ياليت كانت حبتي في معنّه= يوم العيون عن الخوامل غواضي
يا من يعاوني على وصف كنّه= اشقح شقاح ولاهق بالبياضي
لا ريحة قشرا ولا هي مصنّه= ريح النفل بطمطمات الفياضي
ونهودها للثوب الحمر شولعنّه= حمرٍ ثمرهن واقفات غضاضي
والخد ذبّاح القلوب المرنّه= برّاق مزن لاعج اللون ياضي
ياليت سني على وقم سنّه= بايام ما بيني وبينه بغاضي
أيام جلد الذيب عندي محنّه=نصبح وزرق الريش لهن انتفاضي
واجرح قلبي جرح واد وطنّه= غر المزون اللي وطنه وفاضي
والبيض قبلي محسن عذبنه= ونمر على وضحى جرى له عراضي
والبيض كم واحد يبسنّه= يبسة شماشيل العذوق النفاضي
عزي لمن غر الثنايا كونّه= واركن على كبده كوي عراضي
شوفي بعيني والخدم يركبنّه= بنت الشيوخ مخدمين الفياضي
على اشقح من زمل ابوها مظنّه= ركبت عليه اتشنطح باعتراضي
بمشجرٍ من سوق هجر مغنّه= على خياطة ناب الارداف راضي
وين أنت يا مشفي على طردهنّه= أنا طويت رشاي واقفيت قاضي
أحدٍ يطيح بنار واحد بجنّه= وترى الحضيض اللي له الرب راضي

ياليتنـا مـن حجنـا سالمينـا=كان الذنوب اللي علينا خفيفـات