حسبت عرفك مثل توقيعك الشيك=صحيح ماكـل المناظـر تشابـه
ان جيت صوبي جعل ربي يحييك=وان رحت ماهم المروي سرابـه
تعبت اسوي ماتحبه واداريك=لاقولةٍ مشكور ولا رحابه
يومك تعمد تجرح القلب وش فيك= خليت صندوق الضماير خرابه
فّرحت عدوانك وخليت مغليك= مواقفك فيهااا العجب والغرابه
كل الحلول السانحه بين اياديك= وش لك بنزوات الزعل والطلابه
دام الدروب اللي تجي لك مشاويك= الله يعينك يالقدم من عذابه
ابيك لو ساعة غضب قلت مابيك= عليك احس ان المعاليق ذابه
قلبي تسليه الاماني وطاريك= واللي بقى من ذكرياتك زهابه