|
زيـــادة الرواتـــــب
زيادة الرواتب [/B][/size][/font][/align]نبارك لجميع دول الخليج بالزيادات في الرواتب وعقبالنا وعندنا بالسعوديه كل يوم طالعين لنا بأشاعه في الزياده حتى قناة العربيه معلنين عن الزياده وفيه شاعر ارتفع ضغطه وكتب هالقصيده الراس صاير فيـه ورشـة حـداده *** قام يتحلل فيـه مسمـار ...مسمـار قلت الركـاده ميـر ويـن الركـاده *** كنّي مع الحجاج في رمـي الاجمـار من عقـب ماجانـا قـرار الزيـاده *** من مجلس اهل الجود وافين الاشبار كـلٍ مـن الفرحـة بيقـدح زنـاده *** جبنا القروض نضارب السوق وانهار وجينا نبي بـس الرجـا والهـواده *** والله وكيلك شبّت اسعارنا .. نـاااار والراتـب الماخـوذ جتـه القـراده *** ماينزل الا..صافقه مثـل الاعصـار فاتـورة الهاتـف وعاجـل سـداده *** والقرض والكهرب وتسديد الايجـار والتاجـر المليـان جـاب الوسـاده *** يبـي يوصّـل راس مالـه لمليـار والا المواطن صار..سهل اصطيـاده *** جته الهوامير بوسَط غـب الابحـار واصبح نهار وليـل وسـط العيـاده *** مابين طب الراس والقلـب وشهـار يامـن يوصّـل كلمتـي للقـيـاده *** للحاكـم المحبـوب والوالـد البـار ماعاد نبغـى فـي الرواتـب زيـاده *** اللي نبيه اليوم تخفيـض الاسعـار عز الله انه صدق  |
حساس جبتها علي الجرح وكنك مانويت الي مانقول فيها الي حسبي الله ونعم الوكيل والله يستر كل شي زاد يعطيك العافيه يارب تقبل مروري |
خااااطر هلابك وغلا يا ذوق
اسعدني مرورك العطر على الموضوع والله يكفينا شر طمع وجشع التجار تحياتي لك |
يعطيك العافيه حساس وصح السان شاعرها
|
حياك ربي يا المبدع وصح بدنك انشاء الله
|
اخى حساس
رغم انى بعتبر نفسى فى بلدى التانى وانى واحد من اهل هذة البلد على الاقل للفترة اللى عشتها هنا 0 الا انى لا استطيع ان اعلق الا فقط على زيادة الاسعار فيوجد لدينا تكلفة ومصاريف ثابتة لا يمكن باى حال من الاحوال اقلالها بل بالعكس توجد اضافات كثيرة تزيد يوم عن يوم لكبر سن الاولاد وزيادة متطلباتهم بالاضافة الى زيادة الاسعار مع ثبات الرواتب0 لو استخدمنا معادلة بسيطة تجد ان الرواتب وكانها نقصت الى النصف 0 شكرا لك على موضوعك وتقبل مرورى0 |
الغظنفر هلاا وغلا فيك
اسعدني مرورك الكريم وتعليقك تحياتي لك |
ههههههههههههه بسم الله علينا والله لايجيب هاليوم <<<< أتكلم عن الصورة .. :)
أخوي حساس .. لاهنت على نقل لسان حال الشعب من خلال هذه القصيده .. ولاتحرمنا جديدك .. دمت بخير .. |
هلابك وغلا اخوي نواف الرياض
اسعدني تواجدكم الكريم وردكم على الموضوح تحيااااااااتي لك |
إذا في زيادة الرواتب اللي نتمناها خير الله يجيبها
وإذا فيها مايكدر خواطرنا ويكون زيادة الأسعار الله لا يجيبها والدولة أعزها ادرى في مصلحة شعبها وأبنائها والله يكتب لنا اللي فيه خير وصلاح كل الشكر لك أستاذي . |
هلااااااااااااابك وغلا يا سر
اسعدني مرورك العطر الله يكرم البلاد والعباد لما يحبه ويرضاه |
حبيت اضيف على هالموضوع بعد اذنك اخوي ايميل جاني اليوم وضحكني بصراحه http://www.m5zn.com/uploads/d2e893db0b.jpg 1 )) (( ازمات مرت بالمواطن السعودي ) @ سنة الجراد .. !! @ سنة الجوع .. !! @ سنة الجدري .. !! @ سنة ثمانية المانيا .. !! @ سنة الـ 5 %!!! = = = = 2 )) بمناسبة زيادة ال 5% .. أنضم إلي الحملة الوطنية المناهضة لغلاء الأسعار تحت شعار ... (( حافظ على خمستك لا يقلعونها التجار !!!! )) == == == 3 )) عاجل جداً جداً .. مجلس القضاء الأعلى يدعوا الشعب السعودي لتحري رؤية الصفر الضائع في مكرمة ال 5 % == == == 4 )) مجلس الوزراء السعودي يشكر الدكتور عبدالله الربيعه وكافة طاقمه الطبي على جهده الرائع في فصل الصفر عن الخمسة في مكرمة ال 5 % == == == 5 )) دول الخليج تنظم حملة تبرعات للشعب السعودي بعد إعصار (الخمسونامي). ------------------------ :r0o0t (98): |
هههههههههههههههههههههههه
هلاااااااابك وغلااااااااااااااا ماسه اسعدني تواجدك الكريم على الموضوع وانشاء الله ما توصل لها المواصيل الحمد لله حنا بخير تحياتي لك |
من باب المزح هههههه والحمدلله احنا بخير والكل يحسدنا على نعمة الامن والامان
والله يحفظ هالوطن واهله |
الماسه الحساسه
هلااااااااابك وغلا يا ذوق اسعدني تواجدك العطر نعم الحمد لله والشكر لله على نعمة الامن والامان والله يحفظ في اوطاننا |
يعطيك العافيه
|
شكراا حسااس ولفته جميله
وحكومتنا مارااح تقصر حنا بنعطي لفته وبنعذر واهم شي مثل ماقلتوا الاسعاار ينزلون لنا في الاسعاار وكثر خيرهم |
روح الخيال
ابن عريمه هلابكم وغلا واسعدني مروركم العطر تحياتي لكم |
| الساعة الآن 03:07AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية