|
وش حيلة العاشق اليا صار مشتاق ؟
وش حيلة العاشق اليا صار مشتاق=وبينه وبين اللي يحبه مسافه وقلبه على وصل المحبين تواق=والحزن سم الحال والهم لافه يسهر يخايل تالي الليل براق=يفزّ لامنه بالاعيان شافه وينثر جروحه بين صفحات الاوراق=حتى اشتكى حرفه وشعره وقافه نومه جفا عينه وللموق مالاق=وزاده وشربه من عنا البعد عافه وضاق المكان وواسع الكون به ضاق=اضوق من التفكير في عقل تافه حتى احترق في داخله غصن الاشواق=ويبست ينابيعه وجفت اضفافه أنا اشهد ان البعد للقلب حراق=وأنا اشهدٍ شح المواصيل آفه ياليت من شاف الغضي حزة اشراق=اقنع لو أنها ويقةٍ وانحرافه لعلها تبتل يبّاس الارياق=لو الثمن روحي فلاهي حسافه ((ياليت ربي ماخلق حب وفراق))=(( والا خلق حبٍ)) بليا كلافه - - - - عاسف المهــــــــار نايـــــف بن جليــــغم استراليا -هوبارت *مابين الاقواس مقتبسه من قصيدة الشاعر محمد الاحمد السديري رحمه الله |
وانا اشهد انّك شاعر يا نايف بن جليغم
أبدَعت وأمتعت ! لله درّك جئت بموردٍ عذب فوجب علينا الثناء عليك .. حفظك الله ودمت بخيــر |
|
:: قصيدتك جعلتني أقف على الاطلآل رااااااائعة بمعنى الكلمة .. رآآآآآقت لي أخي الكريم ... دمت بحفظ الله .. |
صح لسانك يانايف
ولاهنت قصيدة رائعة و شوق حار و مسافة طويلة و الغربه بحد ذاته هي الالم مدامك مغترب كبر المخده و اترك الشوق لين ترجع و شد حيلك بالدراسة >>> ماسكه على النصح هههههههه دمت بخير |
عاسف المهار صح السانكـ وسلمت اناملكـ نص فاخر وراااائع كرعتك لك ودي وتقديري |
الغالي
الشاعر عاسف المهار الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الجميله والرائعه بما تحمله من مضمون وسلاسة في سبكها من شاعر له باع طويل ومتمكن وصح لسانك وعلا شانك مليون ولايكفون وتقبل تحياتي |
ياليت من شاف الغضي حزة اشـراق .....اقنـع لـو أنهـا ويقـةٍ وانحرافـه :r:عاسف المهار:r: صح السانك والله يردك لاهلك ومغليك سالما غانما ..شاعرمبدع يابن جليغم ومن صبر قدر ...شد حيلك وترجع بالسلامه |
اقتباس:
يامرحبا ومسهلا اختي جمرة العرب وشهاده اعتز فيها والابداع هو مروك الكريم لاهنتي على مرورك وتقبلي تحياتي |
اقتباس:
:(1:(1:(1:(1:(1:(1:(1:(1 الغربه اااااااااااااااااااااااااه الغربه مره وربي يعين كل مغترب علي غربته بس الي بيصبره هو انه بيكمل طموحه وبيرد لديرته رافع راسه وهمن حبه وشوقه للي لهم يشتااق هذا كله بيقويه ويزيد بعزيمته لتواصل معهم ربي يوفقك ويسعد ابيااات وحروووف خالجت مشاعري احسستها من صميم قلبي لك كل الود في انتظار جديدك يالغلا |
((يالـيـت ربــي ماخـلـق حـــب وفـــراق)) (( والا خــلـــق حـــــبٍ)) بــلــيــا كـــلافـــه صحيت يا عاسف المهار ... صح منطوقك .. وصح احساسك تقبل مروري .. مع تحياتي |
اقتباس:
اخوي ليل صح الله بدنك ولاهنت ياالغالي على مرورك الكريم تقبل تحياتي |
قصيده بمعنى قصيده ابدعت يانايف وتجاوزت حدود الابداع لله درك كما لا اخفي عليك اعجابي بالابيات التي في التوقيع انت شاعر عملاق سجل متابعتي لحرفك وصح السان وسلم البنان |
اقتباس:
اختي تفاصيل الخجل لاهنتي وانا اخوك على مرورك العطر واسعدني مرورك والروعه هو تواجدك في متصفحي المتواضع شكرا على المرور تقبلي تحياتي |
اقتباس:
يامرحبا ومسهلا اخوي ريف النشاما وصح الله بدنك يالقرم والرائع هو مسيارك علي في متصفحي لاهنت على المرور وانا اخوك المشكله ان الشوق ياخوك ماترده الضلوع بس الشكوى على الله تقبل تحياتي |
اقتباس:
اخوي عبدالعزيز صح الله بدنك ومن قال سالم لاهنت وانا اخوك على مرورك الكريم وبيض الله وجهك تقبل تحياتي |
اقتباس:
يامرحبا ومسهلا اخوي سفير المعاني وصح الله بدنك ولاهنت يالقرم على مرورك الكريم تقبل تحياتي |
اقتباس:
اخوي خلف صح الله بدنك وعساك سالم يالقرم والابداع هو مرورك على متصفحي المتواضع لاهنت وبيض الله وجهك تقبل مروري |
اقتباس:
صاحبة القلب القاسي يامرحبا ومسهلا يالغاليه ومرورك اسعدني ولاهنتي على هذا الاطراء الجميل والكلام الاجمل وعلى قولتك اي والله الغربه مرررررره تقبلي تحياتي |
اقتباس:
حياك الله اختي همس المشاعر وصح الله بدنك وصح كلك لاهنتي على مرورك الكريم تقبلي تحياتي |
صح لسانك والله
قمة الروعة ..ماشاء الله شاعر فذ وننتظر المزيد من هالدرر |
اقتباس:
زايد الدغماني يامرحبا والله ومسهلا وصح الله بدنك يالقرم والمبروك هو اللي يعجبك شهاده اعتز فيها وبيض الله وجهك على مرورك الكريم ولاهنت تقبل تحياتي |
قصيدة رائعة
صح لسانك يالجزل لك تقديري |
| الساعة الآن 01:42AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية