والا والله إلّى جاتني عقب طووووووول غياب=و أنا ما بديت الرّجم لأجل آترقّبها
تسلّل و كنها البنج لا من دخل الأعصاب=إيلين حكمت بالصّدر و أرهت مقاضبها
و قامت تحدّث مع ضميري بدون حجاب=وتاخذ علومٍ فالسّراجيف كاربها
و جرّت هجوسٍ دونها ما فتحت الباب=هجوسٍ منعناها عقب غااااااااااااب غايبها
و أنا هايبك يا الشّْجرة اللي تحتها داب=ولو غاب منها ما ومنّا عقاربها
ويا طول ما إنّا حدرها ما نحسب حساب=مغرّين و الدّنيا سريعٍ تقلّبها
تغيّر طعم حلو الكرى لو غفت الأهداب=و كنّي ليا أمسى النّاس و أمسيت غاصبها
زهفنا بشيٍ كان له فالضمير اعجاب=وعيني كثيرٍ صار ما عاد يشهبها
سقى الله سنينٍ جامعتني مع الأحباب=ولا باقي الاّ رسوم دارٍ ربيت ابها
أسوق القدم بأسباب و الاّ بدون أسباب=لخدّ غلاها في ضميري يقرّبها
على الله جروووحٍ مرمسة ما لها طبّاب=و أنا كان أحسب الوقت لا طال طبّبها

المشاركة الأصلية كتبت بواسطة خيّالـهآ (المشاركة 349919) مبارك بن محيا / تشرفت باني اول من صافح هذه الباقه صح السانك واعتلا شانك تحياتي ,,