على منبر مقام الطيب وألمبنـى علـى سيسـان= أوقـف فـي مقـامٍ يثبـت التـاريـخ بأثبـاتـه
أسلـم وآتكلـم واثـق المبـدا فصيـح لسـان= أعبـر بالقصيـد أللـي ورى ألهقـوات هقواتـه
على شرد القوافي لي عـزوم ومحزمـي مليـان=اجمـل وآتجمـل فـي نهـار ٍتصـدق رواتــه
إلـى زان الفعـل زان ألقصيـد وكـل شـيٍ زان=ولا أحلا من قصيد الفعـل لامـن جـا بحزاتـه
تعيش النخوه بدم السعودي مـن علـى الجـدان=موارثنـا مـن ألمـوروث نخواتـه وشيمـاتـه
سعودييـن منهجنـا شريـف ومجدنـا عنـوان=على صفحة سنام ألمجد مـن صـادق رواياتـه
يعيش أغلى وطن لأهل ألوطن بأمن ورخى وأيمان=على عز ومعـزه فـي حمـى شعبـه وقاداتـه
يعيش مطـور النهضـه يعيـش مشيـد البنيـان=يعيش أللي رقـى للمجـد فـي عالـي مداراتـه
أبو متعب ملكنا وأن تقـدم فـي صعيـب هـان=علـى المعهـود نخواتـه ووقفاتـه بعـاداتـه
يغيث المستغيث بفزعتةٍ يطرب لهـا العمسـان=وتنصاه الرجال مـن الزمـن لشهـب وصكاتـه
دلايـل واضحـه وآخـر دليـلٍ قصـة الغفـران=فرجهم بعـد عـون الله علـى جاهـه ووقفاتـه
تقدم بالشفاعه عند أبـو مشعـل رفيـع الشـان=وكبيـر الجـاه تقديـره تثمّـن كــل طلبـاتـه
ولا قصر رعى العليا طمر ماصار طمـر حصـان=عطى وأعفى مـن الجانـي بحسناتـه وسياتـه
تجمل راعي الوقفه وأبـو متعـب بعـد ماهـان=عساها في نهار الحشر تـازن فـوق حسناتـه
ينومسنا بفعـل كـل مـا بانـت صعيبـه بـان=ولا نستغرب مـن ألفيصلـي ممشـاه وسواتـه
حكيم الـراي حـلال العقـود مرجـح الميـزان=تخاضع له سلاطين الـدول مـن قـو هوماتـه
أبو متعب زعيم العـرب لاحـل الـدرك مزبـان=تسامالـه سمـو المجـد فـي عالـي مناراتـه
يعز اصحاب بفعولـه وتخشـى باسـه العـدوان=على ألشبر الرهاوي فـي رخـا وقتـه وشداتـه
أبو متعب حبيب الشعب من عانه ومـن شيخـان=على عز الوطن واهل الوطـن تسمـو مقاماتـه
حفظـك ألله ملكنـا وألله يمـد بعمـر سلـطـان=عسـى عمـره مديـد وزاده ألله مـن مسراتـه
ولـي العهـد منصـآ لثنـا والمـدح والعرفـان=يداي كبـود مـن طيبـه وتدمـي كبـود هداتـه
سحاب الخير ينشي بـه ويمطـر ديمـه وهتـان=يغيـث ألمسنـي وتدفـن وجيـه ألفقـر مداتـه
وزيـرآ للدفـاع وقايـد للجـيـش فالمـيـدان=جبروت العـدا يخضـع تحـت رايـه وسلطاتـه
وتحيـا ياوزيـر الداخليـه مـمـن الاوطــان=طويـل البـاع نايـف نايـفـآ بالعز وصفـاتـه
سياجـآ للوطـن بالعـز والهيبـه وبالبـرهـان=امـان الشعـب والاوطـان موليـه اهتماماتـه
على روس الطغاه المعتدين احـد مـن شامـان=على شوره ورايـه يرسـم التاريـخ صفحاتـه
ويحيا أمير نجـد وعزهـا يحيـا لنـا سلمـان=اميـر العاصمـه نفخـر بوقفـاتـه وطـولاتـه
ملوكن في ذراهم نهتنـي فـي عـز واطمئنـان=عيال معزي الـي لـم شمـل العـرب وشتاتـه
وصـلاة الله وتسليمـه عـدد ماهمـل الـودان=على طـه الشفيـع الـي مشانـا فـي هداياتـه

المشاركة الأصلية كتبت بواسطة زمان العجايب (المشاركة 349223) الشاعر سعود الدوسري صح لسانك يالمبدع دوما"

المشاركة الأصلية كتبت بواسطة الإدمي (المشاركة 349473) اهنيك على ذائقتك في الطرح كلمات رائعه والتميز يشع من حروفها استمتعت بالتجول بين سطورك المتألقه