من فقارة نجــد لاسـيف البحر وعياله = لابتـــة ٍ يـــوم الجهل كل ٍ حماله حله

راس طود يحتمي راسـه مقـادم جـاله = ابوســـلمان المسمـــى ظلها مــن ظله

ديرت فروخ العقاب ودار ابوه وخاله = عــزها من عز ابوه وعــزها عز ٍ له

لابـد الازم هـل الطـاله تسـوق الطاله = والحمــل دونه رجـــال ٍ تنثنـي وتشـله

غربي سباع الرفاع اللي حموا مخياله = من بغـا دار القطــامي رددوا لاوالله

اصغر عيـــال النشـاما للوطن خيــاله = واكبر الشجعان لوطال المدى كفـو ٍله

فـّوح ابن حويل من باب الولا فنجاله = لين جمّــل هيلــها وبهـــــارها والدله

الفهـد يرث عهـد بـين البلد وشــباله = والغـــلا يــرث ولا مابين زند وسله

اتحد شــــبه الخليــــج وطيب الله فاله = وكلهـم لبوا لصوته نعــم ذيــك الطله

علم الشيعــي يجنــب فتنــة الدجـــاله = لايوهقـــه الخمينـــي بين حلــــم ومله

كلنا دون الخليج ودون روس ابطـاله = وكلنا درع الخليــــج وكلـنا عبــــدالله

المشاركة الأصلية كتبت بواسطة ريف النشاما (المشاركة 373660) صح لسانك مليون ولا يسدون مبدع كما عهدناك يالقرم و ننتظر منك كل جديد كل التقدير ريف ..

المشاركة الأصلية كتبت بواسطة سفير المعاني (المشاركة 374188) الغالي الشاعر عبدالعزيز الشلوه الله انه يسعدك ويوفقك بجميع اوقاتك بكل خير اسعدني ان اكون من ضمن المصافحين لهذه القصيده الشامخه وان دل هذا على شي فانما يدل على تفاعلك مع بلد نا الثاني وما قصرت ويستاهل ابو سلمان واطال الله بعمر عبدالله وصح لسانك علا شانك مليون ولا يكفون تقبل تحياتي

المشاركة الأصلية كتبت بواسطة خلف العاطفي (المشاركة 374555) ابومحمد صح السانك وابياتك دائما قمة في الجزاله وانت كفوء لها .. صح السانك وقصيده فيها المدح لمن يستحق وتأييد للاتحاد ونبذللتطرف وهرطقة التفرقه الطائفيه وتوضيح ملامح من المشهد السياسي الذي يحاول التخبط في امن اخليج وهزهزة اتحاده شكرا لك وصح السانك تقبل مروري وتقديري