جتني تقول ان كان لي بالغلا جاه=ابعد ترى في البعد طبن ومغنى

غابت ونار البعد بالجوف تكواه=وشفنا قساة البين والشوق شفنا

وهليت دمعي هلل مزن انتمناه=وبكيت من قلبي على مافقدنا

.ياليل ياللي ابلا وليف سهرناه=عجل علينا بصبحك اللي انتظرنا

ياشرود الفكر/ياجور الزمان بقلب صابر=يالضا شمس المقيل وياجنان الظل فيه
ليلة البارح كما صحرا النفوذ بحلم شاعر=ليلها قارص عذابه وظهرها شمسه عتيه
تحتويها الروح في لحظة عناق لحب طاهر=وينتهي نبض القلوب بأمر خلاق البريه
آآآه ياليلة غدابي شوقها والجفن ساهر=غصت العبرة بألمها وضاق كل الكون فيه
حينها جفت شفاهي وابتدأ نبع المحاجر=وشلت طرسي واعتزلت الناس وانساقت هميه
وقمت انادي ياهجوسي هيا ونزور المقابر=نسأل الحفار هوحاله سوي والا بسيه
رحت يمه قلت ياحفار شورك في المهاجر=ليه يحرمني سناه وليه غاب اليوم ضيه
قال لي قمة عذابك حين محبوبك يكابر=اسأل اللي مالقى في دنيته ليله هنيه
كل ليله لي هجوسٍ ترسم اطروق عوابر=تحكي اللي عجز الخفاق بليال(ن) سنيه
كل ما هلت تراتيل الوداع ابيوم غابر=انتخت فيني طواري الشوق والدمعه النديه
وانكسر فيني شموخ الحب وانذلت منابر=ياحسوفه ياغرامي / قلت له صبرك شويه
المحبه له وفا واحساس في قلبه وخابر=ترسم البسمة على قلبن طغى نبضه عليه
ليت لي في عالم الغالين سجه ويوم عابر=واعرف اللي تحمله ياخافق ابذيك البنيه
ليلة البارح آلمها وآآآه ياعمر المسافر=حين وادعتك حياتي / صارت الدنيا دنيه
والألم لما سألت الروح من هو اللي مغادر..؟=قالت انته والغلا والحب والضحكة البريه
ياقصيدي ليه في حرفك تعب والحظ عاثر=ومن ولدت وعالم الحرمان لخفوقي جزيه
وليه ادور للغلا اعذار وان الأمر ظاهر=وليه يبقى له وفائي رغم قيده في يديه
ياغلاتي ارحلي بس افهمي صدق المشاعر=شهدها ساعة لقا عينك مع عيني الشقيه
وياغلاتي لي طلب عندك اذا مريت خاطر=حين تسري روحك الثملى وتضوي بك عليه
مثل ما البارح لقيتك وكانت اللقيا خواطر=احتضنت الطيف لهفة وكانت اللحظة هنيه
ليت عيني ماغفت لحظة ولا كللت حناجر=وليت عمري ينتهي ساعة عناقك ياوفيه
وليت قلبي ما نبض بالحب وانهلت سواطر=وليت عيني ما لقت ام العيون النرجسيه
الغلا يبقى مكانه والوفا في الناس نادر=والمحبه حظ وانا كلها حظوظي رديه
انتحر فيني شرودي وانكسر لون المحابر=مابقى فيني حروف(ن) تحمل البسمة اليه
ياشرودي هيه / عود قد لفانا صبح باكر=مابقى للروح حيله تحتمل معك الخطيه