|
انت في البر وبطاريه سيارتك خلص شحنها ولا عندك اي جهاز شحن
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته انت في البر وبطاريه سيارتك خلص شحنها ولا عندك اي جهاز شحن ولا سياره ثانيه تقدر تسوي اشتراك ولا تقدر تنتعها ..... ما هو الحل ؟؟؟؟؟ اليكم اخواني هذه الطريقه العلميه . 1- نزل البطاريه من السياره يعني فك براغيها باي طريقه .. دبر عمرك سلك امورك 2- احفر حفره بعمق ذراع او نصف متر بقطر مقاس البطاريه 3- ضع البطاريه في الحفره بحيث يكون اصابع البطاريه للاعلى 4- ادفن البطاريه بالرمل ( في وجه العدو ) بشكل كامل 5- رش الرمل بقليل من الماء بحيث يكون فوق الحفره راح تنبت لك شجرة فيها بطاريات صغار.. أنتظر لين تكبر وركبها بسيارتك. ((ههههههههههه .. أمزح معكم هذي من عندي)) 6- انتظر من 10 دقائق الى نصف ساعه وإذا عليك مطر وفيه رعود وبروق اقل من 5 دقائق 7- ركب البطاريه وسم بالرحمن وشغل موترك ولاعاد تروح البر وبطاريتك خربانه ملاحظه : اذا ما اشتغلت السياره عاود الكره ودعها مده اطول . شرح السبب : تعرفون يا اخوان ان مستقر الكهرباء هو الارض خصوصا في البر يكون تاثير البروق على الارض كبير بحيث يحمل الارض بشحنات كهربائيه كبيره والدليل يا اخوان ان كل جهاز كهربائي له ما يسمى بالايرث وهو الشحنات الزائده الى الارض . |
اقتباس:
اضحك الله سنك اخوي عبدالرحمن دامت روحك المرحه التي تدل على صفاءقلبك مشكور على المعلومات لاتحرمنا قادمك دمت بخيرومحبه |
خذيت اجر يا عبدالرحمن ........بقولها حق اللي يقنصون في البر..........بس انشاء الله ما يدعون علي......هههههههههه
تقبل مروري |
مديرتنا الغالية شموخ نجد
مرحبابك والله نورتي متصفحي المتواضع بمرورك العطر اشكرك على المرور والرد الرائع من مديرة وشخصية مرموقة مثل شموخ نجد لكي كل الود اخوك عبدالرحمن الدوسري |
اخوي سعود ارحب ارحب ارحب مرحبا والله ومسهلا والله ان ترحب
بعدين لاتوهق تراني اامزح امزح معكم ههههههههههههههههه لالاماعليك قول لهم قول ولا تخاف بس لايدفنون السيارة كلها من الحماس هههههه قل لهم البطارية بس اسعدني مرورك وردك شرفني اخوك عبدالرحمن الدوسري |
| الساعة الآن 11:22AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية