|
لحـظـات مـن فـضـلـك ؟!
لحظات من فضلك حبيبي بسمعك = ضيف القصيد اللي لفا في غيابك أنبح صوتي قبل ياصل مسامعك = وملت ذنوبي من قساوة عتابك وتعبت كفوفي لا تبعثرت تجمعك = وكرهت عيوني تلتفت صوب بابك ياشين طبعك عــذبتني طبايعك = كرهتني حظن سعالك وجابك تبي تعـّيـشني رهينه لاصابعك = تبي تحاسبني ؟ وتــنسى حسابك وانا الذي عن منت الغير رافعك = وانا القريب لرغبتك من اهدابك اتبعك هذا مستحيل أني أتبعك = ماعاد باقي غير حضرة جنابك ياصوت زرت لمسمعي قبل أودعك = ولجيت في قلبً شكى والتجى بك ماهو طمع ياصوت والا مطمـعك = رفيق درب وصار ذكره زهابك زار المراكب كلها لجل يقنعك = وشربك حتى صار اقرب احبابك انت الشعر يطربك . يعجبك . يوجعك = لان الشعر بحرً وموجه غدابك بك تفتخر احلا الروائع روايعك = لا تدعي نبل القصيد أدعابك هذا هو الواقع ولاني ملمعك = وانا ادري ان اللي درابك قرابك ولو تجتمع طيب الخصايل بمنبعك = شربت نبعه لين نبعه رقابك محتاجلك وين أنت عني بسمعك = ضيف القصيد اللي لفا في غيابك |
منصور الرويلي
لله درك على هذا النص نص رائع مليء بالشعر وطاروق اروع سلمت وصح لسانك لاهنت ، تقديري |
|
انت الشعر يطربك . يعجبك . يوجعك = لان الشعر بحرً وموجه غدابك
منصور الرويلي قصيدة نداء .... نداء .... نداء ... من شاعر قادراً على حرفه صح لسانك الين ترضى |
الغالي الشاعر منصور الرويلي الله يسعدك ويوفقك للخير قصيده رائعه وجميله جدا وصح لسانك وعلا شانك وتقبل تحياتي |
يـاشـيـن طـبـعـك عذبـتـنـي طـبـايـعـك كرهـتـنـي حـظــن سـعـالــك وجــابــك صح لسانك يا الشاعر ابيات رائعه |
الغالي زايدتسلم على الاشادة ولاهنت
|
شجون ... صح بدنك ... شكراً لك
|
اخوي الشاعر المتألق منصور الرويلي صح لسانك ولله درك ياراعي العليا
|
سفير المعاني
حييت يابو محمد وسلم فكرك ويمناك |
مقبل الفهد
شكراً من اعماق وجداني دام توهجك ودمت كما انت شامخاً |
اقتباس:
منصور الرويلي وملت ذنوبي من قساوة عتابك ياسلام عليك صح لسانك صح لسانك طرح مميز تقبل مروري تحياتي |
حب الاماراتتحياتي وتقديري لك
|
عويد كسار
اطرائك وسام فخر اعتز فيه الـشكـر لك ولمـرورك الكـريم |
صح السانك
|
صادق الاحساس لو يخطي خطا = كل ماخطا حس تأنيب الضمير بالوفا معنى الحياه آخذ وعطا = والليالي فانيه لوهي كثير ماشكى الا من على الجمره وطا = لايمه ماحس في نار السعير وانت ياللي رمح حبك بي سطا = يمك أنت يجرني سلك الحرير قلت لك ماعلى أسراري غطا = عادتي بالحب ماسمع واستشير يالغلا ضيم العجول من البطا = لا تحرى طلة البدر المنير فرقها فرق السماء عْن الوطا =كوكبين وبينهن فرقً كبير يوم جيتي طارت أسراب القطا =واحتويتي قلب مالك به خشير أسكني بالروح وجفوني غطا =وأوْعـّدك كل ماتمنيته يصير دام ماغيرك على أرضي وطا = حالفً عن درب حبك ماستخير صادق الاحساس لو يخطي خطا = كل يوم يحس تأنيب الضمير |
الله حي الضيف والمعزب كفو الله يامنصور تسلم
وصح لسانك |
| الساعة الآن 09:16PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية
