الغالية
زمان العجايب

السلام عليكم ورحمة الله

غالية والطلب رخيص ابشري اليوم هذا وامس وانا بلحالي ام محمد راحت مع ولدها لمكه وبقيت وحيدا وفيه
لي اصحاب يفطرون معي يوميا ولا حبيت يعرفون ان ام محمد ما هي فيه هم ما يجون فامس كانت مصلحه
الفطور قبل تروح لمكه واخذوا فطورهم وتركوا فطوري انا واصحابي المهم جوا وافطرنا واللي علينا بالخير ولم
يشعروا بانني اعزب فاكدت عليهم ان يجون بكره بدري نسولف قالوا لا نجي قبل الافطار بخمس دقايق قلت
لهم على راحتكم وقمت الساعه ثنتين وحضرت للافطار مثل اللقيمات وتحضيرها للقلي والسنبوسه كانت
مجهزه ما تحتاج الا قلي فقط وصلحت كريمه وصلحت شربه وصلحت مكرونه وصلحت القهوه المهم يوم دخلوا
واذا الفطور جاهز امامهم المهم افطروا وصاروا يدعون لام محمد بالجنه والديها وان الله يحسن اليها وقلت لهم
وانا مالي من هذا الدعاء شي قالوا انت ما تعبت مثلها بالتحضير قلت بس طبخها اليوم ما هو مثل امس ما جاز
لي وقم واحد منهم ومته بالطلاق من ام عياله انه ما عمره ذاق اطيب من هالفطور قلت ايه عسى ما تقلب
اذا عرفت الحقيقه وتروح للشيخ علشان يفتي لك بيمينك بالطلاق قال ابد انا عند كلمتي قلت مدامك عند
كلمتك اللي صلح الفطور ما هي ام محمد مير بكره مالكم عذر انا علي الطبخ وانتم تغسيل الاطباق والقدور
وهات يا ضحك قالوا ابشر الآن ندخل نغسل لك وبكره نلقى الافطار جاهز وشوي واقوم انام من اجل اصحا
بدري لصلاة والتحضير للافطار والله يكون بعوني واتجمل ويصير الطبخ مثل امس ودمتم جميعا بخير