الغياب يحرمني الكثير .. انشر لمجرد التواجد
ولا اطمع من هذا التواجد الا نقاء حضوركم .. للشعر
لكم ..
.. هلا يا صاح

شعورٍ يرتقي حدب الحنايا ..يعلن ظهوره = تنفس من عناء وقت السنين وأنكسر يا صاح
تنفس لين مافاده ..سوى الامال بالصوره = وطيفٍ ما ترك كل الاماكن .. بالشذى فواح
تّذكر واقع الدنيا وفيها النفس مجبوره = نشوف احلام تتيتم .. وضوء أفكارنا ما لاح
(نسايرها تعاندنا)..نقول بطيش معذوره = غرورٍ يسكن اجزاء الاماني .. والزمن ذباح
عجزت أقنع نفس واحد يطيع وأكسب حضوره = زماني وين ما أوجه .. توسّد للطعون رماح
قنوع بقسمتي لكن ..مدام النفس ماموره = تعيش الشكر من نعمة ..آله وخالق الارواح
إذن كل الكلام اصغر من اني اوزن كسوره = وحروف الشعر ماتكفي إذا سد الكلام انزاح
تغّرب ما بقىفيني ..عشان المجد وغروره = اهيم واحضنه يمنى / يسرى وأشعله مصباح
قمم ماتنحني للريح .. لوعجت على سوره = حشى ما طاولت منه.. سوى ذكرى بلا مفتاح
يجاوزها بحسن ظنه/ خطاوي الظن مكسوره = يثور من الشعور القلب يهدي للعيون وشاح
عيون تعيش مع ليل السهارى فيك مسروره = تناجي روحك الطاهر اذا بيض الحمايم ناح
اعرفك فوق ما تعرف حدود القلب وشعوره = وأني في نظرعينك جسورٍ .. ما يهاب اشباح
وانك لاطغى وقتي ..كفانا الوقت وشروره = تكون اقرب بشر يسمع اذاهيل العصاري فاح
واكون اقرب اذاهفهف نسيم رمال منثوره = على جال الغديرالصمت صمتك بالهدب فضاح
بعادولايجي ظن المسافه..الوقت او جوره = بليل نغيب عن بال التلاقي والغلا .. صداح
اذا ما تلبس الذكرى هدايا فيك مسحوره = تجيها تشرق الدنيا مواسم طيبها لو فاح..؟
يعطر باقي الدنيا.. وشط الظيم وبحوره = وتشوف بداخل احلامك وطن صامد يبي يرتاح
طلبتك وسع الخاطر فداك العمر و شهوره = رحلت بعيد لكنيّ حملتك للزمان .. سلاح
هلا ياكنها منك.. حكاوي المجد باسطوره = هلا من مشرق الدنيا كثر مابالزمان إصباح
تكسر موج يّم الحزن خطفت العمر لعبوره = وصلت ولا وصلت الا على صوتك..؟ هلا يا صاح

اعرفك فوق ما تعرف حـدود القلـب وشعـوره
وأني في نظرعينك جسورٍ .. ما يهـاب اشبـاح