|
مساجلة بوح بين الحظ العنيد ونبض القلب أبها
آل رهب الكرام أسمحوا لي ولأختي الغاليه على قلبي
........الحظ العنيد ....... بمساجلة بوح حرة غير مقيده بأي وزن .... يعني بنحاول أنها تكون موزونه لكن أستروا وأعذروا إذا كانت غيرموزونه ... وعسانا نتوفق في أمتاعكم والوصول إلي قلوبكم ومنكم ومن ارأكم نستفيد أخوننا الكرام / / / / ....دخوووووووول جاااااااامد يا الحظ العنيد.... البدايه عندك طاااااال عمرك >>>أحم نسوي مثل الشعراء الكبااااااار <<< واااااي ما أحلى الشعور... |
الله الله يانبض خليتيني احس بشعور الشعار هذي محاولاتي وانا اكتب على قدي العذر منكم بحور الهوى كل يوم ولها حال.. الله يعين من غادر موانيها.. من شفتها ماارتاح لي بال.. عيني خاوها السهر والنوم مجافيها.. |
ياصاحبي توسدت أنا الهم وعشت في ترحال
أقلب مواجع الزمن بين حاضرها وما ضيها وطلبت الله في ليلة (ن ) زاد بها الحال يرحم خفوق من زود حبه تاه في موانيها |
الله عليكم مبدعات
نبض القلب ابها والحظ العنيد متابعه لكم بشغف خصوصا انه بحساسكم الكلمات عساكم على القوه ربي يوفقكم |
اقتباس:
الغالية شموخ نجد ....متابعتك هي بذاتهااا قصيدة تسلمين يالغاليه أنتي ترا راعيت الأوله وانتي أدري ولا لنا غنى عنك أبد وأشكرك على المجامله هاذي من صاحبة قلم راااااااااااااااائع ...مثلك ... بس ودي ما يبخل علينا في القصيد .. الف الف الف شكر لحضورك غلاتي ... تحياتي وشكري لك :rhb:دوماً وأبداً ... |
الله الله عليك يانبض طلعت المواهب
ماالومك ياصاحبي كلنا على هالحال.. قصة الهوى الله يعين من ابتلا فيها.. ليالي البعد ياصاحبي ياهي طوال.. مالي فيها سوى الذكرى انام واصحى عليها.. |
ما شاء الله عليكم مبدعين وبداية قوية واصلوا وراح نتابع التطورات تحياتي |
شموخ نجد الله يحيك تسلمين يالغاليه حظورك
وحيد وقته هلابك تسلم على حظورك |
اخواتي الغاليات
نبض القلب ابها و الحظ العنيد ما شاء الله عيكم محاوره ممتعه و شوفوني انا و عقاب ماسكين الصفوف |
اخوي فواز
هلابك ومشكور على حظورك لاهنت |
أحبس الدمع في عيوني وقت الافراق
خايف من الدمع يجرح عيون غاليها ياصاحبي شف عيوني من وقت الافراق عيت تهل الدمعه لأجل صورتك لا تمحيها |
اقتباس:
أشكرك أخي الكريم وشاعرنا القدير ... وحيد وقته.... انتم اصل الأبداع وأهله ومنكم نتعلم ...وهي محاولات فقط ونرجوا أن تعذرونا إذا لم تكن تروق لا ذقائتكم .... تحياتي لك أستاذي ...وأشكرك من أعماقي على الحضور الذي تشرفت به أنا وأختى الحظ العنيد.. |
الحب عندك من ضمن الارهاب
وانت اول ارهابي افترى فيني ابي ابسئلك دامك نويت الغياب وابي منك جواب(ن) يشفيني ليه كتبت الحب دامه سراب؟ ليه ودك اليوم تعنيني؟؟ انا ماني بين ايدينك كتاب!!!!! تقراني يوم ويوم ترميني!! |
يلي كتبتك في حياتي أربع حروف قصار
وأخذت أجاذب غرام كل حرف(ن) فيها أشرح للناس العشق فيني كيف صار علهم يفهمون سر الكتاب وسر راعيها |
أنت الذي شغلت عقلي مع افكاري..
وأنت اللي اسمك بالقلب منحوت.. من عرفتك والزمن حدد مساري.. ابقى معاك لين أموت.. صورتك ماتفارق خيالي.. ولك في كل الزوايا صوت.. قلبي هواك مو بختياري.. لكنه ملتزم السكوت.. انا احبك وهذا قراري.. وببقى احبك لين اموت.. |
ياسلام والله انكم مبدعتين دامه ربي هالابداع
والله كل اللي كتبتوه مررره عجبني يااارب عقباللي متابعه لاجل استمتع اكثر |
اقتباس:
أستاذي ...الشاعر المبدع والله في شعره وفي حضوره فواز الله يعطيك الف عافيه أنت وأخوي عقاب وليش الصفه طال عمرك أحنا بدون وجودكم ولا شيء أنتم أهل البيت وأحنا ضيوف عليكم ... بس ضيوف ثقال صح ههههههههه والله أسعدني حضورك طال عمرك وشرف وربي يا شعراء الكلمة الله يسعدكم ... تحياتي لك مني ومن الحظ العنيد محمله بكل التقدير والأحترام |
اعترف باعجابي بنبض القلب ابها والحظ العنيد
شاعرات باحساس وشعرهم مالــه مثيل عسى الله يسعدكم ويكتبلكم عمر مديـــــــد اقبلو مني اعجابي وانا معكم في هالليل |
الحياة كلمه هلابك نورتي يالغاليه
مشكوره على كلامك الحلو وحظورك الاحلى غاليه تسلمين على حظورك لاهنتي يالغلا |
الحياة كلمه تشرفينا الليله وكل ليله
مالنا غنات عنك |
ترجيت الزمن يوقف معي مره
ويكتب لي الحظ بشوفه لحظه لأجل أروى ضمى القلب وابله يوم الشوق لغايبه طير العقل وشله |
هذي الدنيا تلعب بها الاقدار..
تجمع قلوب خلان وفجاءه تفرقنا.. ماتوقعت نفترق مهما الزمن طال.. تفرقنا وانكسرت خواطرنا.. |
بكره لنا لقاء ونكمل ... أن شاء الله
|
اقتباس:
وأنتي إللي شاعره وكلك أحساس عالي وراقي وربي أنتي إللي بحضورك ووجودك أسعدتينا الله يسعدك يارب دنيا وآخره ... غلاتي ما تحبين إلا من يحبك ويشهد الله على حبنا لك وأحترمنالك أنا والأخت الغاليه الحظ العنيد ... وترا حضورك معنا يهمنا كثير ولا لنا غنى عنك .. تسلمين على المرور الكريم غلاتي ...شرفتينا .. |
أشكرك أخي الكريم ....
غالب المطيري على حضورك الكريم وكلماتك الرائعه ... وأشكر أخي الكريم المستشار العاطفي على حضوره ومتابعته ... وأشكرك الغاليه والقريبه من قلبي ...شموخ نجد على حضورها ومجهودها الرائع الذي لا يعلمه الكثير وكان الله في عون الجميع أشكركم اخواني ... فالطيب يعود أصله لكم وأنا أتعلم معنى الأخاء والكلمه الطيبه منكم والعذر والسموحه منكم ... والشكر لكم دوماً وأبداً شكراً موصول للغاليه على القلب دائماً الشاعرة الرائعه صاحبة القلب الطاهر ...رهب (أم نواف ) الغاليه ... وأعتذر عن أي شيء لم يكن بقدر الذائقه الشعريه ...وفي النهاية هي تعبير عن أحاسيس وصدقوني منتهى القوة أن تقول أسف لمن أخطأت بحقه ولذلك لن أرضى على نفسي وعلى الحظ العنيد إلا أن نكون أقوياء فأنا أعتذر لمنتدى رهب ولرهب شخصياً عن كل شيء بدر مني انا ومن أختي بحسن نيه والذي لا يعلمه الكل أن الحظ كانت بعيدة كل البعد عن كل شيء حدث ولم تشارك في شيء إلا لتلبية طلب مني وبعد ألحاح مني في مشاركتي لأنشغالها في الأختبارات ( وأشكرها على ذلك) فكل ما حدث مني انا فأعتذرعنه للمنتدى عني وعن غيري .. فأنتم منتدى الرقى ولا يجوز إلا أن نكون بقدر الرقى الذي فيه ... أشكركم وتقبلوا مني كل الحب والاحترام للأدارة الموقره ..والتي يقودها القائد الكبير بحضوره سفير المعاني ...أشكركم جميعاً على حبكم وأحتوائكم |
نَبَضَ القَلبَ أبَهَا / الحَظَ العَنِيدَ أرآكُمَا نَجَمَتانَ تَبَرقَانِ بِ الأحَرفَ .. جَمِيلهَ مِنْكُمَا هّذهِ المُحَاولهَ .. وَ رآئِعَ تَدفقَ الأحَرفَ بِ أحَاسيسَ هَائِلهَ .. لِ ذا سَ أتَوسَد الصَمتَ بِ المُتابَعه .. فَ لَكَمّا أنَعَمَ بَتلات الوردَ .. وأطَيَبُ التحَايَا |
اقتباس:
أختي الرااااااااااائعة...غاليه ... التي تبهرني دوماً بعذوبة قلمهاااا... وحسن بلاغتهاااا قلم يتفرد بمساحه كبيره بداخل قلبي وكيف لا وأنتي تملكن القلم الذهبي ... كم أقف مراراً أمام مشاركاتك لأجد خاطرة تمر بيننا ليست كلمات لمجرد الأطراء بل همسات تدور بين الصفحات تعطر المكان بكلمات تشبع العشق لدي للكلمه والمفرده الرائعه لا أعلم ماذا أوقول فيك ... إلا أنك تبهرينني دائماً .... أشكرك غلاتي على الحضور ولكن أشتاق كثيراً والله لقرأة قلمك البليغ في تعبيراته أمتعيني وأمتعي آل رهب بعذوبة كلماتك ...أشكرك دائماً وأبداً.. |
أختلف فيني الحب ومضامينه
بيد من مد لي بالبيضاء يمينه وصرت اجنب طروق هاوينه لان القلب صار مملوك بيدينه |
هزني الشوق ياحبيبي وجيتك..
وهزني حب(ن) سكن بضلوعي.. اعترف هويتك من قلب واغليتك.. وعشقت صوتك لسمعته يناديني.. |
ياالي تزرع الغدر على باب الاحباب لا تفرح بنيتك ترا الزمن في دورته دوار باكر يجيك من يزرعه عند الاحباب وتبقى وحيد بحسرتك على باب الدار |
رجاي انك تبعد وتقطع وصالك..
مابقى لك شي لجل يغفرلك.. كل شي انتهى وانهيته معاك.. اترك لي الحزن وعطني مقفاك.. |
كن الفرح ياصاحبي شح في وصاله
يوم القدر حكم وماتت قلوب هيمانه راح شوف العين يوم صد لي بابه الله أكبريا ذا الزمان كيف تتغيرأحواله |
هلا الفين باللي وصلني ومرحبابه..
تعال استريح وعطني اخبارك.. وسع الصدر ياصاحبي وخذها برحابه.. ماعاش منهو يكدر خاطرك ويشقيك.. هذا الزمن من عرفته بالله وين الغرابه.. لاتندم على اللي حبيته و راح وخلاك.. اندم ع اللي حبك وخليته وترا هذي هي الحقيقه |
هاك يا صاحبي علومي وأحفظها في رساله
أولها زمن يرمى القلوب لدروب شقيانه وأوسطها خل لا هجر ولا مد للفراق حباله وآخرها حزن بالحشى لا مرني الهوى وخياله |
هذا قدر ياصاحبي وماهي نهايه..
لا تطوي حاضر ايامك بماضيها.. روق البال وافهم كلامي ياغلايه.. كل الذكريات الجارحه امحيها.. واذكر لحظة القى ولحظه البدايه.. وتذكر احلى ايامك بلاياليها.. واعتبرها قصة بطوله او روايه.. وخذ منها عبره واقتدي فيها.. اصدق الوعدياصاحبي واخلص النيه.. ولاتعود الكره وترجع من اولها لتاليها.. |
احسب الدقايق واعد ثاونيها
للساعة إللي بقربك ارجيها امني حالي بالحظة منك ارتويها ويروح اليوم وانتظر تاليها |
| الساعة الآن 11:54PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية