة مهداة الى سيدي صاحب السمو الملكي

الامير / سلمان بن عبدالعزيز آل سعود سلمه الله

يالله ياذا الجـلال وذو الّعلـو الجليـل =القابض الباسط البر اللطيـف الـودود
نعم الولي الكافي المولى ونعم الوكيـل =ذو العرش ملكه إلاه الكون ماله حدود
الحمد لله عطانا مـن عطـاه الجزيـل =أمن وأمان وسلام اسلام فضلٍ وجـود
بلادنا المملكـه ومالهـا مـن مثيـل =بيدي أمينه ولوها بالشريعـه أسـود
ولاه منّا وفينا طيـب ونخـوه وهيـل =موحديـن البـلاد مرسميـن الحـدود
عز ومعزه ووحدة شعب وخيرٍ فضيـل =أخوان مافرقتنا احزاب ومذهب يهـود
نحج ونصوم ونصلي ونسقي السبيـل =نمشي على منهج السنه سوى مانحود
طيبة سقاها الحيا وشعاب مكة تسيـل =الله يعز الوطـن ويديـم آل السعـود
وحنا نفاخربهم أبنـا المليـك المهيـل =عبد العزيز العريب الفيصلي السعـود
ملوك نجد وسلايل مجد ونجده وخيـل =" ألاد مقرن "هل العوجا كـرام الجـدود
حنا خوال الملـوك مزبنيـن الدخيـل =الجد مقرن وبن بدران خـال الفهـود
حنا الدواسر لكم ضلعٍ وسيفٍ صقيـل =من صلب زايد وتغلب كل حرٍ صمـود
نمشي على طوعكم ونذب راس الطويل =لملوكنا والوطن نبذل قصارى الجهـود
ياسيدي سيدي سلمان نجـد الأصيـل =يابو فهد أنتم الهامـه وحنـا عضـود
تاريخنا يشهد ويعطـي عليهـا دليـل =وقفاات " دوسر" عليها الله وخلقه شهـود
وختامها العود الازرق والمبارق تخيل =وصلاة ربي على المبعوث ماهب نـود

حنا خـوال الملـوك مزبنيـن الدخيـل

الجد مقرن وبن بـدران خـال الفهـود

حنا الدواسر لكم ضلعٍ وسيـفٍ صقيـل

من صلب زايد وتغلب كل حـرٍ صمـود

نمشي على طوعكم ونذب راس الطويل

لملوكنا والوطن نبذل قصارى الجهـود

كفو كفو كفو كفو كفو كفو كفو كفو

ياابو عبد الرحمن والله ماقصرت وانك صادق وبيض الله وجهك على كل حرف طال عمرك

المشاركة الأصلية كتبت بواسطة مقبل الفهد (المشاركة 125732) عبدالله بن عريمة صح لسانك لاهنت يستاهل سمو الامير سلمان بن عبدالعزيز ماقصرت وبيض الله وجهك ونعم بك وبالدواسر بلاقصور بالجميع

المشاركة الأصلية كتبت بواسطة عبدالرحمن الدوسري (المشاركة 125738) حنا خـوال الملـوك مزبنيـن الدخيـل الجد مقرن وبن بـدران خـال الفهـود حنا الدواسر لكم ضلعٍ وسيـفٍ صقيـل من صلب زايد وتغلب كل حـرٍ صمـود نمشي على طوعكم ونذب راس الطويل لملوكنا والوطن نبذل قصارى الجهـود كفو كفو كفو كفو كفو كفو كفو كفو ياابو عبد الرحمن والله ماقصرت وانك صادق وبيض الله وجهك على كل حرف طال عمرك

المشاركة الأصلية كتبت بواسطة سفير المعاني (المشاركة 126498) هلا وغلا بعبدالله بن عريمه قصيده جميله ونعم بالدواسر ويستاهلون النعم وقصيده رائعه صح لسانك وعلا شانك يالغالي تقبل تحياتي