إسمحولي اباخذ مع الذيب سرحان درب(ن) طويل=كان تقدر على الدرب ياذيب ولا نقول استرح

انت جلاب للسوق لكن ماجبت شي(ن) جزيل=والضعيفه تخلا وجلابها للعرب ماربح

اسمحو له يخاوي سراحين نجد ويحط ويشيل = تعرف الذيب يسري مع الليل يا علي ما ينسدح
مستحيل الكلام اللذي تنطقه ياعلي مستحيل = انت يانجم نورك لالا نورنا ما وضح ما وضح

انت مخطي بهرجك ولكن يارب صبر(ن) جميل=مير انا اظن عقلك ليا صار بعد العشا يمّسح

صاحبك بالمعرفه على مايقولون وزنه ثقيل=والولد لو لقى منك شرح(ن) يفهّمه حل ونجح

انت راسك من اسباب كبر العقل يا صحيبي يميل = هات علمك وصاحبك فالبحر مبطي سبح
لا علاقه لصاحبك سلطان باللي ما عنده حصيل = وابك انا دوب ادرسك ياعلي والمخ قافل معك ما انفتح

الجمل بانت اضلوع جنبه وقلبه حزين وعليل=وانت تفهمني وقارين سورة الفاتحه والفتح

تالي الوقت صارت لك اعلاقة(ن) بام طرف(ن) كحيل=وانت من قبل بك غطرسه كلما قلت كلمه تكح

الجمل لو على الكيف دقيت في منحره حد سيف(ن) صقيل = وصاحبك ينتظر علم(ن) يفرحه يا علي ما فرح ما فرح
يا علي ودي انشدك عندك على العلم هذا ياصاحب دليل = انت هرجك مشوبهه ورجل(ن) جمع فالزمن ما طرح

الحسد من سبايبه ماعاد نلقى المسايل تسيل =وانت قلبك من الحسد ورم وهب الهوى وانجرح

واضحه من بيوت(ن) تغني بها يانبيل الشعيل=وانت في ليل لكنّ ساعات ويبين نور الصبح

انت تبغى تكوش على كل حاجه وتبخل علينا كذا يالبخيل = لكن الله نطح علي لوكان فالوقت ما ينطح ينطح
انت مغبون ردك عن الحب دقنك يا بئس العميل = والله انا نعرف المنافق لو انه ضحك بالسنون ومزح

من زمان البضاعه تحت سطوتي يالطويل الهبيل=لو الايام مشروكة(ن)بين وقت الحزن والفرح

الدجيما من سيوف حب العذارى توفى قتيل=كان حبك سواته علامك تخوّفت لا تنفضح

خلها تنفعك في نهار الحشر عند رب(ن) جليل = ينقلب جمر كل اللذي تأكله من بلح من بلح
هيئة الامر دايم تفرق وتبعد خليل(ن) لايقرب خليل = وانت منهم وسرحان فالوقت يا علي ما ينطرح

قبل لاصدر عليك الحكم روح دور كفيل ودخيل=لكن احصانك الاقشر اليوم فآخر طريقه جمح

جعل ربي يابن عون يحذفك عندي بيوم(ن) فضيل=مير خايف نحصل بجيبك حبوب(ن) سوات السبح