|
قصيدة الامير ناصر المبيعيج في خواله البدارين
هذه قصيدة الامير ناصر بن ودعان بن سالم المبيعيج في خواله البدارين وعلى رئسهم خاله الامير عامر بن بدران بن سالم (الضمين) وهو يتوجد عليهم عندما رحلوا شمالا حتى اصبحت مضرب مثل في التوجد كان يقولوا (توجد المبيعيج لخواله ) وهي تعتبرمرجع مهم للباحثين حول قبيلة الدواسر وقيلة تقريبا سنة 900 هـ ياسدرة المغنا على مشرع الصفا= فـي جـال مخضرالجنـاب( قــرون) بنشدك ماشفتي هل الجـود والصخـا =اللـي لهـم كـود الأمـور تـهـون شـدوا وخلونـي أجـاذب هضايمـي =تحملت مـن كثـر الغبـون أغبـون ونيـت ونـاتٍ تحطـم لهـا الحشـا =وهلـت غزيـرات الدمـوع عيـون أقفو وأنا عينـي تخايـل أضعونهـم =ضعايـنٍ قفّـت تـلاهـا أضـعـون اقفوا هل الشيمـات يـادار وانتحـوا=إلى وين يـا (وادي قـرون) يـبـون اقفوا كمـا نـوٍ حقـوقٍ مخايـلـه =وبلـه وبـرقـه للـعـدات مـنـون اقفوا مـع البيـدا تـبـارى اضعونهم =يقـودون طوعـات الرقـاب بهـون لاكـن أرقـاب الزايديـات بالـحـني =ارقـاب المهـا لولادهـن أصـفـون يتلون نزال الخطـر مرهـب العـدى =عامـر لصعبـات الأمـور زبــون خالـي ولا غيـره عزيـزٍ رجيـتـه =ارجيـه رجـوى الممحليـن قــرون ان صـاح صيـاح النذيـر لقيتـهـم =على سروج طوعات المهـار يجـون ترعى بهم جـرد الرقـاب و تنثنـي =ولهـم صليل المرهفـات الـحـون لاكن خرير الدم من ضـرب شلفهـم =كما ناضح الما مـن عيـون شنـون ياليتنـي معهـم علـى كـور وجنـا =ويبـرى لهـا وقـم الـربـاع ودون من عقبهـم يـادار لا علـك الحيـا =ولا أخضرجالك بالسنيـن اغصـون |
يعطيك العافيه......... ع القصيده الجميله للأمير /ناصر في خاله الامير/عامر بن بدران رحمهم الله تعالى
وهذي لها قصه كما سمعت .....بقولها بأختصار....عندما مر الامير /عامر...........على رأس جيش من جميع افخاذ الدواسر..... بديرة الأمير/ناصر....جد الوداعين من الدواسر........دون ان يعلمونه الخبر.....انهم غازين على قوم....وأخفوا عنه ذلك........وبعد ان ابتعد الجيش بقيادة الامير/عامر عن مكان الامير/ناصر........ارسل الامير /عامر......رسل وقال لهم روحوا الي ناصر....ان كنكم لقيتوه.....نايم.....خلوه وأرجعوا.....وأن كنكم لقيتوه على جال ضوه فعلموه الخبر وخلوه يلحقنا......ويوم لفوه.......لقوه ينشد القصيده لم ينم يفكر في خاله الامير/عامر......ومن معه من الجيش...... فأخبروه الخبر.......فأعتزا وركب على خيله وأخذ سلاحه.......ولحق بهم...... وأنتصر الامير/عامر بن بدران........رحمه الله في هذه المعركه وتقبل تحياتي.......كتبتها من الذاكره |
عبدالله بن عريمه
تسلم على النقل وقد قرءت وهي من القصائد المؤثره دمت بخير |
قصيده رائعه تستحق الوقوف عندها طويلااا
تحياتي |
اخوي الوجيه ياهلابك
اما ماذكرت فهو غير صحيح والبعض يعتقد انها غزوة برك التي قادها بن بدران وهذا يتناقله بعض كبار السن وهو خطا فادح بسبب التباس الامر عليهم واختلاط امرين الاول رحيل بن بدران والبدارين للغاط ونجد بشكل عام والامر الثاني معركة برك التي قادها بن بدران وقصيدة المبيعيج ناصر هذي توجد على رحيل خواله وابياتها توضح بجلاء ذلك لاحظ كلمة اقفوا ووصفه للزايديات لكن ارقاب الزايديات بالحني ..!! |
اقتباس:
سرني مرورك وقرائتك للقصيدة وانطباعك الاروع وهي قصيدة تاريخيه مؤثره بجد كيف لا وهو الزعيم عامر بن بدران وكافة قبيلة البدارين العريقه وهو امير شمل قبيلة الدواسر كافه الذي اشتهر بالكرم والبطوله انه رحيل الامير عامر ضمين الرجال فاجعه تاريخيه على قبيلة الدواسر يترك الاماره وموطنه وادي الدواسر بعد ان عمت الفوضى والمعارك الطاحنه بين القبيلة نفسها للاسف وكان الامير عامر بين خيارين في غاية الصعوبه اما الدخول في الحرب الدائرة بين قبيلة الدواسر او الرحيل فما كان من هذا الامير الشهم الا اختيار الرحيل على خيار اراقة دم القبيله وهو اميرها وهذي هي الامارة كان اشد المتاثرين بهذا الرحيل المر هو الامير ناصر بن ودعان المبيعيج فجميع خواله رحلوا ولقد صور توجده الشديد احسن تصوير حتى اصبح مضرب مثل عند الدواسر (توجد الودعاني على خواله) اقفـوا مــع البـيـدا تـبـارى اضعونـهـم يـقــودون طـوعــات الـرقــاب بـهــون لاكـــن أرقـــاب الـزايـديــات بـالـحـنـي ارقـــاب الـمـهــا لــولادهــن أصــفــون يتلـون نـزال الخـطـر مـرهـب الـعـدى عــامــر لـصـعـبـات الأمــــور زبــــون خــالــي ولا غــيـــره عــزيـــزٍ رجـيــتــه ارجـيــه رجــــوى الممـحـلـيـن قــــرون |
اقتباس:
اسعدني مرورك تحياتي لك |
| الساعة الآن 03:19PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية