هلا والله بأبن عامر هلا بالصاحب المزاح= كريم ويقضي الحاجه ولا قد دسها عني

تحيزم ياعلي لم المعارك خل معك سلاح= على كل المذاهب لاتجي شيعي ولاسني

يدوم الك البقا والعلم طيب والقلوب اصحاح=وانا خابر كلامك لو تحاول تحترص مني

انا مثل الجبل راسي ماهده نطحة النطاح=وكم مره تذرّا في ذراه الذيب والجني

اشوف أنك بلى راحه واشوف انك بعد مرتاح= تقًلب ياعلي مدري متى ايامك يطيبني


تحط الناس في بطنك وتسرح كنك السفاح=وتقول أن اليالي مع عيال الناس دربني

انا طيب ومتعافي واكافح والزمان اكفاح=ولو ظنك غدابك والله انه ماغدا ظني

انا شفت الحطب جمّر ولكن القدر مافاح=ولكن الليال السود ودني وجابني

/



/


تحلق ياعلي وانته سواة الطير دون اجناح= شطنت النفس وتقول الزمن ماهوب شاطني


تبي قسمك من التفاح بالصندوق ابو تفاح=نسيت أن اليالي قد تحدتك وتحدني

ترى زند النقاده ياوسيع المعرفه قداح=انا وشلون احلق دون جنحنان ٍ يشيلنّي!!!!!

انا مانيب ادور لي كرامه من كفوف اشحاح=تقدم فاكهه والناس تبغا الهيل والبني

لهبك الموس وأنت بنية التحليق ياسداح= تحسب أنك يابن فرناس طرت وطحت متثني


طمعت بدلة الرسلان وريحة هيلها الفواح= نسيت أنك يابن عامر وانا مثلك نسيت أني

انا ماني بنيه وانتبه لاصفقك بالملواح=ولو اني نويتك رحت لقمه في طرف سني

عسى ترويك جمة بيرك اللي دلوها مياح=وانا من فضل رب البيت مستانس ومتهني