ياللي تقول انك على الشعر ناشي
 

ياللي تقول اني على الشعر ناشي

ياللي تقول اني على الشعر ناشي=وانته تحسب انك على الشعر باشه
اقلط تفضل واخذ جزل النقاشي=من واحد(ن)مايختلف في نقاشه
واللي يناقشنا بوجه(ن)بشاشي=يبشر بعزه ماله الا البشاشه
واقولها بالفعل حاضر وكاشي=وانته نبي نسمع من الفعل كاشه
حامي بحامي مانبيها تلاشي=قول(ن)تعدى الحد نلطم غماشه
وان كان قولك ماشي(ن)بالخشاشي=نفسي ماترضى تستمع للخشاشه
نفسي عزيزه ماتحب الغشاشي=الله ولاناس(ن)تشوق الغشاشه
ناس(ن)تسمع كل ***(ن)وواشي=وانا ماداني مكرمين الوشاشه
حجة ضعيف(ن)ماشي(ن)بالهماشي=همشه تهمش لين نال الهماشه
وياللي تحسب الشعر ملكك بلاشي=ماكل من قال الشعر قيل حاشه
الشعر مايرضى البيوت الهشاشي=جزل القوافي مايوافق هشاشه
واللاش مهما عاش مازال لاشي=حي ويموت ولا ذكر طيب ناشه
وماقل دل وكثرة الهرج طاشي=وهرج(ن)سقط معناه يقمح نباشه
مالي ورى الهزلات سمع ونباشي=اخذ جزيل العلم واحذف قشاشه
والناس مابذها سواة الدفاشي=حكيه كبير ولا يداني الوقاشه
والحرمايطمع بلقط القشاشي=والدفش دفش وعايش(ن)في دفاشه
وربعك هل الطولات والا انت ماشي=حكي(ن)معك نقصان وانته فراشه
وسبة خطاك هيضت للشعر جاشي=ولا خير في من للخطا مات جاشه
وحنا الكريم نكرمه شط حاشي=من مد طيب(ن)ماينقص قراشه
وهذا كلامي وانت فيك ارتباشي=وراع الخطا يعرف بزود ارتباشه

طحتي من عيني
جزل بهذا الحضور الشامخ
صح لسانك
دمت بخير

صح حظوركم والمرور الكريم لاهنتم
سلمت اناملكم ومشاعركم الجياشه
ومتابعتكم للكلمات والمعنى الراقي والعالي
اللذي لاتصله اللا العقول الشامخه في نظرتها
للحقائق والفضيله والكرامه قبل ان يكون
شعر وابيات موزونه ومحبوكه