|
سؤال للشباب والبنات ماهي مواصفان زوج - زوجة المستقبل ؟
سؤال للشباب والشابات .. ماهي مواصفات زوج-زوجة المستقبل ؟
العديد من الشباب والشابات مقبلون على الزواج .. والسؤال الذي يطرحه الكل هو ما هي مواصفات شريك المستقبل ؟ أتمنى أن يدلي الكل بوجهة نظره .. وأتمنى أن لا تكون المشاركة من (غير المتزوجين فقط) ولكن أن يشاركنا الأزواج خبراتهم وتجاربهم أرجوا التفاعل مع الموضوع وبصراحة |
شموخي برجولتي موضوع جميل للنقاش انا بنتظر معك تشوف البنات ورايهم تسلم لا عدمتك اخي الكريم تحياتي رهب |
اخوي جبتها على الجرح ماعندي مواصفات خلاص انا حلفت ماتزوج على كثر ماتقدموا لي قصتي معروفة
تدري ليش لاني مانسيت الإنسان اللي سكن قلبي كنت على وشك زواج من واحد من شيوخ عنزه وامي رفضته وصممت على رأيها والشاب انتظر فترة طويلة وفقد الامل وتزوج وسمى علي بنته الله يوفقه بحياته |
سديم اكيد مالحب إلا لحبيب الاول لكن حرام الحلف والعزوف عن الزواج هذى فيه تحريم لما حلل الله وسنه لخلقه ومن الواضح حسب ماتقولين أن العشق أنتهى وبقى الوفاء والوفاء لا ينتهى . والدليل انه تزوج وعايش حياته وفئ لك سمى أبنته على أسمك ايش المانع ماتتزوجين أنتي وتسمى أبنك على أسمه عموما الحلف عن الزواج حراااام والثوابت بالدين ماعليها نقاش . ولكن أمك وقرار أمك التاريخي . والله انا ضد قرارات الوالدين القصريه على رغبات الابناء بالزواج خصوصا من توافر فيه شروط التوافق الاساسيه ممكن المناصحه كونهم اعلم بالمصلحه ولكن. ماهو لدرجة الاجبار والحرمان عموما الله يوفقك تتزوجين وشرايك نخطبك لشموخي برجولتي تراه كفو ومناسب لكن بشرط مايرجع الرأي لأمك هههه تحياتي وتحمليني |
اقتباس:
أحرجتني وأحرجت بنت الناس هههههههههههههههههههه والله مدري وش أقول الله يهديك بس ههههههههههههههه |
اخوي عاشق انا ماقدرت انساه فكرت اتزوج لكن حسيت اني ماراح اسعد اللي اخذه
واشغلت نفسي بالدراسة واضحك على نفسي وامي ندمت لكن ماينفع الندم خلاص سامي وتزوج ولانسى بلعكس تعلق اكثر لكن انا رافضه وش ذنب زوجته تدخل عليها حرمة وهي عارفه انه لواخذني مالها مكان احب للناس زي مااحب لنفسي وفيني طبع مستحيل اسبب نكد لاحد والله يوفق الجميع |
اخوي شموخ برجولتي اعتبرني اخت لك وادري عاشق انه يمزح
انا صدري شمالي |
الموضوع صعب الاجابه عليه
اكيد لي موصفات معينه لكن احب تكون مجهوله للكل مو لشي لان المجتمع حولنا يجلس يقول البنت تنتظر فلان ولا فلان الي على شروطها وطلبها او تنتظر هذاك الي يجي تفصيل على مزاجها. واحيان يجي شخص نقدر نقول ما فيه ولا شرط من الشروط الي في بالي بس احس بارتياح له ويبدا الي حولك يغزلون القال والقيل اكيد تعرفه من قبل كيف توافق عليه وهو مو مستوفي نص شروطها في الزواج فأنا من الناس الي يفضل انه يكون له خصوصيه في هالموضوع ولا افضل اني اقول لاحد عن رغباتي او موصفاتي حتى لاقرب الناس مني تجنب للاحراج وتعليقات الي حولك ولو صادف وجاء على طلبي فهذا فضل من ربي راح احمده واشكره عليه وديم بصراحه الي تجلس تقول للكل انا اتمنى كذا وكذا ما يجي زوجها ولا حتى ربع الي تمنته هذا اذا ما كان العكس.. وكل شي قسمه ونصيب |
اقتباس:
الله يسعدك أختي ويوفقك والدنيا ترى ماتنتهي ولاتوقف مهما كان |
سديم سامي راح الله يستر عليه وانتي لك اسبابك اللي ذكرتي الكلام الاول ماضي انتهى خلينا بالحاظر . ماقلتي رايك بولدنا شموخي تراه قد المقام وانسان واعي ومثقف ونعرفه من زمان وانا متأكد انه رايح يسد الفراغ العاطفي اللي تعانين منه استخيري وعطينا رأيك وان شاءالله ماتندمين بس ماادري عن شغله وحده هو يوافق تسمين اول مولد سامي او لا هههه يبقى لرأي له بالمسئله المهم هو بيوافق اكيد وبعدين شفتي وشلون خجول الولد ومنحرج يتكلم وهو يطقطق اصباعه ههههههههههههههه حلينا نوفق بينكم بالحلال ان شاءالله نشوفكم عرسان وكل المنتديات بيحظرون زواجكم ويشاركونكم فرحك على راس صاحب الامتياز ومبروووك مقدما واذا قررتو فيه مأذون انكحه معنا بالمنتدى انتم بس اخصلو تحياتي |
سديم لو جاك شخص يحبك زي ما يحبك الاول تقبلين فيه
عموما الحياه رغم كل شي لازم تستمر ولا تقف عند شخص معين راح يفوتك شي كثير فيها اقبلي على الحياه وهي راح توريك الحب الاعظم والحياه الاجمل قفلي هذا الباب وافتحي لك باب جديد وحياه جديده انتي تستاهلين لحظات صفاء ومصالحه مع الذات حرام تقضين سنين من عمرك على ذكريات تشدك لوراء هو اختار نسيانك انتي اختاري الحب والحياه الجديده يمكن الحياه تحمل لك حب جديده اجمل من الي راح والي راح ما كان لك نصيب فيه. تحياتي لك يا الشماليه |
هلابك اخوي وليد ما هي مواصفات شريك المستقبل ؟ انا عن نفسي بعد مخافة الله والأخلاق اتمنى يكون مثقف ومتعلم وانسان طموح جداً ووظيفته حلوه واتمنى يكون ديمقراطي سلس في التعامل اسلوبه راقي ماينطق إلا بكل كلام حلو ومقبول يحترمني و يحترم طموحي ويشجعني على تحقيقه واتمنى انه يحبني ويدللني ويحيي الطفله اللي بداخلي ويحب اهلي كأنهم اهله بعد اتمنى يكون كريم طيب وبنفس الوقت شخصيته متّزنه اتمنى اشياء كثير لكن بتتم كلها امنيات اتمنى بعضها تتحقق وبالنهايه كل شي قسمه ونصيب اشكر اخوي وليد على هالطرح الجميل |
لا ما أمزح انا اعرف أن ثنتين مافيهن مزح الخطبه والعزيمه الخطبه/ ماتخطب بنت الناس واذا عطوك قلت مزح ههههههههههههه وين هذا والعزيمه/ تعزم رجال اذا وافقو قلت صدقتم ههههههههههه حقيقه ليش ايش فيه ممكن الله كاتب لكم نصيب وهالمنتدى سبب خير جمع بينكم عموما انا ماأمزح عاد الباقي راجع لكم لكن انتي لازم تعدلين عن الافكار السوداء اللي براسك وتشوفين نصيبك ماأصلح مصلح اجتماعي تقل اهواش ههههههههههه المهم الله يسعدكم جميعا ويوفقكم قبائل حب |
يامال القووووووووم يامال القوم والله يااخي سؤال صعب مايمدي استفزاع بصديق(استفزاع مأخوذه من الفزعه)ههههههههه ابشر انا بجاوب وبكل شجاعه ولكن لي عوده وسديم تزوجي يابنت الحلال يقول الله تعالى وعسى ان تكرهوا شيء وهوخير لكم وعسى ان تحبوا شيء وهو شر لكم والحب شي طيب لكن مااستوت الدنيا للعاشق على الكيف والله بلوى الحب يااخي ودك تبيعه وتشتري غيره بس اذا صرت قليل اصل وانتوا محشومين طبعا من هذا كله |
اقتباس:
|
عاشق انا شاكه انك المأذون الشرعي الي تقول عليه
ههههههههههههه الله يكتب الي فيه الخير للكل |
بصراحه موضوع جدا مهم والمفروض تأسئل البنات لانهم هم المظلمين في هذه الشي دايم يأسئلوا الشباب اش مواصفات فتات احلامك ولا عمرهم عبرو للبنات وهي يا حطي غلبانه تاكلها وتمشي ههههههههههههههههه
المهم انا اتمنى ان ارتبط بشاب متزن وملتزم الالتزام الحقيقي مومعقد ويقول التزام ومثقف واخلاقه عاليه بغض النظر عن حالته الماليه لان اذا جاء الدين جاء الخير كله في الدارين اسفه على الاطاله ومبروك مقدما لا تنسو تعزمونا في الزواج عشان نقوم بالواجب ههههههههههههههههههههههههه تقبل مروري |
اخوي عاشق ادري انت تمزح والموضوع نسيته وانا صريحة واتوقع ان فيه بالمنتدى
من حضر زواج سامي والله يوفقك انت واخوي وشموخي برجولتي وكل الشباب والبنات تحياتي لك سديم الشمال |
اختي درر كلامك واقعي لكن صعب اجاوب
واخوي عبدالرحمن تسلم الله يطول بعمرك ويسعدك واخوي عاشق ابقولك شي يمكن الرجال مايبي عنزية لاني من عنزه لاتحرجه |
حرااام عليكم ورطت شموخي يمكن الولد خاطب ولا حاجز له وحده
وبعدين سدومه خلها الحين تنسى سامي |
اقتباس:
لكن يبدو أن الموضوع خرج عن اهدافه أرجو من جميع اخواني واخواتي التعبير عن آرائهم بعيدا عن سرد التجارب الشخصية منعا للاحراج ولئلا يخرج الموضوع عن الذي نأمله منهم خوي عاشق الله يسامحك ههههههههههه |
شكل الموضوع ماعجبكم
وين الباقين أبي تفاعلكم الله يعافيكم |
انا اقولها لك بس خلني اول اشكرك على طرحك المميز...
انا بأختصار ...ابغاه مثل ابوي في ادبة ودينه ونشامته حنانه وهيبته..والله ابوي توفي ولا تعرفت على وحدة إلا وابوها يعرف الوالد الله يغفر الله ويرحمة ... رجل مات والكل يشهد له بالصلاة وقرأة القرآن اكثر شئ يكرهه في الرجال الكذب وكان يقول إللي يكذب ماهو برجال ... تعلمت من ابويه كيف اقيس الرجال لأنه هو بذاته امامي اكبر مقياس حتى في تعاملة مع الوالدة الاحترام في حياتهم فارض نفسه ... فكل فتاة بأبيها معجبة وانا لأبي ولشبيهه عاشقة.. |
وين البقيه ياجماعه نبي تفاعل الله يسعدكم
|
| الساعة الآن 03:38AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية