شبكة رهب الأدبية-ريما محمد السديري - اسناد من سعدمتلع المقاطي ومردودي عليه

ؤؤ

البارحه نومي على الكف والكوع=مسندن راسي علـى كـف كوعـي
اقنب قنيب الذيـب والعالـم هجـوع=ذيبن كسير وحادن الذيـب جوعـي
حروف شعري ماشياتن معي طـوع=عسفتها ومشت على كيـف طوعـي
قـم يانديبـي وافـي الشبروالبـوع=عساك تسلم مـن جميـع الفجوعـي
اركب على جيبن جديدن له اسبـوع=ربعـن اسعـودي والحلاياتروعـي
وصل جوابـي لابوسطـام مطبـوع=عطه الجواب وعل دربـك سنوعـي
شاعروله رمزالجزيـلات مرفـوع=سيفـن شطيروللمعانـي قطـوعـي
بعرض له الدعوى عسى عنده افزوع=ينقـذ غريقـن بالمحبـه طمـوعـي
منصاب من غرون على خده اردوع=مزيونتن مع زين حسـن الطبوعـي
ابوجديلن فـوق الامتـان مشـروع=لوشافهاالعاقـل يـهـل الدمـوعـي
والعين عين اللي على الكف طالـوع=حرن على جول الحبـاري بتوعـي
والعنق سيفـن بالمغيـرات قاطـوع=والخـد براقـن بنـوره يشـوعـي
حب الشرف مهوب يالقـرم ممنـوع=واناعـن العـذال مغلـق اسموعـي
هذي وصايف نادر الزيـن والنـوع=فدنـي برايـك يالكريـم القنوعـي
واختامهاصلوعـلـى خيرمتـبـوع=رسولنااللـي عادلـن بالشـروعـي

وهنا الرد على الشاعر سعد متلع المقاطي

يامرحباماغنـت الـورق بسـجـوع=واعدادمايبذروينـبـت ازروعــي
واعدادماسبـح مصليـن بـركـوع=واعدادماغصنـن تشيلـه جذوعـي
بالشاعراللي صـاغ معنـاه ببـدوع=بيـوت شعـره تستحـق الدروعـي
حي الجواب اللي لفى منـه مدفـوع=جابه لي المرسول وسط السبوعـي
قلبه من اسباب الهوى ذايقـن لـوع=يشكي لي الدعواويطلـب فزوعـي
حددمعاني جابتـه حـول موضـوع=على هدف دعواه صابـت اوقوعـي
قل ياسعدصوتك امقـدر ومسمـوع=مانسفهـك نعطيـك رايـن نفوعـي
اديارخـلـك دونهاحـدواقـطـوع=بينتـهـالـي ياسعـدبـالـردوعـي
مافيه شين يجعـل الوضـع ممنـوع=نص الشريعـه ماوردبـه منوعـي
وحسب العوايدياسعدمانـت مطيـوع=لـوان قلبـك ينـزف الـدم يوعـي
ابـراي لله مالحـق النـاس بشنـوع=لكن حسب ماسمع وذكـره يشوعـي
ناسن تساوي عالي الاصـل بالقـوع=ماينشـدون اعناالطمـن والرفوعـي
فتحت لك ضرفن وعشرين مشمـوع=ماله لزوم افـك باقـي الشموعـي
مانته من اربوعك والاجواد مقطـوع=السلم من بعضـات الاشياجزوعـي
واختامهاصلاة ممـن مـن الجـوع=على النبي اللـي للامـه شفوعـي