للشعرفي بعض المواقف وقوفه=ياقف به الشاعربقلبن صمودي
من شالة احمول الامانه اكتوفه=ماله عن الواقع بقافه صدودي
والله لغني مالحقني احسوفه= واطفي بقافي لهيب الكبودي
قافن نقاطه راكباتن احروفه=حطيتهافوق الحروف امحدودي
يحدني وضعن اعيوني تشوفه=وضعن عن الواقع تعدى الحدودي
وقتن عصيب ولاتبشراضروفه=خطرن تبدل بيض الايام سودي
السرق معصيره خذتناشعوفه=الناسنه مافيه يومن ركودي
معاديمنع راعي السرق خوفه=كثف على سرق البيوت الجهودي
كم بيت مسلم من نهاره يحوفه=ماخاف الامن ولاحسب له وجودي
ولاخاف حكم الشرع يقطع كفوفه=يومن ورايومن بسرقه يزودي
الله لاينصرعلينااضعوفه=ولاتسنح الفرصه لنذلن حقودي
امثال من يقرع بلندن ادفوفه=نذلن معه ربعن قليلين فودي
على الردى والشرتنقراسلوفه=دايم السانه بالخزاياهبودي
ماهمناسعيه لك الله وطوفه=ندفن هروجه بالثرى واللحودي
عينه بامررب العبادامخطوفه=عليه هرجه بالنقايص يعودي
قلته ولي يم النصيحه نكوفه=كلن بنصحه من وجوده يجودي
تراالوطن عزه تلاحم اصفوفه=الى التحم صفه يموت الحسودي
لاصافح الشعب المليك بكفوفه=كفن على كفن هدفهاسعودي
ومن بينهم يكسرحجاب الكلوفه=على كتاب الله وفوبالعهودي
ولدة بهم عين المليك بمروفه=يرقى الوطن وامواطنينه سنودي
ودام الشعارابوالنخل مع اسيوفه=عالي تعانق رايته كل نودي
وعادت نتايجهاعلينامخلوفه=وادليناوردت قراح العدودي
بارادة اللي مايمن امعروفه=اللي له المنه وخيرامعبودي
واختامهاجعل العدافي ذلوفه=والحكم لله ثم لال السعودي

المشاركة الأصلية كتبت بواسطة سفير المعاني (المشاركة 101277) الغالي الشاعر ابراهيم اليحيا الله يسعدك ويديم نعمته عليك انت شاعر متمكن وقصيدتك هذه شامخه من ضمن قصائدك وان اختلف مضمونها فهي اقرب الى الحميه الوطنيه فلله درك من شاعر ومشكور على وطنيتك وحبك الصادق لوطنك ومليكك المفدى لاهنت وصح لسانك وعلا شانك يا ابو سطام وتقبل تحياتي

المشاركة الأصلية كتبت بواسطة متعب (المشاركة 218411) ابوسطام صح ألسانك وعتلاشانك لاعدمناك