|
الله يرحم جدتي شعيع:e: عنده حلوى واللي تنضف غرفته تعطيها من الحلاوه
وانا ما حب الشغل والتنظيف وتبدى الله يرحمه تفقد غرفنا انا وبنات عمي بالدور حشى جولة استطلاعية بالدور وتوصل لغرفتي انا واختي مها ومن الرثعة بسريري واغراضي كل شي بمكان وسرير اختي مرتب ومكتبته ويحول اختي مصخنه وعند امي بغرفته جالسة طبعا جدتي مرة علي الغرفة قالت وين اختك ابعطيها الحلاوة قلت تبادلت انا واياه السرير والمكتبة وهي تلعب بالحوش مع العيال ويحرام البنية مريضة وتعطيني فلوس وحلاوه يوم درت جدتي بكذبتي وتحشرني عنده بالغرفة وهات نصح وارشاد واخرته تفتح دولايبه وانكسر ظهري وانا ارتب حسيت اني سالي وهي انسه مينشن :d الزبدة اختي زعلت علي وتعايرني بالهشي فترة واللحين اتمنى يرجع اول حنا وبنات عمي بنفس البيت ويعل جدتي تضربنا بس نرجع مثل اول البيت واحد والقلوب وحده وبنات عم وعيال عم كنا اخوان وحتى الكبير له هيبة اذا شفنا جدي وجدتي لا شعوريا نوقف ونقبل يديهم مدري الزمن تغير ولا حنا اللي تغيرنا:(1 يحلو سواليف الجدات وذكرياتهم :e: الله يجمعنا معهم بجنات النعيم :r: |
اختي العزيزه
الذكريات والبراءه وسنوات الطفوله والصبا جميله بكل مافيها , وحقك ماجاك من عقوبــه , بس نعتبرها شقاوة بحسب السن الله يخلي لك اختك ويوفق مابينكم . تحياتي |
الله يوفقك ولاخلا ولاعدم من دعواتك الطيبه
|
يوم كنا اطفال كان ولد خالي نواف اكبر مني بسننننة ابوه الي هو خالي كان يقول له بزوجك لينا :nono:
وهو ماسكها علي كل ماشافني قال زووجتي وكان اكبر عدوو عندي يضايقني بشكل ولاعصبت منه قال ترى بطلللقك :whistling: وانا على طول ادخل للحريم ودمووووع عند امي :(1 وكل بنات خلاتي وعيالهم يلعبون برا الا انااا جالسة عند الحريم اخاف اطلع يقول لي زوجتتتتي تعقدت منه :(1 المهم مره من المرات كنا نلعب كلناااا باالمرجحينا جميع بيت جددي الله يرحمه ومثل كل الاطفال نخاف من شي اسمممه حرامي :d وواحد من عيال خاالي قال حررررررامي وناقز حنا من الخوف ونبدى نراكض بندخل جووى وكان وراي نواف ويدزني واطيييح على العتبه حقت مدخل البيت :( وتعالو شوفوني دمااان ويطلعون الحريم والرجال وياخذني خالي الي هو ابو نواف ويوديني للمستشفى ويخيطوني ونوواف ي قلبي هوو متغبي يخااف ينهاش ;) والى الحين وانا فيني اثر من نوواف بجبهتي اثر الجرح والخياطه خط طويل مو واضح مره والحين كبررنا ونواف يكمل دراسته برا الله يوفقه :e: واخر مرره شفت نواف قال لي اخبببار الاثر الي طابعه فيك :Looking_anim: قلت بخير عليك حققق سوو لي عملية تجميل على حسابك :d قال لي لا خليه موجود علشااان تحكيله لحفااادك :( وسلاامتكم :r: |
بحكم عملي كمعلمه كانت عندنا موجهه تزور القسم بالشهر مرتين او ثلاث حسب ظروفها كانت هذي الوجهه الله يستر عليها من تدخل على أي معلمه سواء جديده او قديمه إالا وتنتقدها بشكل سخيف وغير منطقي ماتنظر لمجهود المعلمه او طريقه توصيلها للمعلومه او بالأشياء الأساسيه بالحصه تنتقد فقط لمجرد النقد وإثبات الذات .. وكأنها تحضر الحصه لتتصيد الأخطار وتغض البصر عن الجوهر والمضمون حتى إسلوب نقدها يفتقر للذوق والأدب والإستفاده من ملاحظاتها اللي المفروض تكون في صالح العمل المشكله إن مافي معلمه بالقسم ماسلمت من شرها >> يعني كلنا مانفهم عند عقليه مدام انشتاين الأكيد إن بعد مده دخلنا دوره يلقيها الموجهين في المنطقه التعليميه ومن حسن حظنا كانت موجهتنا هي المحاضره للدوره كانت الدوره عن المناهج الجديده للمرحله المتوسطه لماده الرياضيات المهم أكتشفنا ان الموجهه ماتعرف كوعها من بوعها ونصحح لها الأخطاء في كل مسأله تحلها وإذا شافت نفسها توهقت .. قالت هذا سؤال ابيكم تحلونه للمحاضره الجايه >> خوووووش تصريفه خلصنا الدوره وعرفناها على حقيقتها .. ومع هذا للحين تمارس عقدها النفسيه وجهلها على المعلمات مسكينه ..!! بس الحمد لله رااحت من مدرستي لمدرسه ثانيه الله يعينهم عليها |
ههههههههههههههههههههههه
قصص رائعة ........... اما عن موقف النجلا وش اقول لك يا كثر هالاشكال المنتسبين للتعليم و خاصة المشرفين التربوين يجلس طول الوقت يتكلم عن نفسه و يمدح تصرفاته و خاصة اذا اخذ بعثة للخارج تجدينه يتفلسف ولا كأنه جاب راس غليس اسعدني جدا المرور هنا وسوف اعود بيوم من عمري ريف .. |
المشكله موجودين في كل المجالات >> حق التفلسف ننتظر يوم من عمر ريف أتوقع بيكون يوم مميز |
اقتباس:
اقتباس:
الله يرحم ذيك الايام ويرحم جدتي رحمة واسعة وجميع اموات المسلمين :(1 الله يسامحك يوم قريته كنها اليوم هي وعصاااها وجولتها التفتيشية وقت العصر اقتباس:
هذي المصيبة حدث الجاهل بـ علم لا يفقهه حتى تلهيه عنك عن علم تفقهه يلهيك عنه عموما" ملء السنابل تنحني بتواضع .... والفارغات رؤوسهن شوامخ وهذي مشكلة لما لا نعترف ب عجزنا أمام شيء وعدم فهمنا فلربما يزيدنا علما" ووقارا" عند المعرفة تذكرت شيء ذكرتني فيه نوف عن جدتي الله يرحمها وهي عنده حكمة دايم ترددها لي ولـ أبناء العائلة ترد أذا شفت نفسك فوق الناس وأكبر منهم وأعلم منهم مستحيل أن تتعلم ولا يكون لك صديق بالدنيا والناس تنظر لك بعينك اللي تشوفهم فيها كثيرا" من حكم المرحومة تسكن بي وأتذكرها كثير مستقرها الفردس الاعلى يارب |
الله يرحمها جدتك ويرحم أموات المسلمين
والله الأولين أحسن من هذا الجيل المريض بجنون العظمه والمفاخره بماليس لديه أبعدنا الله عن طريقهم ياحبني لك |
لينا
والله مشكله مثل هالوعود , اعتقد انتهت الآن ومافيه ربط للبنت سوا جد او مزح بس ماقلتي لنا هو الآن زوجك او حلوم ليل وانتهت ؟ |
| الساعة الآن 08:36PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية