|
بـشـار الله لايبـشـرك بالخـيـر
الشعر اسوقه سـوق ذودن مغاتيـر=ويارد على عـدن قراحـن شرابـه واليا حضرت اطرب سموع الجماهير=ويزيدني في الصدر عـز ورحابـه وراسن مافيه من الرجوله صعاطيـر=هاذاك خيرن من حضـوره غيابـه بـشـار الله لايبـشـرك بالخـيـر=يالمستـبـد ويازعـيـم العصـابـه في سوريا سويـت إبـاده وتطهيـر=وعلى هـل السنـه تشـن الحرابـه وتقـود شعبـك للمهالـك طوابيـر=علـى حبـال المشنقـه والقصابـه وعند الخميني لـك معـزه وتقديـر=وفي كربلا تحفـظ حقـوق القرابـه وتكـذب اقوالـك جميـع التقاريـر=وام الشهيـد الأرمـلـه والغـلابـه وينك عن الجـولان يانافـخ الكيـر=اللي بيـد صهيـون راحـت نهابـه منته بـلا عنتـر ولاسالـم الزيـر=وبينك وبيـن البـوم وجـه التشابـه وفي شاين افعالك رمتـك المقاديـر=وشعبك معك عود يصفـي حسابـه وموتك على ايدين الدرك والمغاويـر=ولابسيـفٍ لـه شمـوخ ومهـابـه |
الله الله
وأنا أشهد ان لحرفك جمال ساحر و روعة أخرى صح لسانك يا عبيد و لاهنت أبد ننتظر منك كل جديد اخوك ريف النشاما |
عبيد ابو شيبه
صح لسانك ودمت بود |
الغالي
الشاعر عبيد ابو شيبه الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الجزله بما تحمله من مضمون ومعنى قوي وكل ما كتبته هنا عن الطاغي بشار الاسد ونهجه وتعامله الخبيث تصوير حقيقي والله يكون بعون شعبه وحسبي الله عليه وصح لسانك وعلا شانك مليون ولايكفون تقبل تحياتي |
شاعرنا : عبيد أبو شيبة
صح لسانك ، وبارك الله فيك .. ونصر الله المسلمين على أعداء الدين .. تحياتي لك ... . |
عبيد
صح لسانك ملاييين ولايسدون تحياتي . |
آبدعت وصح الله لسآنك مدد
والله ينصر أخواننا في سوريا ويعجل بآخرت بشآر |
الشاعر عبيد أبو شيبة وحرفك كلمة نريد أن ننطق بها وكان شعرك خير متحدث لما في داخل النفس صح لسانك ولا يكفي المدد هكذا الشعر يكون ي نبل :r: انحناءة ياسمينة |
بيض الله وجهك على القصيده الجزله
وصح لسانك ولاهنت وحسبي الله ونعم الوكيل على بشار وباذن الواحد الاحد ان نهايته قربت وراح تكون نهايته عضه وعبره تقديري لك |
اقتباس:
ريف النشاما ياهلابك وصح الله بدنك ولاهنت على مرورك الوافي |
صح لسانك اخوي عبيد
لاهنت على هذا النص الراقي تقديري لك |
ويــنــك عــــن الــجــولان يـانـافــخ الـكــيــر الــلـــي بــيـــد صـهــيــون راحــــــت نــهــابــه صح لسانك لقطة واقعية للغاية اجمل باقة ورد |
اقتباس:
ولد الحكومه ياهلابك وصح بدنك ومشكوور على مرورك تحياتي |
شاعرنا القدير عبيد ابو شيبه قصيده رائعه صح لسانك وسلم فكرك وحسبنا الله ونعم الوكيل في بشار وكل من هم على شاكلته يعبثون بارواح المسلمين . لا فض فوك تحياتي لك رهب |
عبيد صح السانك
واعتلى شانك اجتمعت حروفك لتشكل نصلا لسيف تكون من قوة المعنى بتار على رقبة المتبجح بشار فصح السانك وبيض الله وجهك واحيي فيك غيرتك على دينك وحميتك لاخوانك العرب |
اقتباس:
ياهلابك إستاذي القدير وصح بدنك ولاهنت على مرورك الوافي وتواصلك المشرف تحياتي لك |
قربت
صح لسانك ايها القدير مع اجمل تحياتي وتقديري واحترامي |
| الساعة الآن 03:30PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية