|
ماجور يانواف نجل السدارى
الاميره ريما السديري الحمدالله على سلامة الغالي نواف واشهد الله ان الخبر اسعدني واحمدالله على سلامته هذي مشاركه مني بهذه المناسبه اللتي اسعدتنا جميعا وعسى حياته كلها صحه وسعاده يإذن الله سبحانه وتعالى
ماجور يا(نواف) نجل (السدارى)=عسى السلامه في دروبك تخاويك نشكر عظيم الملك ليل ونهارى=في رجعتك سالم فدينا مواطيك وابعث تهاني بالمحبه تبارى=للي على رجواك متعلقه فيك (ريما السديري) طيبها مايجارى=ولامن دعتني قلت (حاضر ولبيك) اقولها واقسم قسم بعتبارى=يشوش راسي يا(رهب) عند طاريك لاجل (السدارى) يرخصن العمارى=نقوة (بني عمي) فخر دون تشكيك والله يرحم من كساه الوقارى=(محمد الاحمد) الى اليوم نبكيك صدر الكلام اللي نظمته على ارى=والعجز سيسانه على قافية ايك هذا كلامي موجز(ن) بختصارى=يالله عسى الصحه يا(نواف) تكسيك |
الغالي الشاعر فيصل بن جزاء الله يسعدك ويوفقك لما فيه الخير اسعدني ان اكون اول المصافحين لهذه القصيده بمناسبة شفاء نواف الله يوفقه وجزاك الله خير على هذه المشاعر النبيله تجاه نواف ووالدته الاميره ريما وماتكنه لهم من موده وحب وحبك للمرحوم باذن الله الامير محمد الاحمد السديري طيب الله ثراه سلمت يافيصل على كل ماقلت ودونت لاهنت وصح لسانك وعلا شانك يالغالي وتقبل تحياتي |
|
فيصل بن جزاء
صح الله لسانكـ وحمدالله على سلامة الامير نواف ونبارك لوالدته ريما على سلامته وتقديري |
الغالي سفير المعاني
صح بدنك ولاهنت على مرورك الفاخر والله يديم الصحه على الامير نواف تقديري واحترامي |
يالله عسى الصحه يا(نواف) تكسيك
اللهم آمين صح لسانك فيصل وعلا شأنك لاهنت تحياتي لك |
الله الله ابن العم الشاعر المبدع ( فيصل بن جزاء ) صح الله لسانك يا أبوسعد وافيه من راس وافي ويستاهل نواف وام نواف والسدارى كلهم.. بيض الله وجهك على هذا النص وتقبل تحياتي،، |
أخوي فيصل بن جزاء
صح لسانك وبيض الله وجهك رايعه ووافيه من راس وافي والحمد لله على سلامة نواف ويستاهل هو وام نواف والسدارى لك احترامي وتقديري |
الغاليه وعدك مني
صح بدنك ولاهنتي على مرورك الراقي تقديري واحترامي |
أخي فيصل جزاء
صح لسانك أبيات قمه في الروعه ويستاهل نواف تقبل مروري هــــواجس |
| الساعة الآن 04:53AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية
