|
أجمل قصائد مهندس الكلمة ..
http://www5.0zz0.com/2008/11/19/23/787059111.gif
[TABLE1="width:95%;"] | [/TABLE1]من بوح مهندس الكلمة الامير بدر بن عبدالمحسن أخترت لكم هذه الباقة الشعرية [TABLE1="width:95%;"] | [/TABLE1] ((ارقام )) [TABLE1="width:95%;"] | [/TABLE1]في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. |
http://www.5foq.com/vb/uploaded/29661_01203420053.jpg
((اه يا لجراح )) لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. |
http://hedayah.net/_img/badr_abd_mosen.jpg
((اوراق الزمن ))ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. |
http://www.alriyadh.com/2007/05/17/img/175675.jpg
(( أستبد )) استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. فـ الهجير .. ظلال لكن استبد..استبد باللي عندي اضرب بيدي فـ الهوى..بجبيني فـ الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هـالظالم المسكين... واتركيني انصهر في الشمس والا ارتعد في البرد لكن استبد..واسترد اثيابي من الريح ولحمي من الشوك وابتعد .. ابتعد |
http://www.dipf.ae/Gallery/Reduced%2...bdulmehsin.jpg
((الأربعين )) ادري ان الوقت يذهب ما يعود اربعينٍ فارقتني يالعنود ماطر الايام من غيم الزمان ما يبل الريق لو مهما يجود كم شربته صافيٍ بارد قراح ما دريت ان الظما سر الوجود كل شمسٍ تلمس اشجار العمر تحرق الاوراق وتجف الفنود وكل ريحٍ تدفع شراع العمر ينقطع به حبل ويميل العمود اربعين مرت وتوني صغير انتظر لعل تصدق لي الوعود والغريب اني على هذا مغبوط ادري اني بخير لا شفت الحسود الزمن يا بنيتي كله زوال ما تخلد كود لحظات السجود |
http://www.up.7ail.net/files/5324.jpg
((انتي حلم )) انتظرتك .. عمري كله .. وانتي حلم ومرت الايام والله .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. انتظرتك عمري كله .. وانتي حلم .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي .. إنتظرتك عمري كله عمري كله .. وانتي حلم |
http://www.nojoom7.com/vb/imgcache/1715.imgcache.gif
((الا الهوى )) ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك ... |
http://www.al-jazirah.com/828836/att.jpg
(( الله اقوى )) الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـ العمَ |
http://upload.rashed-elmajed.com/up/...ed3561ef52.jpg
((انتي اللي وحدك لي)) كل الحرير اللي في الأرض .. ما يلمس الجلد .. وكل الرخام ..ما تاطى القدم .. والعطر .. ما طال النسم .. حبيبتي ..واغلى الجواهر جيد .. وكثر الذهب ..والغيد .. انتي اللي وحدك لي .. حبيبتي تغار .. والدر في المحار .. والمحار في اليم واليم في الأعصار .. ومابه شعور اقدم .. من لهفة البحار .. ساعة يغيب النور .. وفي الشط .. خيط اقصور .. لبيت ومره صغار .. جفت حروف الما .. وباقي في صدري الملح .. قومي إغسلي سفري .. إن طال بي الترحال .. كل المواني احبال .. تربطني بعيونك .. وشلون أنا اخونك .. وأنتي اللي وحدك لي .. |
http://www.elbader.net/life/images/bader_reading.jpg
((أول الناس)) اول الناس انتي .. وكلهم .. وآخر اللي عيوني .. تملهم .. لو تحبيني .. هذا يكفيني .. اسكني عيني .. ونامي .. انتي يانوري .. وظلامي .. ياقمرهم .. كلهم .. أعدل الناس .. وازينهم خجل .. واغلى من الناس .. في وقت الزعل .. واجمل اللي حصل لي .. وماحصل .. لو تحبيني .. هذا يكفيني .. |
http://www.elaph.com/elaphweb/Resour...961fbb8b00.gif
(( أحبابك سروا )) مابه احد غيري يابنت.. احبابك سروا.. لاتسأليني تغيروا.. يمكن نسوا او مادروا.. ياحلوتي ضاع الوعد.. وباكر بعد.. مري على دروب الجراح.. وتلقين احد غيري.. بالله لاتبكين عندي.. والى رحتي سوى اللي تبين مالك عزى.. فـ قلبي الحزين محتار انا اسكت.. ومدري ايش اقول لاني سبب جرحك.. ولاعندي الحلول لكن ابوصيك بصبر.. لابد للغايب عذر وياحلوتي ضاع الوعد.. وباكر بعد... مري على دروب الجراح.. وتلقين احد غيري غطي سنا خدك بشال الليل.. وغيبي ياشمس اللي ضيها لغيري.. اه .. لو تعرفي وش كثر انا احبك.. لو كنتي تدري بي ياعيونها السود.. مابه احد موجود.. غيري انا الموعود جرحي.. وتعذيبي.. ياحلوتي ضاع الوعد.. وباكر بعد... مري على دروب الجراح.. وتلقين احد غيري... |
http://www.arrouiah.com/files/imagec...3504909200.jpg
(( الجدران )) المنزل ثلاث جدران .. ورابع .. ما بينهم ضايع .. متشقق وعاري .. ويميزه شباك .. ضيق .. مصبوغ.. بالأحمر الناري .. ومحاصرٍ باسلاك .. علقت بها وردة .. أوراقها المنزل .. والبرعم الأفلاك .. *** وعلى الجدار الثاني .. وأمثال .. وأغاني مكتوبة بكسرة فحم .. وصندوق خشب .. مزخرف بغير الذهب .. غير الجواهر .. تحت الكتابه نافر .. فوقه ظلالٍ عريق .. مثل العنيد .. من الجروح .. مثل السيوف اللي مقابضها حديد .. أسرار من ماتوا بعيد .. وما خلفوا حتى الورق .. *** أما الثالث من الجدران .. معلقٍ عليه صورة .. لإنسان .. من دفتر نفوس .. مكبره .. مدري جفونه مبخره .. ولال تجاعيد خيوط .. دخان وفي الركن كرسي خيزران .. يجلس عليها الوقت .. وجريدة ٍ عنوانها باهت .. تغفى على الإسمنت .. وفوقها كوب فارغ .. وفتات خبز .. وأصابع ٍ للجوع صفرا مكسره .. *** ويبقى الجدار الأول .. وهو أعرض الجدران .. وأكثرها وقار .. وهو الوحيد اللي انبنا فـ نور النهار .. بوابته على الطريق الرملي .. صَفت أحجار درجها .. بصبر .. وش كنها .. ؟؟ سنونٍ صفر .. في فمٍ مذهول .. وظلما تشدك للدخول .. تشدك .. وكل ما مسكت اكرة الباب النحاس بيدك .. تلطخت بدم ٍ طري .. الجرح نزفٍ يحتري .. أما الطعون .. وين الطعون .. راحت .. *** البيت ثلاث جدران .. ورابع .. مالهم طابع .. يجمعهم .. يشبهون أهلهم .. وما صادفوا غير الحياة .. |
http://up.graaam.com/uploads/images/...243fa3cd36.jpg
(( أوقات )) أوقات ياخذنا الحكي .. وننسى بالحكي أوقات .. واوقات .. يا ليت الكلام سكات .. يجرحنا الحكي .. اسهر .. مع حبيبي .. يا قمر الكلام .. لين يغفى حبيبي .. وجروحي تنام .. ابعد عن حروفي .. وعن المي وخوفي .. وابحر في سفينه .. عن بحر الظلام .. وصلنامدينه .. من عطر وغمام انا وين القى كلام .. ما مر فــ كلام اوقات .. يا ليت الكلام سكات .. يجرحنا الحكي .. بغني لعيونك .. في حزني وفرحي وبكتب عيونك .. قصيده لجرحي واخلي ابتسامك .. دموعك كلامك قمر هالسوالف في ليل السكوت .. ولو الف نجمه في عيني تموت .. في حزني أحبك .. ويأسي أحبك .. أحبك .. مأقول أوقات |
http://img101.herosh.com/up/73952/639765408.jpg
(( اقول أحبك )) قالوا حروفي عمي وعيونك بروق مافي قصيدي جنح ليلٍ وبارق قلت الذي له داخل ضلوعي حروق أقرب من اللي في سما الناس شارق غيري يشوفك وأجود الشعر مطروق وأنا أحسـّك وأصدق الحب فارق ياللي عيونك دم وعيونك عروق ولهاث قلبٍ فـي نواعسك غارق أقول أحبك يخرج البحر صندوق تبرالغزاة وكنز سود البيارق وأقول أحبك صدرالايام مشقوق عن وجه غرناطه وعن مهر طارق وأقول أحبك والله إني من الشوق ألقا طيوفك في جميع المفارق كتبت لك قلبٍ من القلب مسروق ولا طاب لي وصفٍ من الوصف سارق |
http://www.alriyadh.com/2009/02/23/img/272865.jpg
((اغصان المساويك )) تجلس عجوز .. في اول السوق .. وبين الشبابيك .. وتبيع السوالف .. وأغصان المساويك .. ومايخالف .. لو باعتني الحكي .. الحكي غالي هــ الايام .. مريتها .. ابي الكلام .. قلت : ياخاله أنا .. ان نسوني الناس .. زعلت .. والى اذكروني الناس .. زعلت .. صمتي وحروفي مبعثره .. ضحكت وقالت : لو عدلت .. سلمت قلب وحنجره .. ماعطيتها فلوس على هذا التعب .. وماريحتني من التعب .. قمت وعلى عيوني غباش .. مدت لي مسواك جديد .. عييت .. وقالت لي بلاش .. ان كانت سنونك نظاف .. حطه في جيبك ياولدي .. يجلي محانيك الرهاف .. من كل اأحساس ردي .. |
http://www.sha3erjordan.net/up3arar/...1193122834.jpg
((الخل العنيد )) تل قلبي .. تل طيرٍ على طلعٍ وكيد جود المقرود سبقه وعيا يطلقه يوم فاع اركى جناحه على قاسي الحديد وانكسر ريش النداوي ولا الله وفقه يكفخ القلب المشقي على الخل العنيد ما وفا بالعهد لا شك قلبي صدقه واهني اللي على الحول ينبت له جديد وش سواة اللي جناحين قلبه محرقه يا لطيف الروح وبحق خلاق العبيد اكرم المملوك بالوصل والا فاعتقه |
http://www.alriyadh.com/2009/02/23/img/272866.jpg
((الاختيار )) ودي اختار.. الليله درب .. ما تعرفه .. ودي اجلس في مكان .. ما يذكرني بصدفه .. أو وعد .. ودي أحكي يا حبيبي .. مع احد .. غيرك احد .. لجل النهار .. وحريتي .. اعطيني .. لحظة اختيار .. وحدي وغديت أنت الزحام .. وحدي أبد .. وانت الكلام .. نورك وما غيره .. ظلام .. عذب الحروف .. طاغي الطيوف .. أبعد عن عيوني .. بااشوف .. لجل النهار .. وحريتي .. اعطيني .. لحظة اختيار .. ابي درب .. مايوصلني لدارك .. ابي وعد .. ماحتمل فيه انتظارك .. وابي ليل .. مايجي بعده نهارك .. ودي ادري .. هي حياتي .. اختياري .. أو اختيارك .. ودي انسى .. ليله وعدك .. أنسى وعدك .. ماأجيك .. وش يضرك .. لواخونك .. مره واختارك عليك |
http://www.mbc.net/mbc.net/Arabic/Im...72/badrr_L.jpg
((أجمل الحزن )) يا اجمل الحزن .. لدموعك سلام من حبيبٍ ... بقى منه الكلام وين انا منك .. غربني الزمان وخانني النور ... وابعدني الظلام لو بعزيك ... سالت دمعتي تدري الدمع في حبك ... حرام لو بواسيك ... مايكفي الهوى ولو أبي ... عذر مايكفي الغرام أعطنى من عذابك يا البعيد صرخةٍ ... تجعل ظلوعي حطام آه ...لو في يدي أبكي معاك قطرةٍ مادرى عنها الغمام ماابخل الوقت ... يحرمني البكا وانت لجلك حرمني الإبتسام يا اطهر الحزن ... لو كان القصيد يكشف الغم عن بدر التمام لكتب الشمس شعرٍ في سناك وامحي إمن السما...عج وكتام ياعسي البدر نوره مايغيب عن حبيبٍ بقي منه الكلام |
http://images.alarabiya.net/%D8%A8%D..._2149_4683.jpg
((إنطلاق )) * راج .. طيري في السما .. شالته امواج الرياح .. يا ترى وين نيته .. انتزع حريته .. وخانني مع السحابه .. والعجاج .. انشر فْـ كل السما .. ريش جنحانك .. يا طيري اللي عذبتك ... قيود خلانك .. كل زادٍ .. وانت في الاغلال جوع .. وكل شربٍٍ وانت في سجنك هماج .. يا رفيق الخير .. لك حق تختار .. بين الديار .. ديار .. وبين الاهل صحاب .. وبعض العمار قفار .. راج طيري في السديم ودار .. (لاواحلالاه ياطيري) *راج:طار في السماء |
http://www.elbader.net/daw/images/ma_pic.jpg
((أبي النسيان )) تذكرتك .. وأبي النسيان ألايا خل ساعدني أنا مالي ورى الذكرى .. إلى مات الأمل خيره أنا ودي على الفرقا حبيبي لو تعاهدني وإلى شفتك .. تصد ولاتجيب لما مضى سيره تخيّر غير هذي الأرض .. مكانٍ به تواعدني تخيّر لك مكانٍ صعب .. أعرف فيوم تقديره عسى الجرح الذي يدينك أشوفه عنك يبعدني أنا اللي أكرهك .. وأحبك .. شعورٍ صعب تفسيره حسيبك .. يالهوى الظالم .. حسيبك لاتعاندني بيلقى صاحبي غيري وأباالقى في العرب غيره |
http://www.up-00.com/wsfiles/4jR47959.jpg
(( إنشد البحار )) أنشد البحار على سر الحنين عن قصيد البحر .. وجروح السفين عن حبال الشوق تظمأ للشطوط عن حروق الملح في شفاه السنين ما عرفت الغوص في اليم المخيف ولا رهنت العمر في الدر الثمين جيت أنا من نجد .. في قلبي الرياض وفي عروقي التهم .. والبيت الأمين في كفوفي تصرم نخيل الحسا ومن ذواري الرمل غادي لي جبين جيتكم .. والعشق يطرحني سؤال هو صحيح الشط له صدر ويدين عانقتني بيوتكم .. وأنا بعيد ما عبرت الجسر .. ما شفت القطين ياهوى البحرين مريت الديار عابرٍ والقلب باللهفة ضنين لين حطت بي رحالي في هواك وانبعث نبع المحبة في الكنين |
http://www.up.n-l0ok.com/uploads/ima...8cab86cb8e.jpg
(( أغنية في العشق والموت )) ضمي مَلامح صورته .. ضميه .. لعله يفيق .. يَشهق .. أو يَردّ النَّفسْ .. ضمّيه لعَله حبس .. صٌوته .. رعشة عرٌوقه .. وخيم حزين الصمت فُوقه .. مات .. مات من قبل ما يكتب له فـ قٌربك حياة .. من لبسه ثوب البياض .. من سبل عيٌونه .. مسح غبرة جبينه .. وش يفيد .. اللي زرع نصلٍ حديد .. في قلبه الطيّب نسى .. قولي عسى .. ما تلمحي .. فـ طرف ثُوبك له دما .. يا خٌوفتي .. اللي سبح في نهرك الجَارف .. غد اموته ظما .. ضمّي ملامح صورته .. ضمّيه لعله يفيق .. يشهق أو يرد النفس .. صوته جرس .. ينحب على بوابة الليل .. يوقظ خدر جرحك .. يتل من عينك احبال الدّمع ضمّيه لعله سمع .. انك تحبينه .. ولا ..قلتي تحبيه .. ولا .. قلتي تحبيه .. |
http://www.movn.net/albumsm/519.jpg
(( الله يرد خطاك )) الله يرد خطاك لدروب خلانك .. لعيون ما تنساك لو طال هجرانك .. دام الأمل موجود فالنفس خضاعه .. حق العيون السود السمع والطاعه الله يردك لي .. يا مطول غيابه .. يا معـذبي هجري .. مدري وش أسبابه .. دام الأمل موجود .. فالنفس خضاعه .. حق العيون السود السمع و الطاعه .. ياللي بعدك اليوم .. نبكي على باكر .. صبري عليك يدوم .. مادمت أنا فاكر .. إن الأمل موجود .. فالنفس خضاعه .. حق العيون السود السمع و الطاعه .. |
http://pages.pressera.com/shms/1158/html/L03243785.jpg
((انفاس )) يازين مافي العيون نعاس والقلب مشغول بهمومه اما معي نطرد الهوجاس والا لك النوم وحلومه هذي نجوم السما .. جلاس وعيبٍ على العاشق القومه لاجل الهوى عذبونا الناس ومن بيح السد ما الومه انفاسنا ماغدت انفاس من حرها دوم مكتومه |
http://www.elbader.net/life/images/khalid_bader.jpg
الى صاحبة السمو الملكي الأميرة البندري بنت عبدالعزيز بن عبدالرحمن آل سعود ((الله يحبك )) الله يحبك كثر ما شقّق البرق سود الدياجي وانبت الغيث وارق والله يثيبك كثر ما بان من شرق نجمٍٍ وغاب فـ لجة الغرب شارق ياسدرةٍ في نجد يلقى بها الورْق للنوح غصن وللمعالي بيارق لك الشموخ لباس.. عاليك للعِرق وباقي النساء خرص الذهب والعشارق والله ما مثلك كتم آهة الحرق وما كن مسّك من لياليه حارق وقتٍ إلى منه كسر رمحه الزرق بالنار يودع في الحنايا مطارق ياهيه حوّل مثل ما تشتهي وإرق وإفطن لقبرك بين هاك المفارق الوقت يسرق باقي أعمارنا سرق ما نجتمع .. إلا وحنا نفارق ياعمتي بعض العزا يتعب الطرق ما ينكتب والحرف بالدمع غارق كل شكى لوعة لياليه والفرق في اللي يبي ما عند رب المشارق |
http://www.arrouiah.com/files/imagec...4451312400.jpg
((انا الجفا)) عن كل نجم ظهر بسدل أجفاني لعل ما عيش حزني لحظة غروبه وعن كل خلٍِ طويل الصمت كفاني الصاحب اللي قليل الهرج عذروبه وعن كل ثوبٍ جديد باالبس أكفاني وأدله ولا ألقى رسايل هم في جيوبه أنا الجفا ليه أخاف الناس تجفاني وأنا الحبيب الذي من يعشق عيوبه راعي الوعد وأن صدق مرة ولاقاني يحتار بين السراب وقلب محبوبه يامن عذابه يشققني ويرفاني فرقاك غصب علي بالحيل مكتوبه خبرت نصف تعب من نصفه الثاني بعضي الرماد وبعضي نار مشبوبه |
(( البتول ))
كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا والزعل |
اشكرك ياخي يازمان العجائب وتقبل مروري
|
الوليد
عوفيت على مرورك الكريم |
بالفعل الامير / بدر بن عبدالمحسن
مهندس الكلمه احب اقرء له كثير وخاصه قصيدته يا صيف لاعدمناك |
ظل الياسمين
دمتي بود وبخير |
| الساعة الآن 06:33PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية