|
النفس اللوامه
يالله طلبتك يا عظيم الشاني= الطف بعبدك ضيم وقته ضامه أنا الضحيه والزمان الجاني = بين الظروف ونفسي اللوّامه الهم الأول يقتفيه الثاني = يأتي محله ويتسلّم زامه اللي تجرّع رشفة الحقراني= أخير منها يرتحل بصيامه ماكني أنقل علتي وأعاني= قدت الجمل للمجزرة بخطامه قم انزل الميدان يا حميداني= كان انت باحوال البشر علامه هات الدليل وعطني البرهاني= أن النوايا الطيبه هدامه وان النجاح يحالف الخواني= وان المطفف يقنع السوامه هاذي سوالف واحداً سكراني = يكتب صكوك المعرفه باوهامه غلطان يا من يقنع الغلطاني= اللي ينقّل بالهبال عظامه لا ما نسيته يخزي الشيطاني= الواجب اللي ترتفع به هامه إلى نصاني واحداً ينخاني= أبذل جهودي كلها قدامه مانا طبيب تخصصي نفساني = ولاعرف سوق البورصه وارقامه ولانا معدد بالرخا خلاني = روس المجنن تتعب الحجامه أنا وبعدي جعلها الطوفاني = مانيب ناشد لو تقوم قيامه |
شاعرنا عبدالله المفضلي الشمري
دائما" القصيدة المعبرة حليفة لك صح بوحك دمت بخير وسعادة |
الله عليك ياعبدالله
استمتعت في قرائتها ولي عوده صح بوحك ولاهنت تحياتي.. |
عبدالله
صح لسانك جزله من جزل تحياتي |
الغالي الشاعر عبدالله المفضلي الشمري الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده المعبره بما تحويه من معنى ومضمون فانت شاعر متمكن وليس ذلك بغريب عليك وصح لسانك وعلا شانك مليون ولا يكفون تقبل تحياتي |
يالله طلبتك يا عظيم الشاني الطف بعبدك ضيم وقته ضامـه أنا الضحيه والزمان الجاني بين الظروف ونفسـي اللوّامـه صح ألسانك لا هنت ،، تقبل تحياتي ،، :) |
عبدالله المفضلي
قصيده معبره استمتعت بها لاهنت صح لسانك |
صح لسانك ولاهنت
|
زمان العجايب
كذلك انا موفق بوجود اعضاء رائعين بهذا المنتدى الراقي اشادتك غاليه كل الشكر لك |
الاخ خيالها
حياك الله متعّك الله بالصحه والسرور كل الشكر لك والتقدير تحياتي |
الاخ الشاعر عبدالله المفضلي الشمري صح لسانك وبيض الله وجهك على هذا النص الراقي والرايع تقبل تحياتي وتقديري |
اقتباس:
الاخ عقاب صح بدنك لا هنت ما عليك زود مشكور تحياتي |
اقتباس:
الاخ سفير المعاني تسلم الله لا يهينك كل الشكر لك على المرور الجميل تقبل تحياتي لك |
اقتباس:
الظبي ياهلا تسلمين لا هنتي مرورك عطر وعذب مشكوره |
اقتباس:
الاخ السالم متعك الله بالصحه والسرور مرورك اسعدني مشكور |
اقتباس:
الاخ وليد السلطان صح بدنك ولا تهون مشكور |
اقتباس:
الاخ عبيد ابو شيبه حياك الله مشكور على المرور الجميل والاشاده الاجمل احترامي وتحياتي |
| الساعة الآن 09:16PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية