|
ياهاجس الذكرى
رثائيه قد لاتفي من ترثيه حقه
تعبر عن نفسها بنفسها اليكم للحزن في وسط المعاليق شبيت=نارن حطبها من سنين الغبينه يعني اذا سالت دموعي وصديت=يعني انا والهم نفس العجينه مرحوم ياخالي ترى من توفيت=والهم موج وخافقي به سفينه حاربت انا دلال المجالس وصكيت=بابي كذا عامين والنفس شينه واليوم ماعندي سوى هالتناهيت=من كثرهن فالصدر سون مدينه تغيب شمس اليوم تشرق على البيت=والبيت بعدك خامد(ن)في سكينه مابه سوى الذكرى وأمره ولا جيت=لنه فصدري والزوايا حزينه مرحوم في قبرك بعد ماتخليت=عنا جبر ماهو رضا لاحقينه ياليت قبر(ن) ضمك بداخله ليت=ينباج لحظه والثواني ثمينه ذبحني التفكير ياناس وازريت=ادله او انسا صورت(ن)بي سجينه مرت ليالي والخواطر توابيت=والصدر قبر(ن)بلحزن دافنينه والجسم سور المقبره كم به اخفيت=حزني ورى البسمات والضحك وينه والقلب كنه فالحشا عود كبريت=لاهبت الذكرى شعل من كنينه ياهاجس الذكرى ترى بك حواديت=ياما على صحراء الهواجس رهينه عرفت ساعتها وش الحي والميت=والفرق ذكرى والقدر قابلينه وسلامتكم |
القدير / الحوفزان
سلم بنانك وسلم فكرك تمنياتي لكَ بالتميز الدائم تحياتي http://www.s111t.com/up/uploads/imag...5108b24457.gif |
الله يرحم خالك ويسكنه فسيح جناته
وقصيدتك رائعه وجزله وصح لسانك عليها |
واليوم ماعندي سـوى هالتناهيـت=من كثرهن فالصدر سـون مدينـه
نص مؤثر جزل رحم الله خالك وأكرم نزله صح لسانك شاعرنا |
[table1="width:95%;"] | [/table1]شاعرنا القدير " الحوفزان صح لسانك وبيض الله وجهك على الإبداع ورحم الله خالك واسكنه فسيح جناته وعظم الله امرك |
عيون الفجر
حامل المسك سعد السبيعي سالم محسن الفهمي جزاكم الله كل خير صحت ابدانكم جميعا ودمتم بالف خير تحياتي لكم |
شاعرنا الرائع الحوفزان صح لسانك ملاييييييييييين على هذه القصيدة الجزله والجميلة وننتظر بكل الشووق قادمك ودمت بالخير \ / \ العطـــــاويه |
اقتباس:
اخت العطاويه صح بدنك ملايين والاجمل من القصيده حضورك دمت بكل خير وياهلابك |
[TABLE1="width:95%;background-color:black;border:10px inset burlywood;"] | [/TABLE1]http://aphrodite.cooltext.com/render...t430741052.png قصيدة رثاء مؤثره جداً رحم الله خايف اعزيك تطلع السالفه خيااال مثل المره اللي طافت عموما الله يرحم امواتنا واموات المسلمين وشكرا لك يا صاحب الحرف المميز |
[table1="width:95%;"] | [/table1]الحوفزان الله يرحم خالك واموات المسلمين اجمعين صح لسانك صح لسانك تحياتي |
اقتباس:
ههههههههههههههههههههه ابو فارس لا ماني متمني على خالي الموت وهو عايش لا حقيقه وتوفى له سنتين شكرا على المرور المميز وجزاك الله كل خير تحياتي لك |
اقتباس:
ملايين ولايكفون وجزاك الله كل خير والله لايحرمنا هالطله تحياتي لك دمت بخير |
عرفت ساعتها وش الحي والميـت والفـرق ذكـرى والقـدر قابلينـه الله الله الله الله يرحم خالك وسلم فكرك على هذه القصيده صح لسانك وعلا شانك يا الغالي تقبل تحياتي |
اقتباس:
صح بدنك واعتلا شانك اخوي سفير المعاني شهاده اعتز فيها من شاعر كبير بحجمك اخوي سفير صح بدنك ملايين ولا يكفون دمت بخير تقبل تحياتي |
الله يرحم خالك واموات المسلمين
قصيده مليئه بالاحساس والابداع وصح لسانك واعتلا شانك ولاهنت |
اقتباس:
واعتلى شانك وجزاك الله كل خير والله يقبل منك مرورك نور الصفحه دمت بخير |
| الساعة الآن 01:19PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية