ياحــرف والله ماشكى رأسي خلاف = ولا حسبت اللي شكاني شكالي
ياحرف والله ماقبل حلول الانصاف = ولا تقبل القسمة علية لحالي
أما تجي بسهول والا للتلاف = عاندت ميلات الزمن من أهبالي
جتني كذا عشرات . مئات . والآف = وقبلتها بطيبة وهيبة خوآلي
طبعي وأعّرفه مايجي رأس ميهاف = متربعٍ فوق الجبال العـوالي
الله منحني للغلا قلب ميلاف = وعـزمٍ على شيل الحمول الثقالي
لـو الـصـبـر ياحـرف بالـعـيـن يـنـشـاف = تـشـوف صـبـري فـوق قـدر أحـتـمـالي
ياما بركت وشلت حملي بلاكتاف = ولا أبور في وجة الرفيق الموالي
تلقابي أنسانٍ عطوفٍ وشفاف = مذكر جرحت اللي من الناس جالي
لي بالوفا سيره ومبدى وميقاف = واثـق بصدقي والوفا من خصالي
شاعر ومتمرس على صخرة القاف = والشعر كنة واحداً من أعـيالي
اليا زهمته ترتجف منه الاطراف = وقبل أنشدة يعطي الجواب لسؤالي
أنا على عرشة مسـّيـطـر ولا أخاف = وهبة من اللة مادعيت الكمالي
عرفت بة حاسد .. وحاقد .. وبلاف = وعرفت بة منهو يحارب وصالي
وعرفت بة وافين .. صافين .. وأشراف = ناسٍ هم المكسب وهم رأس مالي
ياحرف حرفي منتصر مأبي أخلاف = لو أختلف ظني بهم ماغـدالي