من لا سعى للمرجله خاب مسعاه = ومن لا يروم النايفه مارقاها
ومن لا يعز النفس لو عاش دنياه = يبقى ذليل وهيبته مالقاها
ومن لاعتزى للي من الضيق نداه = مافيه دم وكلمته ماحماها
ومن يضحك بوجهك ويخفي نؤاياه = الضحكه الصفرا يبّين خفاها
ومن يخلف عهود الرجاجيل تلقاه = مافاد قوم وحاجته ماقضاها
لا تنتظر من وأحدن ضاع مبداه = يشري رضاك وعزته ماشراها
ساس الردى في حاجتك لا تنصّاه = ضيقك ولا مّن العفون وعطاها
راع الردى مهما تجاوز عن أخطاه=لوهي بسيطه زلتك مارفاها
من رافق الخاين؟ يسؤي سؤاياه = ومن يتبع الانذال يلقى جزاها
ومن يغضب الله .. ما توفق بدنياه = لو يملك الدنيا يعيش بشقاها
عن تجُربه كتبت ماهي محُاكاه = وآمنت بأقدار الحياه وقضاها
ترى الزمن لو زان ياسرع بلواه = ومُر الليالي مايجاري حلاها
كم أحترق صبري على جمرة الآه = صوتي صدى الونه وصدري مداها
عزاه ياقلبٍ شكى الوجد عزاه = نفسي عزيزه عظمّ الله عزاها

المشاركة الأصلية كتبت بواسطة منصور الرويلي (المشاركة 389068) ومن يضحك بوجهك ويخفي نؤاياه = الضحكه الصفرا يبّين خفاها ومن يخلف عهود الرجاجيل تلقاه = مافاد قوم وحاجته ماقضاها ساس الردى في حاجتك لا تنصّاه = ضيقك ولا مّن العفون وعطاها من رافق الخاين؟ يسؤي سؤاياه = ومن يتبع الانذال يلقى جزاها ومن يغضب الله .. ما توفق بدنياه = لو يملك الدنيا يعيش بشقاها عن تجُربه كتبت ماهي محُاكاه = وآمنت بأقدار الحياه وقضاها كم أحترق صبري على جمرة الآه = صوتي صدى الونه وصدري مداها عزاه ياقلبٍ شكى الوجد عزاه = نفسي عزيزه عظمّ الله عزاها . . . .