دنياه فيها الخلـق نـازل ورحـال=ناسآ بهـا تنـزل وناسـآ محيلـه
وتفنى بها الحكام ورجال الاعمـال=لو أنهم عاشـوا بهـا بالفضيلـه
خلق أبها الله خلقه الوان وشكـال=وكل(ن)له بصمه وطبـع وفصيلـه
أحدن بها طال المراجـل بالفعـال=ولحل ذكـره فـي غيابـه دعيلـه
وله عند ربعله والبعيديـن منـزال=من طيب فعله بالقضايـا الثقيلـه
وأحدن بها فعلـه نذالـه وغربـال=حتى القريب يبـذ بالفعـل حيلـه
وقت السعه ماله وصايف والامثال=من مايعرفـه قـال مابـه مثيلـه
وطيبه سراب الظهر وعصير ينزال=ولا قـام حتـى بالمـور القليلـه
و احدن طلع من ذكره وطيبه أرجال=لو مر من موتـه سنيـن طويلـه
مرحوم ياللي مكتس الطيب تفصال=وسيرت حياته بالغيـاب تحكيلـه
محمد الاحمد فخـر ربـع وعيـال=راع العلـوم الطيبـه والجزيـلـه
خدم بلد خدم شعـر طيـب الفـال=شيخآ يعـادل فـي حياتـه قبيلـه
وقصايده غنت بهـا كـل الاجيـال=شيخآ خـدم داره وقومـه وجيلـه
دار الرسول اللي بها جاه الارسـال=ولبي لو جـه الله وفيهـا سعيلـه
بلد رسول الله وبيته ومـن شـال=عنه الجهل والظلم وصـول خيلـه
اللي حكم حكـم الشريعـه ولازال=حكمـآ نزيـه ولا يـدور بديـلـه
عبد العزيز اللي عن العدل مامـال=والطيب لـو أنـه جبـل ينحنيلـه
اللي عساله جنـة الخلـد مدهـال=وعـن الجحيـم الله يبعـد نزيلـه
والموت قاف العمر لو العمر طـال=لبـد مـن يـوم المنيـه تجيلـه
واللي يغط الحـق ماكـر ودجـال=وقدمه حسابـه بالقبـر يحتريلـه