|
مشاركة بنتي الشاعره مشاعل بنت عبدالعزيز في شاعر الملك
بسم الله والصلات والسلام على اشرف المرسلين مشاركتة بنتي مشاعل بنت عبدالعزيز بن محمد في مسابقة (شـاعرالملك) للشاعرات قصيده بعنوان(الملوك المشاهير)
شقت بـروق الوسـم صدر المزابيـر = وكسـا الحيـا في نجـد راس الفـقاره ولبست فياضـه مـن عـراها نواويـر = وشـاق المغني سـجة ٍ فـي خـضاره يوم انتخـــت داري ببنـــت المناعير = فاضت مشــاعرها بشــوق وحراره حضــــرتها فن ٍ وبراعـه وتقــــدير = من صلب هامة شايب ٍ في الصداره وغنيت فـي دار الملــوك المشـاهـير = فـروخ جــير ٍ مـن مواكـر صـقاره نسل الحصـان اللي حداها على البير = عبــدالعزيز اللـــي حكمـها نعــاره من سـطوة الدندون ساق القدم سـير = ليـن اعتلـى بالسيف فـوق المناره واليـوم عبـدالله طلـع طلــعةٍٍ غــــير = شـــهر بهـا بيـن الدول للحضاره سـطر له التاريخ في نجــد تسطــير = قسـمه من النامـوس فـي كل غاره انا اشـهد انه طــور العلـــم تطـــوير = محـى الجهل يوم اجتول في مداره اليا بطـــش حد ٍ يقـــص المســــامير = واليا عطــى يجـبر كسـير الجبـاره ملك قلوب الناس شـعب وجماهـير = ذرا اليتــاما والأرامل بداره سدد قروض الشعب من دون تقصير = واعتق سجين طاح وسـط الخبـاره الطب خصص له مســاحه وتعمــير = والأســـكان سيس له بنـود وزاره الشعب دآم بخـــير فـي ظـله بخــــير = والدار ياعز البـلاد وقـــاره الله يفكـــه مــــن صـــوف المقـــادير = ونفسك عسـاها من خطاها مجـاره ياســيدي ســـتر البنــي الغنــــــادير = الشعـب بايعـك الولا في قـراره لا يرهبــك يانجـــد حــس الطـوابـير = وأســم الولي خـفاق داري شـعاره دونـك عيـال ٍ ك السـيوف البواتـير = ودونك شيوخ ٍفي اللقا ك النماره الشاعره / مشــاعل بنت عبدالعزيزبن محمد |
صح لسانهاااااا وتسلم يمين ناقلها ...
رازه خشتي هنا هع ^.^ ووبالتوفيق ان شاء الله |
اقتباس:
صح بدنك يالحره نسل الحرار يسلم قلبك اختي لانتي على مرورك العطر المتواضع نورتي متصفح اخوك اختي |
عبدالعزيز
الله يخليها لك ويخليك لها يارب بالتوفيق ان شاءلله تحياتي . |
الغالي
الشاعر عبدالعزيز الشلوه الله انه يسعدك بجميع الاوقات اسعدني ان اكون من ضمن المصافحين لقصيدة ابنتك في خادم الحرمين حفظه الله الله يوفقها ويسعدك ويسعدها وماهو غريب ان تكون شاعره وهي ابنتك وانت قدوتها صح لسانها مدد بلا عدد تقبل تحياتي |
أخي / عبد العزيز
جميلة القصيدة والأجمل من ذلك أنها في الملك وأبن الوز عوام ... لكن ( برنامج شاعر الملك ) لا يصل لمكانت خادم الحرمين لا يوجد تنسيق في البرنامج ( كشاعر المليون ) ينقص البرنامج كوادر تلفزيونية وكوادر شعراء معروفين يليق بالمسمى .... وحتى لو ما يوجد تصويت ... أخي / عبد العزيز ربي يخليلك بنتك |
الشاعر عبدالعزيز
بالتوفيق لكلاكما أنت وأبنتك مشاعل في هذه المسابقة |
اقتباس:
عقاب اسعدني مرورك الله يقبل منك وانا خوك تحياتي لشخصك الرااائع |
الشاعر عبد العزيز الشلوه
صح لسانك ولسان الشاعره مشاعل والله يخليها لك يارب ونتمنى لكم التوفيق والمزيد من التقدم تقديري |
اقتباس:
صح بدنك والدي ابو محمد اسعدني مرورك العطر لاهنت |
بووووووووووووووووووووووركت هذه الانامل الرقيقه
لما سكبته من مشاعر جميله وقاده في الوالد الكبير الملك عبدالله لك كل الود والشكر لهذه الابنه الجميله |
صح لسانها قصيده جزله كيف وهي بنت شاعرنا عبد العزيز ربنا يوفقها ويحفظها ويستر عليها شاكره لك تقلها لنا هنا تحياتي لك ولها رهب |
صح لسآنها
قصيده رآئعه الله يخليها لك ويحفظها تحيتي |
الشاعر عبدالعزيز
صح لسانها واعتلى شانها وفالها الفوز باذن الله |
اقتباس:
وهم أنثى اشكر مرورك اختي تحياتي لشخصك الكريم |
| الساعة الآن 08:13PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية