|
نـواف !
:: الحمد لله حمداً يليق بجلاله وعظمته على سلامة نواف امده الله بالصحة والعافية وحفظه من كل مكروه :: تطيب القلوب إن قالوا بخير متعافي ................ وتلبس ليالينا الفرح بأجمل ثيابه و نرفع يدينا بالدعاء لله الشافي ........... يحَفظِك ويفتح لك على العافية بابه ويلبسك ملبوس الهنا الساتر الضافي ............. ويحرسك من شر الزمان وتقلابه ويكفيك من شر الحسد ربنا الكافي ............. ويكتب لك التوفيق والخير في كتابه وتفرح بك عيون ٍ لها نومها جافي ............. وتنبض بك قلوب ٍ غدى نبضها طلابه وتبقى انت يانواف عقدٍ على قافي ........... تزيّن ابه ابيات القصيد و تغـنـّابه يوم ان المشاعر فالحشا نهرها صافي ..............يصب الغلا اللي ينثر بقلبي اطيابه واذا عوّدت بين العرب جاحد و وافي؟ .............. يكفيهم اسمك لا حداهم تعزوى به اللهم آمين . وسلامتكم، |
مراقبنا العزيز
وشاعرنا القدير الاخ عبدالرحمن السميري صح لسانك واحساسك وعلآ شأنك قصيدة رائعه وجزله من شاعر قدير يستاهل نواف هالقصيدة واكثر والحمدلله على سلامتة وعافيته يسعدني اول من اطلع على نصك الشعري العذب تقبل مروري وتحياتي دمت بكل ود |
صح لسانك عبدالرحمن السميري
قصيدة وافيه من شاعر وافي واحساس نقي وشعور صافي تحياتي |
.
. . الشاعر القدير / عبدالرحمن السميري إحساس معتق بالجمال وأكثر .. ولا شك بأن نواف يستاهل مثل هذا الجمال وأكثر دعواتي لك أخوي عبدالرحمن بالتوفيق وإلى مزيد من التألق . |
اخي عبد الرحمن صح لسانك وفيت وكفيت وجزاك الله خير قصيده رائعه ووافيه ابدعت ولا قصرت ما تقصر بك الدنياا دمت بخير وعافيه تحياتي لك |
واذا عوّدت بين العرب جاحد و وافي؟ يكفيهم اسمك لا حداهم تعزوى به القدير / عبدالرحمن السميري صح لسانك مدد بلا عدد وبيض الله وجهك على المشاعر الطيبه وافي ياعبدالرحمن ونواف يستاهل المدح ومليون نعم بالمادح والممدوح والحمد والشكر لله على سلامته تقبل مروري تحياتي لك:r: للتثبيت |
الغالي الشاعر عبدالرحمن السميري الله يسعدك ويوفقك على هذه القصيده الشامخه ولاهيب كثير منك ونواف يستحق اكثر من ذلك بمناسبة نجاح عمليته وشفائه باذن الله تعالى وتسلم على كل حرف كتبته وبيض الله وجهك وصح لسانك وعلا شانك يالغالي وتقبل تحياتي |
الأخ الكريم عبدالرحمن السميري
شكرا لك هذا الشعر الجميل الصادق ووالله العظيم ان شفاء الاخ نواف اسعد صدورنا وأثلجها....واسأل الحي القيوم الا يعقبه بعد شفاءه الا مزيداً من العافية والصحة وان يتم عليه نعمه وان يجعل ماقاسه كفارة له عن كل خطا ورفعاً لدرجته وعونا له في اول امره وآخره,وان يجازي اهله على صبرهم وقلقهم عليه راحةً وطمأنينةً في الدنيا ورفعاً للدرجات في الاخرى...واسأل الله يتم شفاءه لنواف ولكل مريض في هذه الارض. خالد |
::
ويسعدني كذلك يا يفوق انك ضمن المتواجدين. فأنت احد المارّين على قارعة الغمام ولكنك سكنت الارض لحضورك إشراقة تعطي المدد من الضوء شكراً لك و شكراً لتعليقك الجميل |
::
مدار الورد والضوء معاً دوماً تأتي فتطرّز متصفحي بالبهاء والعطر كل الشكر كلّه. |
| الساعة الآن 02:22PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية