|
جعل الرخوم اللي تعذر فداياك واللاش بقسم للمواطي حذايين
بسم الله الرحمن الرحيم السلام عليكم ورحمة الله وبركاته الاخوه والاخوات اعضاء منتدى رهب الشامخ هذي قصيده لاحد قلتها في احد الاصدقاء من قبليه قحطان الوفيه واحس اني مبتعد شوي عن عذب القوافي قلت اطرحها لكم وانتظروا الجايات باذن الله ياابوفهدحييت من دار ملفاك=ترحيبتن تسوى بعيني ملايين جاك الشعر والمدح من هاجسي جاك= المدح في شرواك دل العناوين ياللي عليك المرجله ثوب يزهاك= ثوب المراجل ميزتن للوفيين انت الوفا طبعك من اطيب مزاياك= وفيك الوفاوالطيب ياجامع اثنين وانت الذي بالطيب تكسب بيمناك=وحطيت لك بالطيب عرش وسلاطين متقهوين طيبك وطيبك تقهواك= قدوعك العزة وانت ابن الكريمين جعل الرخوم اللي تعذر فداياك=واللاش يقسم للمواطي حذايين لاصرت باغي الطيب فاالطيب يبغاك=ماهي غريبه وانت نسل القحاطين صغت القوافي مدح ماهيب تجزاك=حقايقن ماهيب تبغي براهين يخونني التعبير في مدح شرواك=فعايلك في المجد تبغي دوواوين الشعر والقيفان مادام تنصاك=تكرم من الهزله وتكرم من الشين واقبل سلامي عد ماخطت خطاك= وعداد منهو ردد وقال آمين . |
حيّاك عبدالرحمن صح لسانك مشاعر صداقه طيبه تحياااتي لك |
. . . صح لسانك شاعرنا الحاضر الغائب عبد الرحمن... قصيدة راقية غلب عليها اسلوب الواقعية.. تمنيت لو اضفت اسم الممدوح .وجهة نظر. تقديري لقلمك المبدع. . . . . |
الشاعر القدير عبدالرحمن الدوسري هلا وغلاااااا بك صح لسانك واحسااااااسك وعلا شأنك قصيدة رائعه وعذبة لا خلا ولا عدم من حضورك وتواجدك ننتظر جديدك ومميزك تقبل مروري وتحياتي |
عبد الرحمن قصيده رائعه صح لسانك واحساسك تشرفت بالمرور تحياتي رهب |
الغالي/ عبدالرحمن الدوسري
صح لسانك .. قصيده جزله من شاعر جزل . ونعم بقبيلة قحطان وبـ لابة أبوفهد . الله يعطيك العافيه |
ياسلام وياسلام وش ها الزين
ياعبد الرحمن اثريك شاعر قصيده رائعه ومتالقه وما ينقصها سوى التنسيق ولكن فعلا اطربتنا ايها المبدع اخوك عشق القصيد سابقا |
http://www.arb-up.com/files/arb-up-2008-6/TvX53436.gif صح لسانك ملايين مبدع كعادتك قصيده جزله ورائعه تقبل مودتي كلـــــــ الحبـــــــ |
اقتباس:
ابقاك الله اخوي عاشق وصح بدنك ومرورك عزالله شرفني تقبل احترامي طال عمرك اخوك عبدالرحمن الدوسري |
اقتباس:
صح الله بدنك يااخوي غالب والراقي مرورك وردك ووجهة نظرك اللي احترمها والاسم وانا اخوك ماهوب عذروب اني اخليه ويكفي ابو فهد وهو عارف اني اقصده >>وجهة نظر اخرى واحترامي لشخصك الكريم اخوك عبدالرحمن الدوسري |
اقتباس:
مرحبابك اخوي يفوق الوصف والعذب انت وكلامك والله يسعد عيني يوم اشوف اني اعجبتك واللي شرواك وبيض الله وجهك تقبل احترامي وتحياتي اخوك عبدالرحمن الدوسري |
اقتباس:
اشكر مرورك وردك اللي شجعني وشرفني والله لايخلي منك طال عمرك اخوك عبدالرحمن الدوسري |
اقتباس:
صح بدنك اخوي الغالي عبدالكريم والشكر لله سبحانه ثم لك على ماقدمته لي ولااجحده وبيض الله وجهك ولاعدمناك ياناقدنا المبدع تقبل احترامي لشخصك الكريم اخوك عبدالرحمن الدوسري |
اقتباس:
هههههههههه هلا والله اخوي وعزيزي عشق القصيد مرحبابك وانت الشاعر وانت المتألق والتنسيق هذا هو جا وانااخوك شفه والله يبيض وجهك ووجه اخوي غالب المطيري تقبل احترامي وتحياتي اخوك عبدالرحمن الدوسري |
اقتباس:
الله يبقيك ويسعد عينك واشكر مرورك وردك المشرف احترامي اختي مستبده اخوك عبدالرحمن الدوسري |
الغالي الشاعر عبد الرحمن الدوسري الله يسعدك بجميع اوقاتك بالخير تسلم على هذه القصيده الموجهه لابو فهد وانت كريم وهو يستاهل صح لسانك وعلا شانك يالغالي وتقبل تحياتي |
صح لسانكـ ياابو داحم وكفو كفو بك وباابو فهد ويستاهل والله وجزلة من جزل |
اقتباس:
الوالد الغالي سفير المعاني الله يسعد ايامك ويطول لنا عمرك صح بدنك طال عمرك والله لايهينك وماعليك زود طال عمرك مرورك بحد ذاته يكفي لقصيدتي شرف لاهنت طال عمرك اخوك عبدالرحمن الدوسري |
صح لسانك عبدالرحمن والله مبدع ومن زمان عن المنتدى وعن قصايدك ولها فقده والله |
وانت الذي بالطيب تكسب بيمناك=وحطيت لك بالطيب عرش وسلاطين
متقهوين طيبك وطيبك تقهواك= قدوعك العزة وانت ابن الكريمين جعل الرخوم اللي تعذر فداياك=واللاش يقسم للمواطي حذايين لاصرت باغي الطيب فاالطيب يبغاك=ماهي غريبه وانت نسل القحاطين صغت القوافي مدح ماهيب تجزاك=حقايقن ماهيب تبغي براهين يخونني التعبير في مدح شرواك=فعايلك في المجد تبغي دوواوين الشعر والقيفان مادام تنصاك=تكرم من الهزله وتكرم من الشين واقبل سلامي عد ماخطت خطاك= وعداد منهو ردد وقال آمين . صح لسانك الف ...طبعاً شاهدتي فيك مجروحة والله انك شاعر فخر وتبدع في شعر الفخر كثير حتى في أسلوبك كلة فخر وأعتزاز ويحق لك وأنت من نسل رجال عريبين الجدود ... قصيدة رائعة ويستاهل خويك المدح هذا وماهو با أطلاق من خوية فأنتوا على المثل إللي يقول القرين بالمقارن يقتدي...أو قولي من تصاحب أقول لك من أنت ...ابدعت يا عبدالرحمن والله يعطيك الف عافية ومثل ما قلت لك شاهدتي فيك مجروحة وانا ماني بشاعرة بس أعجبتني الأبيات السابقة حيل...تحياتي وتقبل مروري .. |
الشاعرالقدير
عبدالرحمن الدوسري ونعم فيك ونعم بابوفهدوبقحطان وكافة القبائل واكيد الطيب ربعه مثل طيبه صح لسانك وعلى شانك على هذه القصيده الرائعه الف شكرلك وفقك الله |
والنعم بالممدوح والمادح ... ونعم بالدواسر والقحاطين.. |
الاخ الغالي عاااشق الصحراء صح بدنك وماعليك زود ياالغالي والله لايهينك ع المرور والرد طال عمرك لاعدمتك |
لاصرت باغي الطيب فاالطيب يبغاك ماهي غريبه وانت نسل القحاطيـن يستاهل القحطاني هذه الأبيات الجزلة وصح لسان الدوسري عبدالرحمن على إبداعه الجميل تحياتي لك |
| الساعة الآن 06:55PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية