|
الاغتسال با الغفران
ليست بشي دون جمالكم مع كل تقديري لكم | جيت لك يغسلني الغفران من كل الخطايا جيت مافي ذمتي ذنب ً ولا فيها خطيه 00 لو تصورني لقيت الخافي بصدري مرايا كل ضلع ً من ضلوعي محتضن له مزهريه 00 جيت اسوق الروح كل الروح من ضمن الهدايا ويش تظن بواحد ً والروح معطيها هديه 00 جيت ماجيت اتلفت واتخفى با الزوايا جيت لك مضرب مثل كلي شموخ ً واريحيه 00 جيت وانا با اعتزازي من حميدين السجايا بأسمي اللي مايجي في المشتبه والمنقديه 00 من مسافات الوله عطشان وحياضي ضمايا ولاآل أمال النفس سقف في الحياة النرجسيه 00 جيت مافي نيتي غير انت من بد البرايا رغبتي ماهيب نزوة طيش والا موسميه 00 اسرج الاشواق لمصافحك قدامي سبايا لين غطاك الوداد بغصن زيتونه نديه 00 كأنك بصدري وطن موعود واشواقي مطايا واحسبك بوليسة التأمين من شر ومنيه 00 جيت لك صدري شمالي من وسيعين النهايا وانت في وجهي ومكفول ً من اعيوب وزريه 00 والله اني شيخ لوما قدت جيش ولا سرايا والله من نبيلين الطبيعه والسجيه 00 لو توديني ثمن رديت تأخذني عطايا ولو تتوه انا دليلك في الدروب المهمهيه 00 دام اشوفك حاكمي وتشوفني ضمن الرعايا نادني حسب التسلسل با الحروف الابجديه 00 وان فديتك ويش انا باصير من ضمن الفدايا كل يوم ايزيد كثر المعجبين من اوليه 00 ودام انا ما أفرض وجودي لك والا افرض مستوايا عاشقك واهيم فيك اهيام من نفس ً رضيه 00 خلني في الصورة اللي حولها صدق النوايا لا تخليني من البدون مجهول الهويه 00 واتوسل من حتوف تسبق اسهوم المنايا واتوسل من ذنوب ً تقتل النفس البريه 00 واقسم انك فوق ماتحوى العقول من الحكايا وانك ابلغ من ثقافات الشعوب المخمليه |
المهدي بن تركي
مهدي الشعرالغيرمنتظر يسعدني باني اول من صافح هذه الفارعه صح بوحك ولاهنت تحياتي.. |
المهدي
صح لسانك على هذه الرائعه لاهنت نص فاخر ومميز تحياتي |
الغالي
الشاعر المهدي بن تركي الله انه يسعدك ويوفقك لما فيه الخير اسعدني مروري على متصفحك ومصافحة هذه القصيده الجميله المميزه والرائعه بروعتك وصح لسانك وعلا شانك ولاهنت تقبل تحياتي |
المهدي بن تركي
صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك قصيـــــدة في منتهى الروعة وبحرف التميز والكمال مطبوعة |
المهدي
اسلوب شعري مميز وله روح ومعنى صح لسانك |
اقتباس:
خيالها لست المنتظر ولا يحزنون اشكرك ايها الراقي على جمال الحرف وشموخ الحضور لك كل تقدير مني |
اقتباس:
الاستاذ عقاب حضورك هنا اضفى اسماء معاني الجزالة لاعدمتك من شاهق |
الاخ الشاعر المهدي بن تركي نص فايق في الجزاله والوصف صح لسانك مدد ولاهنت |
المهدي بم تركي
صح لسانك وطاب بنانك على هذه العصماء روعة متناهية وجمال اخاذ وعذب دمت ودام نبظ قلبك وقلمك مودتي |
اقتباس:
الاستاذ سفير المعاني عندما اجدك في متصفحي اعلم انك تضيف الحرف الراقي وتزيد الجمال بحرفك لاعدمتك ايها الشاهق فقد توجتها بعقد من الا آلي |
المهدي بن تركي
صح لسانك واعتلا شانك قصيده اكثر من رائعه وجميله |
وان فديتك ويش انا باصير من ضمن الفدايا
كل يوم ايزيد كثر المعجبين من اوليه 00 ودام انا ما أفرض وجودي لك والا افرض مستوايا عاشقك واهيم فيك اهيام من نفس ً رضيه 00 خلني في الصورة اللي حولها صدق النوايا لا تخليني من البدون مجهول الهويه صح ألسانك لاهنت ،، تقبل تحياتي ،، :) |
واقسم انك فوق ماتحوى العقول من الحكايا وانك ابلغ من ثقافات الشعوب المخمليه اخوي المهدي قصيدة جزله صح السانك تقبل مروري |
اقتباس:
الراقي فرج الدهمشي وانت تضيف الجمال بكل حرف لك لاعدمتك ايها الشاهق |
صح لسانك ا لمهدي بن تركي
على الابيات الرائعه |
صح لسانك
ولاهنت ويسعدني تواجدي بين كلماتك |
اقتباس:
اخوي مجاهد ما اقول الا يا مال العافية سرني راقي حرفك لاعدمتك |
| الساعة الآن 06:33PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية