|
قراءتي لملامح وجه الوطن بعد غياب الامير سلطان
تبي الحقيقه ياوطن حق الا نسان ماهوعليك ولا تطولك ملامه وغلاك فطرة رب تجري بشريان من عاش فيك لنفخ صورالقيامه من مده أقرأ بوجهك شحوب الاحزان وقعدت افسر بالتأمل كتامه وشفت بعيونك صدق تقسيم الا شجان وكن انتظارك له حديث وعلامه وتسأل عن وجهن مثل وجه سلطان لاغاب تقل أحساس كره إنتقامه لوطمنك عن لوعة البعد سلمان امير نجد الي بصدرك وسامه وطبطب عليك وقال لاباس ياوطان بكره يرد بطلته وبتسامه وقلتي وراسك والغلا ياكحيلان ماانسى غلاه وراس نجد إنخرامه على صدى صوت الوفا يصيرنشوان ومافيه ظهر(ن)مايشده حزامه وقلنا معك فرد وجماعه على لسان واحد عسى الله يرجعه بالسلامه وتستبشر الاوطان بقدوم حوران ويحن رعد وتنهمر له غمامه وتغسل درن ضيق اليالي على شان نسعد ونستبشر ونطلق حمامه وتهز ريح اشواقنا زهور وأغصان وينفح عطر وتزول عنا العسامه ويحلا لنا ننشد وتحلا لنا الحان سلطان بعيون المواطن مقامه أكبر من الاشعار واحساس اللقان ومحد(ن) يشك بصدق نبرة كلامه وحب الوطن فطره ومن صدق الا يمان لكن غلا سلطان من احترامه بشر نقي كنه خلق لجل الا حسان والجود والا حسان على أختصامه يسمع صدى صدقه إلى قال عميان والطيب لا من غاب يقري سلامه شوق الوطن وسموع لهفه وخلان والي من غيابه يجمع حطامه لا باس يالي كل ماغبت مابان وجهك تغيب اسرورنا ياانقسامه على ملامح من دعاء وقت الا ذان لك بالشفاء والضيق تجلا ظلامه عودتك طيب مثلك اول والاهان راسك فداه أهل السبر والنمامه |
الغالي الشاعر خلف المهيلان الله يسعدك كما اسعتني بهذه القصيده الشامخه بشموخ من قيلت فيه سيدي ابو خالد اعاده الله للوطن وهو ولله الحمد بخير شكرا لك على هذا الاحساس والتصوير الشعري والسبك الابداعي وصح لسانك وعلا شانك لاهنت يالغالي تقبل تحياتي |
خلف المهيلان شاعر رائع ومبدع .. وجزل ومتمكن . أستمتعت بقرائتي لهذه الأبيات . صح لسانك . |
سفير المعاني الله يبشرك بالخير
وعساه مايشوف شر ابوخالد ومااخرج هذا النص الا الاحساس الصادق تجاهه ومااشعر به هو مايشعر به الشعب السعودي يعلم الله وليس نفاق كن بخير ياسفير المعاني النقي دايم خ |
اقتباس:
الله يرجع سلطان الخيربالسلامه ويحفظه وجميع ولاة امرنا من كل مكروه صح لسانك وعلى شانك الشاعرالقدير خلف المهيلان قصيده شامخه بأسمي طيورحوران سلطان وسلمان رموزالانسانيه الف شكرلشخصك الكريم وفقك الله ورعاك ودمت بخيرومحبه |
الغالي الشاعر خلف المهيلان الله يسعدك كما اسعتني بهذه القصيده الشامخه بشموخ من قيلت فيه سيدي ابو خالد اعاده الله للوطن وهو ولله الحمد بخير شكرا لك على هذا الاحساس والتصوير الشعري والسبك الابداعي وصح لسانك وعلا شانك لاهنت يالغالي تقبل تحياتي |
| الساعة الآن 02:15AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية