تقول الناس بن عامر حصاة رزاح ماتنزاح= وانا ادور حصاة رزاح مدري وين مخفيها

غريبه كيف بن عامر يهمل عندي الطياح=امانه والأمانه صار حاميها حراميها

انا بنشدك من جابك ومن دلك حصاة ارزاح=وهرج الناس واجد والصراحه عند راعيها

يقولون الصبر ياعقاب في بعض الامور اسلاح=على هونك وبكره تزخر الديره بهاليها

سبحة بغبت(ن) غير البحور السبع يالسباح= حقيقه والحقيقه ليه مثلك مايدانيها

تبي لك ديرةٍ تاكلبها الرمان والتفاح=تحرى طلعها وانته مهملها ومضميها

ليا منّك بسطت العلم بالحجه تراي ارتاح=قضيه والقضيه فصلها من عند قاضيها

ليا ماشبت النيره بلاها زندها القداح=ولا شبيت نارك زدتها ماني مطفيها

تشيل لداك وسط ارداك وتنكر والعلوم امزاح= ملفك به دليلٍ للجريمه وانت كانيها

عطيتك زندي القداح وكنه من يمينك طاح= تقضب فيه و ناره ما تطفيها مطافيها

كلامك ياوسيع العرف طير(ن) ماعليه اجناح=وتسج اخطاك خلف الناس وتفتش مخابيها

انا قلت إلك مره فكني من شغلة المفتاح=ولكنك عصيت ونيتك لازم تصفيها