|
تذكر لهم بيت شعر او قصيدة .........
مرحبا بكم
هذه فكره وهي أن كل واحد يدخل ويضع اسم شاعر أو شاعره واللي بعده عليه انه يجيب بيت أو أكثر للشاعر او اشاعرة ولا مانع من تكرار اسم الشاعر او الشاعرة لكن بشرط ألا تتكرر الأبيات نفس الابيات. / / / / ولان المنتدى منتدى شعراء ما شاء الله فا راح يكون الحظور طيب وخلينا نشغل الذاكرة بسرعة إن شاء الله الفكره عجبتكم وتنال رضاكم وتفاعلكم ,, وراح اطلب بيت او قصيدة (( للمرحومة عابرة سبيل)) http://www12.0zz0.com/2009/06/14/18/356058494.gif |
فكرة حلوه ورائعه
عقب البطا أرسل عليه سلامه يطلب ويرجيني يبي تضحياتي مقدر اضحي بالشرف للملامه وأمومتي ترفض أيتّـم بناتي ان ما حصل لقياك يوم القيامة ماظن تحصل شوفتي ياغناتي (عابرة سبيل ) اللي بعدي نورة الحوشان |
زمان العجايب..وافارك عجايب دمتي كما..تحبين
ياعين هلي صافي الدمع هليـه وليا انتهى صافيه هاتي سريبه ياعين شوفي زرع خلك وراعيه شوفي معاويده وشوفـي قليبـه من اولٍ دايـم لرايـه نماليـه واليوم جيتهـم علينـا صعيبـه وان مرني بالدرب مقدر احاكيه مصيبةٍ ياكبرها مـن مصيبـه اللي يبينا عيت النفـس تبغيـه واللي نبي عيا البخت لايجيبـه م ط ل و ب((شقير.الجذع)) |
وهذه ابيات للشاعر شقير الجذع العتيبي
صبرت صبر ايوب لين الصبر راح راح الكثير ولا بقى الا قليله قلبي كما طيرٍ دعيله بملواح هواه نجد وجلستي ويش هيله وجداه يا شمة ذعاذيع الارياح في نجد غب مروحٍ سال سيله من الحجاز ليا شروره والاسياح ما به شعيبٍ ماتدارج مسيله ديرة مكسرة الجنابي والارماح ماهو بدار مصلحين البليله دارٍ بها عشنا شريفين وصحاح ما قيل ذي جربا وهذي عليله يازينها لو عيشها صعب وكفاح وياحلوها لو شربها حنضليله المطلوب (( ريمية)) |
ريمية
غرفتي بكل إمتداد .. فايضة مثل انحساري .. فوضوية مثل حلمي .. مخلصة مثل انكساري .. معشبه مثل الضلوع .. ممطره مثل الحنين .. مزهره مثل الرجوع .. عن الصحاب الخاينين .. عالمي الخاص المثالي .. أدفى من جنة خيالي .. شاهده على بعض عمري .. ضاحكه من بعض آمالي .. باكيه في كل حزني .. دافيه حيل وحميمه .. مفعمه بالعطر واسمى .. قبل تسع سنين كانت : سجن مثل الزيف بارد .. بعد عشر سنين صارت : كون مثل الشعر واعد .. دنيتي الأكثر أمان .. حضني الأصدق حنان .. لما جربت اللي برا .. عدت للوحده الصديقه .. هنا بس أحس نفسي .. طير له حريته .. وظبي في محميته .. المطلوب (( وهج)) |
وهذه القصيدة للشاعرة (( وهج))
تصدق يابحر انك تشابه بالعطا قلبي وتصدق يابحر انك تشابه بالغدر خلي تشابه منهو حبيته وبديته على نفسي هذاك اللي توقعته ينور بالوفاء دربي احبه وشايل همي ادور عنده الراحه تخيل لما يلمحني--- تجيني تركض اجراحه اذا صديت ناداني واذا اقبلت خلاني واذا قلبي نوى الفرقه يعشم قلبي بافراحه ابعرف يابحر ذنبي وش اللي بعمري سويته انا ما اذكر اني بيوم جرحت انسان وابكيته وجرحي اليوم علمني عشان اني على النيه تعب قلبي وتعبني ياليته يقسى ياليته ابسكت يابحر وامشي واخلي ضيقتي فيني ابسكت وابتعد عنك وادور من يواسيني تصدق يابحر اني؟؟ توقعتك تشيل اهموم ولكني اكتشفت انك غرقت بدمعه من عيني المطلوب (( مطلع الشمس)) |
وهذه قصيدة الشاعره
مطلع الشمس إنسحاب أعلنت لك حبِّي وتالي انسحابي ... من قلبك القاسي وقلبي جبرته حبٍ عفيفٍ وافيٍ ما يعابي ... حبٍ كتمته وسط جوفي وصنته علَّقتْ فيه آمال عمري وشبابي ... ياما تمنّيته وياما انتظرته حبٍ سكن ما بين جفني وهدابي ... واللَّه ما تتصوَّره لو وصفته لا واعذابي في الضماير سطابي ... بيدي حييته ثم تالي دفنته إنته معاناتي وسبِّةْ عذابي ... وانته الذي فرحي ونومي سرقته ضحّيت لعيونك وسكَّرتْ بابي ... عن شوف غيرك والغرام احتضرته رسمت لك لوحه وصارت سرابي ... وبيّنت لك خافي شعورٍ كتمته هذي النهايه يا مسبِّب صوابي ... سامحك ربِّي في فوادٍ حرقته المطلوب الدكتورة سعاد الصباح |
للدكتورة سعاد الصباح
كن صديقي كم جميلاً لو بقينا أصدقاء إن كل امرأة تحتاج أحيانا إلى صديق و كلام طيب تسمعه و إلى خيمة دفء صنعت من كلمات لست تهتم بأشيائي الصغيرة و لماذا .. لست تهتم بما يرضي النساء ؟ كن صديقي إني احتاج أحيانا لأن أمشي على العشب معك و أنا أحتاج أحيانا لأن أقرأ ديواناً من شعر معك و أنا كامرأة يسعدني أن أسمعك فلماذا أيها الشرقي تهتم بشكلي؟ و لماذا تبصر الكحل بعيني و لا تبصر عقلي؟ إني أحتاج كالأرض إلى ماء الحوار فلماذا لا ترى في معصمي إلا السوار ؟ و لماذا فيك شيء من بقايا شهريار كن صديقي ليس في الأمر انتقاص للرجولة غير أن الرجل الشرقي لا يرضى بدور غير أدوار البطولة فلماذا تهمل البعد الثقافي و تعنى بتفاصيل الثياب؟ كن صديقي انا لا أطلب أن تعشقني العشق الكبير (لا أطلب أن تبتاع لي يختاً و تهديني قصورا وتمطرني عطراً فرنسياً)* و تعطيني مفاتيح القمر هذه الأشياء لا تسعدني فاهتماماتي صغيرة .. و هواياتي صغيرة و طموحاتي هو أن أمشي ساعات و ساعات معك كن صديقي فأنا محتاجة جدا لميناء سلام و أنا متعبة من قصص العشق و الغرام و أنا متعبة من ذلك العصر الذي يعتبر المرأة تمثال رخام فتكلم حين تلقاني لماذا الرجل الشرقي ينسى حين يلقى امرأة نصف الكلام؟ و لماذا لا يرى فيها سوى قطعة حلوى و زغاليل حمام و لماذا يقطف التفاح من أشجارها ثم ينام؟ المطلوب غريبة الدار |
غريبة الدار
تعبت أسامـح الأيـام واقول الزمـن معذور تعبت أشربها سكر .. حظي المتعوس وانكادي على نفسي كذبت وعشت في كذب الأماني شهور وعايشـت الأمانـي .. لين ذقت الغبن وسهـادي وبدا ميلاد قلبـي من عرفـتك بالبها والنور وتباهيت بطـلايع طـلـّتك في يوم ميلادي هـو اليوم الوحيد اللي ترك فيني وفـا وشعور وهـو اليوم الوحيد اللي حرمني روعة أعيادي وفـاق القلب من حلمٍ تنثّر وآخره مبتور على صوت الحقيقه والفـلاح يصيح وينادي ورجعـت لخالـقٍ يجعـل نهـاياتنا فنـا وقبور وطلبت العفو من وجه الكريم المشرق البادي المطلوب قصيدة (( لشاعرتنا المحبوبة رهب)) |
قصيدة للشاعرة رهب
على حطة يدك صدق يمر اليوم مثل الأمس مواجع والالم يكبر تمادى بي .. وهم يزيد وملينا من الترديد نقول احوالنا صعبه ونشكي الذل والتنكيد نقول الحال ما هو حال حنا نعيد به ونزيد على الأنغام نتمايل تبكينا القريب بعيد وابو خالد يجر الصوت يهز الروح بالتأكيد وابو نوره اليا غنا وطنا وراية التوحيد " " " مخرج " " " اشتاقت الروح الفرح اشتقت للبسمه لساعات المرح اشتقت اعانق لهفتي .. لشوفة حبيب قمت التفت حولي ومن حولي اكيد همي وافكاري وانا وبعض ابيات القصيد حولي اوراق .. ودفاتر ودمع عيني وصمتي الغث البليد انطوائي ووحدتي حزني الضيف الوحيد ودي اصحى من سباتي اتحرر من سكاتي اذوب جبال الجليد ابتسم من روح روحي للي قادم من بعيد اطلق مسافاتي فرح للواقع القاسي العنيد واحلامي ماتت غافيه ما بين دمي والوريد بعود ثاني للحياه اقطع خطوط الفقر واقلب الايام عيـد الغي مفاهيم الحسد والظلم واللي مستفيد والغيبه نمسح اسمها عند الله بس مفهومها غـيبه وكيد ودي وكم ودي كثير احتاج لي مليون ايد ومليون صاحب ما طعن صاحب المطلوب صدى الحرمان |
يعطيك الف عافيه خيتو على الموضوع
ابـــد لا تحــزني يمـــه اذا خـــانتني رجــليني واذا كلٍ شــكى همّه وانا همـي بقى فيني واذا خنجــر صداقتهن غرس حده وســـط قلبي واذا عكازتي خافت من انها تسند ايديني ولا تبكــين يا "يمــــه" اذا عمــــري غدى دفـتر وكلٍ يمــــزع اوراقـــــه ولا ظــنه يكـــفيني ابد لا يجزع احساسك لا شفتي البعض يجرحني واذا ضاع الوفا فيهن وضاعت معهن سنيني على ضيم الجفا ابقى تنازع روحي الحســـــرة واحــس الظلـــم يا امـــي يقطع من شراييني بسيطة كل الم جسمــي تحملته وانا اضحك لك لكن الخوف يا يمـــه من احســاسٍ سكن فيني يا حيـف الطـيب بالدنيا يضيع وينتهي عمــره يمـــوت الطيب يا يمـــه وانا فـــقري يبكـيني شيهم ان خانت الدنيا اذا ارجــع لك مثل اول احط راسي على صدرك واعرفك ما تخونيني (همس الشوق) |
اتمني ان اكون وفقت في الاختيار
لهمس الاشواق زعلت وجاوبت دمعه على خدي تبيك احتــار = حرام الغي محبه قلب فيها الحسن مطبوعه دموع العين تشكي من لهيب داخلي قد ثــار = احبك وانجرحت وشوف روحي مِعْك منزوعه الا يا خلي ارحمني ترى قلبي غدى به نـــار = أخاف ابعد أموت بحب قلبٍ اعشق طبوعــه كفايه قلبي أتعذب وحبك صابني بقمـــــار = كثير الناس تلعبه ولعبك صار مجروعـــه وداعي لك بقلبي أنـت كل الحـب وأنـت الثـار = ابـد مـا أظـن حبـك قصـةٍ يالروح مربـوعـه إذا أنته تحب البنت وأنت العاشق المحتــار = فتكفى لا تعلقني كفايه سم وزروعـــــه ابترك حبنا لقلبك وإذا قلبك ذكر واختار = تذكر دمعه الحره على خدي بها روعــــه المطلوب الشاعرة سلطانة السديري |
سويعات الاصيل
كم تذكرت سويعات الاصيل وصدى الهمسات ما بين النخيل انت في حبك ونا في حبي وارى الذكرى دواء للعليل فأتق الله في حبي يا حبيب أنا القاك صبحاً ومساء في خيالي أنت أحلى رجاء أنت لي حلم ونور وهناء فمتى يقضي بلقياك القضا لست أدري لست أدري يا حبيب وأخيرا ليس لي غير الوداع همسة ظمأى على جمر التياع لم أجد يا حلو في كل البقاع لوعة أعنف من وقت الوداع فوداعاً ووداعاً يا حبيب المطلوت الشاعره تاج الحلا |
تاج الحلا(( عروب الخالد))
مرثيتها في طلال الرشيد جيتهم والبدر ضاوي لابسه عقدٍ وشال ورغم ضيق النفس كانت بسمتي بالمقدميه دارت النظرات ويلي صرت أشرق بالسؤال وش جرى وسط المدينه والديار الأوليه وش جرى وسط القوافي لا حروف ولا مقال واقفه صمت وسكينه بعد ماكانت قويه جيت أنشد يا جماعة ( وين قايدها طلال ) لين سالت عين قومي واحد ٍ يتبع خويه قلت في بلسم حضوره حزنكم ماله مجال والبدايع ملك ( أبو نواف ) واتحرى مجيه قلتها ثم صاح واحد قال : لا هذا محال طاح دمعي .. ذاب رمشي والصدى أسمع دويه انقشع همال فكري واختفى ضي الهلال والليالي حالكه فيها هموم ٍ سرمديه قلت : مات ؟ وقال : باقي في سنا حرفه وصال اصبري والموت حق ٍ كلنا له يا أجوديه مايرده دمع عين ولا يرده بذل مال ولا يرده لطم خد ٍ في سلوم الجاهليه قالها واهتزت أرضي واقع ٍ مدري خيال صاح فيني : قوي عزمك واسمعي عنّه شويه شاهق ٍ بالطيب عالي ما توازيه الجبال والكرم ناقش يدينه بالختوم الحاتميه إن مشى مشيه تواضع ما يباريه اختيال ماوطت رجله حرام ولا سلك درب ٍ رديه مخلبٍ حقق شموخه صار للعليا مثال قرم من آل الرشيد أصحاب ذيك الحاكميه جله الله بالمحبه من يمين ومن شمال تعشق حروفه عتيبه والديار الوايليه قلت : تكفى لا تكمل ، قال : مافيك احتمال قلت : آآآآه ، وقال : وقفي لا تشب الآآآآه فيـّـه بعدها قفـّـى ودمعه في ذرى الخدين سال وتمتم بكلمه رمتني في بحر حزنه شقيه (( نحمد الله في قضاه اعداد حبات الرمال و ( عد ) ما هز الخبر وجدان بنت ٍ شمريه قصيدة للرائعة ريمية |
هذي بعض الابيات المنتقاه للشاعره
ريمية انا في غيابك يابسه مثل حسره ............................ ربي حرمها نعمة البوح والدمع [color="rgb(160, 82, 45)"]عيني على دمعي عصيه وعسره ......................... في بحرها نشفت ولا ذاقها سمع [color="rgb(160, 82, 45)"]صوت يرد لصمت الاحساس كسره [/color].......................... ما عارضه ورد ... ولا جاوبه شمع حرفي شهيد البعد ويمد جسره .......................... للخفقه اللي وصلها فيك ما طمع [color="rgb(160, 82, 45)"]متى حزين الورح يعفي من اسره [/color].................. من هاجس التفريق يشره على الجمع ابي اربع ابيات للشاعر بديوي الوقداني[/color] |
بديوي الوقداني احب له هذه الابيات
أيامنـا والليالـي كـم نعاتبـهـا شبنا وشابت وعفنا بعض الأحوالِ تاعد مواعيـد والجاهـل مكذبهـا واللي عرف حدها من همها سـالِ إن اقبلت يوم ما تصفى مشاربهـا تقفي وتقبل وما دامت على حـالِ في كـل يـوم تورينـا عجايبهـا واليوم الأول تراه أحسن من التالي أيام فـي غلبهـا وأيـام نغلبهـا وايام فيها سـوا والدهـر ميالـي المطلوب عبدالله بن سبيل |
قالوا نـدور لك من البيـض حليـاه
قلـت آه لـو غيـره بكفـي رميتـه قالوا نشـاش العـود وشـلك بلامـاه قلت آه عـود المـوز بيـدي لويتـه قالـوا تـزوج كـود تدلـه وتنسـاه قلت آه لـو خـذت أربـعٍ ما نسيتـه قالوا من أقصى الناس وين أنت ويـاه قلت آه ما أنسا يـوم جانـي وجيتـه المطلوب الشاعرة وحيدة السعوديه |
وحيدة السعودية( عيدة الجهني)
من باعنا بالرخـص بعنـاه ببـلاش .......................في سوق (واقف) ما تجيـه النشامـى ومن حطني في حسبته فلس ما اسواش ...................... والله مـا احطـه رفيـع المقـامـا اللي يجي في وزنة الحـب غشـاش ......................علـي حبـه يـا جماعـة حـرامـا عساه قاع مـا يجـي يمـه الطـاش ......................يمـر فوقـه مـا يهـل الغمـامـا المطلوب ابيات للشريف بركات |
((عفا الله.. عن عين.. للاغضا محاربه))
عفا الله.. عن عين.. للاغضا محاربه وقلب دنيف.. زايد الهم.. شاعبه أسهر.. إلى نام المعافي.. ومدمعي قد انهل من موق النظيرين.. ساكبه وأقول إلى ما ضاق صدري . ولج بي رفيق.. شفيق . جيدات مذاهبه دع العذل عني.. يانصيحي.. وخلني فشرواك.. ما يرضي هوان لصاحبه إذا ما هدان.. أضعف البعد.. عزمه وقد عاش في ذل . على وسق غاربه شهرت عن الزهدا.. وهي لي فضية ولا يمنع المخلوق.. ما الله كاتبه تذكرت.. يوم أشرقت.. في راس ما نبا على مرقب.. عالي الذرى من مراقبه فيا مبلغ مني.. ذو الجود والصخا ومن شب.. شارات المعالي مكاسبه مبارك زبون الجاذيات.. بن مطلب ذرى الجار.. والجانين.. عن كل نايبة ثم ابلغه مني.. سلام مضاعف عدد ما همل وبل السما.. من سحايبه وقل: يا حمى راعي الونية.. من القنا إلى احمر.. من عود البلنزا.. ذوايبه ويا مورد الأسياف.. بيض حدودها ومصدره.. حمر.. من الدم شاربه ويا زين راعي عودة.. قصرت به معقبه.. في تالي الخيل تاعبه ويا كعبة الوفاد.. للضيف بالقسا إلى النذل ذل ... ولاذ، واغضى بحاجبه إلى قل در المرزمات.. واجدبت وقل الحيا.. وأوقات الأمحال.. كاربة بنيت لنا بيت.. من العز.. شامخ سل الله.. لا يهدم له الضد.. جانبه ولا تحسبني.. بعد حسناك والرضا أغيضك مدى الدنيا.. ولا هي بواجبه ولكن.. جاني منك ملفوظ كلمة على حضرة الرماق.. والخلق قاطبة تقول لي: (؟؟).. وأنا غذوتك ولا تبر.. إلا.. من يفاجي قرايبه عاتبني . من غير ذنب جنيته عساه.. يحظى بالفنا.. من تعاتبه ترى عرق وجهي، وغيضي، وشيمتي معي حاضرة بالقلب.. ما هي بغايبة ولاني غوي بك.. ولا بي سفاهة عزيز.. ولا نفسي لدنياك.. طالبة أراك تعاتبني.. ولا دست زلة وغيري.. ولو داس الخنا.. ما تعاتبه أنا اخترت بعد الدار.. في نازح النيا ولا قولهم: بركات قد هين واجبه وفي كل دار.. للرجال معيشة والأرزاق.. كافلها اللي جزال وهايبه وربك، ولو قلت خطوبي.. فإنني صبي الشقا.. ما لان للضد جانبه عساك تذكرني.. إلي جاك ضيقة وجا المال.. يحدا.. جافل من معازيه ولك بأن مركاضي.. إلى زامت العدى وتماوجت بالخد فيها . سلاهبه بيوم من الشعري.. تواقد به الحصا تلوذ بظلال المطايا.. جخادبه بيوم كداجي الليل.. ضافي كتامه فيه السبايا.. كالخواطيف لاعبة لكن القنا.. ما بين ذولا وبيننا كما ارشية بير.. طوال مجاذبه تلقى سبابا الخيل.. حامت دونها على رمم بين الخمسين قاطبة غدا هويد الخيل.. من شد وقعها كصلصال رعد . في مثاني سحايبه وأنا فوق قبا.. تقحم العود.. عندل شعوا.. مرفعة.. طوال مناكبه طويلة عظم الساق.. وفي شبورها لها مثل عرف الديك.. طوعى لجاذبه ولي فوقها.. نصب ودرع، وطاسة وسيف.. بيمنا أبلج.. يستلاذ به مع طول عشر.. فيه زرقا سنينه كما النجم تاضي في دجى الليل ثاقبه فلي اشتكى روس البلنزا.. من الظما فسيفي ورمحي من دما الضد.. شاربة ولي انبحتنا.. من قريب كلابهم ودبت من البغضا علينا.. عقاربه نحينا بأكور المطايا.. ويممت بنا صوب حزم.. صارخات ثعالبه وقلته.. على بيت قديم.. سمعته على مثل ما قال "التميمي" لصاحبه إذا الخل.. أوراك الصدود.. فأوره صدود، ولو كانت جزال.. وهايبه وكن عنه.. أغنى منه عنك.. ولا تكن جزوع . إلى حقت بالأقفا.. ركايبه ولا تعيب الدوحة إلا.. من أصلها ولا آفة الإنسان.. إلا قرايبه ولا قلته إلا.. والركايب زوالف عن الواش والحساد والنجم.. قاطبة وموت الفتى.. في كل دو.. سملق خلي من الأوناس.. قفر جوانبه قفر.. يحير به الدليل.. مخافة وشجر المفالي.. طامسات مراقبه على الرجل.. أشوى من مقامه.. بديرة يموت به.. والذل دوم مطانبه ومن قلط الهندي.. ووخر به العصا جلا الهم، وأصبح نازح عن قرايبه ومن وخر الهندي.. وقلط به العصا أصبح بذل.. راكب فوق غاربه وخاطر بنفسك.. في لقا كل.. هية تحوش الغنايم.. والمقادير غالبه فلا خطر يوم.. بيدني منية ولا.. حد ينجي.. من الموت صاحبه وصلوا.. على خير البرايا محمد نبي الهدى.. وازكى قريش مناسبه يقال انها...لبركات الشريف والله اعلم... اطلب...قصيدة...نادرة الوجود وهي بأسم(ناهية الوجد..قصيده قديمه) مطلعها.. ((علمي بخلي لين عقب رخامي...واليوم مدري وين..دار(ن)نطحها)) ((فوق اشقحن.وتشاعفه باالخزامي..لولا..البطانه والملبه طرحها)) |
الى الاخ سردار
تم ابحث عن القصيدة المطلوبة ولم توجد وهذه المسابقة لنتذكر من الشعراء والشاعرات التي نستطيع ايجاد ابيات لهم وليس للتعجيز عن البحث |
زمان العجايب
يعطيك العافيه ماتعرفين سر دار يحب يتعب الناس نكمل لكي لايقف الموضوع مطلوبه قصيده لشاعر عبد المعين بن ثعلي |
ياربي اغفـر زلتـي وانـت غفـار بحسنـا جلالـه ياعزيـز الجلالـي يامن شمل عفوه وعطفه هل الغـار ويامن رست بأمره رواس الجبالـي يالخالق البـاري وياالنافـع الضـار يــاوارث الدنياعلـيـك اتكـالـي ماكل ليل(ن) من ليالي أبـو سـرار ولادامـت الدنيـا ببسـط وعدالـي مطلوب بيت شعر للشاعرة بخوت المريه |
(الشاعرة بخوت المريه)
وفي غزلية رائعة : ليته يناديني وانا بس اناديه = واجاوبه ياحسين ولو كان مره عليه قلبي يابسات عراويه = اقفا ابقلبي من ضلوعي يجره ذالي ليال قاعده في حراويه = ليننها زادت على المضره قمت اتوجد وجد من مات غاليه = قبوه اقباله كل يوم يمره أو وجد من خاوه والليل ممسيه = ينخا ولا حد من هل الهجن مره خلي طريح والضواري اتحاضيه = بالمقطعه وامقابله ضلع حره على الذي ماشفت حي ايحاليه = شيخ على القوم المعادين شره مطلوب قصيدة للشاعر : محمد الدحيمي |
سلامي يابقيق اعداد نوٍ بارقه وسمي نزل في كبد غيمٍ يرزم السيل بمراهيشـــه اثنيه لمحافظك الوفي واللي حضر باسمي أخصه بالسلام وكل وادي له مداغيشه أنا يابقيق ماجيتك غريبٍ فاقدٍ وسمي أنا جيتك غلا يوم الغلا تذبح جواهيشه يقولون العرب مايلحق النشمي سوى النشمي وانا لارض النشاما جيت والا ديرتي بيشه المطلوب الشاعر (( محمد الحويماني)) |
(الشاعر محمد الحويماني )
يقول الشاعر : ليت الورق يقرا وش اللي كتب فيه .. و ليت القلم يدري وش اللي جرا به ..// ان كان ما تمسي فـ صدري مشاريه .. و لا اتضايق لو تضيق الرحابــــه ..// وا. صوتي اللي عجزت الناس توحيه .. غريب يوم اصوات غيري تشابــه ..// البيت بيتك و المواري مـواريـه .. لـكـن كـبـرت و لا كـبـر مـعــك بــابــه ..// و الناي لو نقض جروحك بـ أغانيه .. جـروح غـيــرك نـقـضـــتـهـا ربــابـــه ..// ما هو يتيم ان كنت انا اللي مغنيه .. و لا هـو فـقـير ان كان جرحي زهابه ..// و الغايب اللي يغري الشعر طاريه .. مـا قــل قــدره لــو يطَــول غـيـابــه ..// كم لي و انا احث القصايد تخليه .. حتـى تلاشـت رغـبـتـي في الكتابـه ..// و الشعر لو يفقد حروفه و اساميه .. مـدري وش اللـي بعـدها ينبغابــه ..// احترت بين اعتب عليه و اراضيه .. اخـــاف لا يـجـرح رضــــاه بـ عـتــابــه ..// أحيان أقول آبيـهـ , و أحيان ماآبيـهـ .. الا ابــيـه و لـو يـــــبــي لـي عـذابــه ..// يـ اللي تجونه دامني مااقدر آجيه .. وصــوا ذهـابه .. لا يـشح بــ ايـابـه ..// و قولوا له اني من كثر ماني أغليه .. اشـرب ســرابـه و ارتوي من سرابه ..// و على كثر ماانسى اذا قلت ناسيه .. دار الــزمان و جــاب عشقــه و جـابـه ..// حنيت لـ أيامه و ضحكت لياليه .. قـبـلـه و بـعــده كــل وقـتــي رتـابـه ..// ان لمت قلبي عاقبتني محانيه .. و ان قـلـت أبرضا عـز نفسي رقابـه ..// البارحه كنت اكسر الروح و انهيه .. كان الـورق ارض و عيـــوني سحابـه ..// زرعت مااحبه ولا عاد لي فيه .. و جنـيـت احـبــه لو يطـول غـيـابه ..// ( مطلوب الشاعر المبدع >> محمد بن فطيس المري ) |
دكتور العيون قصيدة تعجبني دائما بصوت شاعرها ابن فطيس ومؤمن الريفي دكتور عيون شهير: (يامؤمن الريفي )انا جيتك زبون جيتك على مدح اكثر الناس وعنيت جيت وتعالى الله عمّا يشركون لولاه (يامؤمن) لطبك ما اهتديت راضي بحكم الله علي مهما يكون عالج عيوني لو بعد طبك عميت ودي اخاشر فالبصر من يبصرون واشوف دربي لا سرحت ولا ضويت والى قنصت اثبت مع اللي يثبتون واشوف طيري كل ما اوميت ودعيت ياااكثر ما يضرب خويي (الطابلون) من كثر ما اكلّته مطباات وكليت وودي اشوف اللي علي يعرضون وبعض الليالي ودي اسري دون ليت وااشوف ناس ٍ فالقفا ما يرحمون اما وقفت لصاحبي والا مشيت من دون نظاره ولا هم يحزنون يااا كثر ما كسّرت كشمات وشريت لكنٌ يا دكتور جعلك ما تهون ابغيك كلمت راس دامك ما بديت اسمع ولا ابغي اللي وزانك يسمعون ربي كتب يكشف لك اسراري وجيت صورة عديل الروح عندك فالعيون واخاف تقطعها بموسك ما وعيت ولا عليك امر اطوها تحت الجفون وعقبه لو تقطع عيوني ما شكيت هي راس مالي والعرب ما يدركون اني على باب الممات و ما حكيت ياقو قلبي يوم قفن الضعون اللي على ذاك الموادع ما بكيت ويا صبر صبري والعواذل يحسبون اني دلهت من الهوى والا سليت اسكت عساهم من سكاتي يسكتون وانا عن اللي في ضميري ما انتهيت وادور الفرحه مع اللي يسهرون وان ذكروني خذت فنجال وسريت اخذت من وقتك يا دكتور العيون عالج عيوني لو بعد طبك عميت واستر علي واللي معك لا يفطنون انت الوحيد اللي بعد ربي دريت اللي بعدي فضلا لا أمرا لاهنت قصيدة للشاعر: قايد الشريف |
الشاعر: قايدالشريف
قصيدة شيطنة أطفال طفح كيل القصيد اللي نزفته وابتدا الموال ............... وانا لازلت ادور لك كلام يستر اوراقي ادور في مجاهيم القصايد مايثير البال ............... عساني لاوصفت اوصف حلاك وأكسر وثاقي انا لا شفت هالكحل بطرف عينك ازيد هبال ............... وازيد من الجنون اكثر جنون وانثر اشواقي دخيلك لا تناظرني ترى بعض العيون خبال ............... دخيلك لا تزيد الطين بله وانت في اعماقي دخيل اجمل عيون اللي شقاوتها تهد جبال ............... دخيلك لاتجنني بها ثم تنوي فراقي دخيل احلا عيون اللي بها سحر وشموخ رجال ............... تخليني معاها ارحل بعيد وتوسع افاقي دخيل اجمل جديل طاح من عالي مثل شلال ............... على خصر نحيل فوق صدر كمل الباقي دخيلك والهوى لا من تحرك ثم جديلك مال ............... يميل القد مع ميل الجديل ومعه خفاقي دخيل اجمل حرير اسود سواده فاق سواد شال ............... تخليني على زندك انام واغمض احداقي دخيل الجيد والعاتق دخيل النحر والسلسال ............... دخيل الشفتين اللي تضيع هقوة الهاقي دخيل الخال في صدرك دخيل اجمل صدر به خال ............... دخيل الضمتين ورجفة الخفاق وعناقي دخيل السلسبيل اللي بصدرك والعرق لا سال ............... تخليني وسطه اغرق الين اوصل لترياقي وانا لاقلت بغرق بك ابغرق ماعليها جدال ............... ابغرق لين يذبحني ضماك ويطفش الساقي دخيلك يوم انا جيتك وجيت بشيطنة اطفال ............... تخليني على الفــطره كذا لاتــنــوي اغراقي ( مطلوب الشاعر: سليمان المانع ) |
هذا البيت اليتيم ياشينها لا صرت بين اختيارين=مستقبلك والا حبيباً توده وهذي قصيدة الـعالم الـمجهول وش دخـلك iiفـيه ردي تـرى مـاني لـلأشواق iiتـمثال دامـي بـقايا إنـسان لـيه iiاشتريتيه ودامـي طفل من علمك عشق iiالاطفال لاتـخـجليني فـي كـلام iiالـمشاريه ولاتـقـتليني بـالـمواعظ iiوالأمـثال انــا الـجنون بـروعته iiوبـمباديه يـشقيك دربٍ مـعاندي كـل iiمـاطال وانـا الـذي لـو عـذبك مـا iiفهمتيه عشت اغتراب الحب .. شاعر iiورحال قـولي خـيالي يـاخيالي وأقـول iiإيه طبعي قبل لاأعرف طريقك .. ولا زال امـا اهـجري لـيل الغرام iiومساريه والا اقـبليني مـثل مـاني بها iiالحال قـلبي عـذاب مـصارع الوقت iiيكفيه وبـعض الـحكي من بيننا عيب iiينقال المطلوب الشاعروالامير والفارس ((شلويح العطاوي)) |
شليويح العطاوي هو الفارس أبو ضيف الله شليويح بن ماعز العطاوي الروقي أحد أبرز فرسان قبيلة عتيبة وهو من فرسان الجزيرة القلائل الذين تركوا ورائهم تركه شعرية تحكي بطولاتهم وصولاتهم والفارس شليويح يتصف بالشجاعة والكرم وكان كثير المغازي حتى ان من كثرت مغازيه اثرت على شكله العام فقد كان شديد السواد مما تعرض له من حرارة الشمس وكذلك برد نجد القارس وكان ضعيف البنيه من كثر ما تعرض للجوع والظمأ في مغازيه ولشجاعته وصل الى مكانه عاليه بين أفراد قبيلة عتيبه وللتعرف عليه نذكر هذا البيت من قصيده له يقول شليويح يا نا شد عني تراني شليويح قلبي على قطع الخرايم عزومي وهذه ابيات اخرى تستدل على ثباتت جاشه وشجاعته في المعارك حيث يقول لا رحم ابو من صد عن محرافها يوم انجلاع الستر عن مضاوي نطعن لعين اللي تهل دموعها تبكي وفي تالي البكا نخاوي قلت ابشري بالفك ياحم الذرى دام الطعن بفك والا هاوي ومن كثرت مغازيه أخذ قومه يلومونه على ذلك فقال زاري على اللي عسى ابوه للنار متبجح في مال ابوه المياتي ما قط يوم فيهوا له بمعبار و انا الشتا و القيظ هذي سواتي المطلوب شااعر الجبل ,, وشااعر شمّـر الشاعر : رشيـد بن طوعان السويدي الشمري |
| الساعة الآن 04:50PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية