|
وينك ياشبيب السبيعي_
ياهجوس الغلا نادي شبيب=بعد رد التحيه والسلام لاتهاب الذيابه وانت ذيب=يالسبيعي تحيزم بالحزام |
مرحبا يااللبيب ابن اللبيب =دام عزك وبيت العز دام والذيابه يقابلها قنيــــــب= لين تركد وتعلن لأنهزام |
ارحب ياالغناوي
صبحك الله باالخير |
مرحبا ترحبتن كنها لون الحليب
بثنين الي تنادو على زين الكلام مربي دربي وانا عبرن وسط الشعيب ثم نوخت المطيه وفكيت الخطام ثم ورت العد والدلو في وصط القليب عابر في رحلتي قبل لايمس الظلام |
ارحب كنت اكتب ولا اتبهت لك صباح النور
|
حياكم الله خيالها والسبيعي
متبعين لكم لاهنتوا على هالمحاوره واصلوا تحياتي |
هلا بك .. حياك
ولاهنت على هاالأبيات وخيالها شكله غاط بسابع نومه وانا بعد استاذنك ياالغناوي بروح انام وغدا لنا لقاء وبعد ماأخلص من خيالها بآخذبك مشوار |
هلا وغلا بـ سفير المعاني
تشرفت بوجودك ومنور انت والغناوي... ماعاد الا خير حنا ماجينا الا متأخرين وللمحاوره بقيه تصبحون على خير |
انا ماكنت ادري انها محاوره
ولا كان ماتدخلت ع العموم اسف وذا خلصت من خيالها تعال سابقني والسابقه تضهر بيدها تحياتي |
لا باالعكس ياالغناوي وجودك شرف
ومداخلتك محل التقدير لاعدمناك ياذيبان |
سفير...الغناوي منـــــــــورين احفظ الوصف كامل يالحبيب=لا تظل الطريق ولا تنام والله اني لا احدرك الشعيب=لين تلحق خوالك والعمام |
مساء الخير للجميع ... المعذره انشغلت شوي
منور سفير المعاني استلم ياخيالها ياقليل الوفاق امرك عجيـــب ~~~~~ تطّبخ وانت للعاوي طعــــام اسمعك لك قريش ولك دبيب ~~~~~ مير خنفس خلا وقت الزحام |
وش تبي فالبلد يابو شكيب=وانت شامي وفي ضف الشوام ذابحك حب مقطوع النصيب=لاتميز حلال ولاحرام |
الله الله
صح لسانكم جميع متابع وواصلوا لا هنتوا وانا في صف خيالها ولا يهون شبيب |
مرحبابك يــ حامل المسك
منور يالغالي.. وخذ راحتك في اللي تشجعه الوضع فرري وانا اخوك اهم شي متابعتك لاعدمناك |
انت ترجف وتبغا لك طبيب
مايداويك محلول الزكام مايصيبك تحسب انه يصيب غيركم وانت لاجملك لجام |
حياك..ياحامل المسك
عطرت المتصفح تفلح احيان واحياناً تخيب =مايجي للحرم مثلك إمام كل واحد له من اسمه نصيب=وانت شبيت من لمسة بهام |
الولد لوعرف وضعك يشيب=باقي ٍ لك على خشمك زمام كل يوم ٍ تقنّـع لك حليب= لأجل صحتك تصبح في التمام |
في يديك القلم ويش الغريب=لو تشخبط طلع خطه تمام يمكن انسفرك لابو غريب=لين تعرف صلاتك والصيام |
ياقليبه قليبه في القليب= كيف يترك قليبه للحيام والله انه ردى وامر ٍ صعيب= خاف رب ٍ كفل رزق الانام |
واضحٍ كل جسمك للحريب=لا تخفي رويسك كالنعام مابتدى في سلامٍ يالصحيب=ينتهي ياصحيبي في سلام صح السانك ياشبيب ويعطيك العافيه استمتعت بالمحاوره معك تحياتي,, |
وانا كذلك استمتعت باالمحاوره معك
دمت بخير |
| الساعة الآن 01:15AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية