![]() |
عقاب
وعليكم السلام ورحمة الله وبركاته هلا وغلا نورة المجلس وتجي بالسلامه ان شالله |
شبيب
اشكرك على اطرائك على الابيات التي ذكرت اما بالنسبه لقولك لاتدعي حفظ الهوى بدلاً من درب الهوى من الممكن انه لم يكون فيه هوى من قبل لكي يحفظ واعتقد ان كلمة حفظ تدل على شيء ماضي قد افتعل وتاكدو انو الي قلتوه انت ويا كامل الاوصاف بالعكس اذا مازاد فيني مراح ينقص مني شي وممكن انه زاد في ثقتي بنفسي اكثر كلامكم لطيف جدا ووجهات نظركم في محلها.. |
مساءكم معطر بذكر الله ورحمته .. أمنياتي أن يكون الجميع بأطيب حال .. لم أطرح قصيدتي هاهنا إلا ليستفيد الجميع من الأخطاء التي وقعت فيها ووصلتني إنتقادات حولها بريدية وعبر موقعي الخاص وفي هذا الصرح الشامخ .. إبتداءً من الشاعر : هاني الجدعاني .. مابتسلى الروح هي مثل الجبال....شامخه بحبك ونبضي لك دليل تعليق الشاعر :هذا البيت يمكن انا مافهمته ايش علاقة الجبال بكلمه( تسلى) اذا كان معناها تنسى هنا وايش علاقه نبض القلب بالشموخ صاينه وعودك وقلبي لك حلال....ولا تظن اني فحبك بستقيل تعليق الشاعر :هنا عشان الوزن ضعف المعنى كان من حبك بستقيل مع اني ضد كلمه بستقيل اصلاً لان الحب ماهو وظيفه ودي ادفن شوقي فحضان الرمال....لين ترجع لي واشوفك يالنبيل تعليق الشاعر :هذا اجمل بيت في القصيده كلها وهذا احساسك وهذا مستواك الحقيقي صوره شعريه قمه في الخيال يعني نفسي يموت الشوق لين اشوفك ويرجع يحيى عشان مايعذب في الحب الا الشوق وكلام كثير اختصرتيه في البيت هذا شوقي لقلبك تعداه الخيال....ارجع وداوي قليبي هالعليل تعليق الشاعر :هنا لو قلتي شوقي لشوفك يمكن احلى ::: :: : للحديث بقية ترقبوا.. ![]() |
الأخ/ شبيب السبيعي تشرفت وسعدت بمعرفتك هنا .. وصدقني أني حريص من الآن على متابعة جديدك ومثل ماقلت الأخ خيالها شاعر كبير ولايشق له غبار ولايختلف على شاعريته أثنين . (وهذا اللي أجزم فيه ) الغالي/ خيالها .. تعليقك على كل ماذكرناه يدل على أنك جمعت مابين (الشاعريه المفعمه بالثقه وأنت أهل لها ومابين الذكاء من خلال تفهمك الواعي) وماأقول ألا ربي يسعد ايامك . الأخت/ عيون الفجر لي تعليق مختصر على كل بيت من ابيات قصيدتك وسيرى النور قريباً . تحياتي للجميع |
الأخت/ عيون الفجر لي تعليق مختصر على كل بيت من ابيات قصيدتك وسيرى النور قريباً . / \ / أهلا بك .. انتظرك والجميع بشغف .. ::: |
هلابك أكثر .. أختي/ عيون الفجر
يا جنايـن ورد يـا حـب ودلال..طالت أسفارك وانا قلبـي قتيـل مطلع رائع .. عايش فـغربة وراضي بكل حال..لويطـول البعـد قلبـي مايميـل البيت اللي قبله قلتي (طالت اسفاره) المقصود الحبيب وهنا بدأتي بعايش فغربه ! أكيد بيتبادر بذهن القارىء أن اللي عاش في الغربة هو اللي طالت اسفاره وليس انتي ! واذا قلنا بأنه الحبيب ماعلاقتة بوصف حالك بنفس الشطر (وراضي بكل حال) ! والشطر الثاني واضح وضوح الشمس ورائع . هايم بروحـك ولاعنـده مجـال..يبتعد لو يوم أو ينسـى الخليـل من بعد قلبٍ يميل بدأتي هنا البيت بـ هايم بروحك والمقصود بالهيام هنا بطبيعة الحال القلب وهذا تسلسل منطقي . مابتسلى الروح هي مثل الجبـال..شامخة بحبك ونبضي لك دليـل مابتسلى الروح !! لم توفقي بالدخول في هذا البيت . لاحظي نطق (مابتسلى) وحاولي اعادتها كذا مره تلاحظين ثقل في اللفظ بزيادة حرف .. لوألغيتي حرف الباء كان أفضل . (هي مثل الجبال) أستخدامك لكلمة (هي) تعريفيه وامتداد لتكملة القافيه ويدل على عدم توفيق في اختيار المفرده المناسبه . من ناحية المعنى يوجد ضعف في الربط بين التسليه والروح وكذلك الجبال . وحتى كلمة تنسى المختاره ايضاً ضعيفة المعنى . صاينة وعودك وقلبي لك حـلال..ولاتظن إني فـِ حبـك بستقيـل هذا البيت متكامل ولايوجد عليه اي ملاحظه عدا (وعودك) يفترض .. صاينه وعدك وقلبي لك حلال بالنسبه لكلمة استقيل في مكانها المناسب والاستقلال في اللغة يعني التجرد من الشيء والارتحال عنه . اختيار سليم . ودي ادفن شوقي فاحضان الرمال..لين ترجع لي واشوفـك يالنبيـل في هذا البيت قد يوحي لنا التصوير بوجهين . الأول .. لو دُفن الشوق فاحضان الرمال .. ماذا يبقى للحبيب في غيابه . وهذا الصوره لاأتفق معها . والثاني .. يوحي بأن الشوق مصدر عذاب لك وتمنيتي دفنه وأن لاتشتاقي الى حين رجوعه . وهنا أتفق مع المعنى الثاني ., إذا كان بهذا القصد . شوقـي لقلبـك تعـداه الخيـال..ارجـع وداوي قليبـي هالعليـل شوقي لقلبك ((تعداه)) الخيال .. قد يكون القصد هو العكس بمعنى أن شوقي لقلبك تعدا الخيال وليس الخيال هو من تعدا شوق قلبك . الشطر الثاني .. ارجع وداوي قليبي هالعليل الاحظ في هذا الشطر حشو للوزن بحروف زائدة البديل (ارجع وداويلي القلب العليل) كل أحلامـي تحقـق بالوصـال..شوف جسمي ميت بشوقه نحيل بيت رائع .. جيتني فِ الحلـم يابـد الكمـال..تمسح دموعٍ على خـدي تسيـل وهذا بيت ايضاً أكثر من رائع .. دمع شوقي لك كما الغيث الهمال..يمطر مزونه على وجـهٍ هزيـل صوره رائعه بمعنى الكلمه .. تكفى تجبر خاطري تكفـى تعـال..لاقصيد و لاصـور عنـك بديـل تكفى أجبر خاطري تكفى تعال .. أو يالله تعال .. (أعمق) . البيت رائع . يانسيم الفجر يا حلـو الخصـال..اشتاقت اسماعي لهمسك والهديل اشتاقت اسماعي لهمسك ..!! كسر واضح في الوزن .. ويحتاج هذا الشطر لتغييره كاملاً . الأخت الشاعره/ عيون الفجر دائماً مانؤكد على أن لافرق بين الاقلام النسائيه والرجاليه في الشعر لأن الشعر واحد .. والكثير قد يؤيدني بهذه المقوله . وأنتي اختي الكريمه شاعره لها حضور جميل وملفت وانا من المتابعين لمدونتك الرائعه . كل اللي أقوله هذي وجهة نظر ولسنا معصومين جميعنا عن الخطأ فـ شكراً لجرأتك الواعيه لعرض هذا النص على الجميع . وشكراً لإنتظارك وسعة صدرك . تحياتي للجميع . |
م / ص الجميع
يعطيكم الف عافيه اخ كامل_ الاخ شبيب_الاخت عيون الفجر والاخوه الباقين الي ماشفنا لو حرف منهم<< الجمله هذي جمبها وجه احمر عندي راي مادري توافقوني عليه ولا؟ ش رايكم انو مايصير النقاش الا بقصيده صاحبها داخل بالنقاش معنا لانو ماندري يمكن ما احد راضي انو قصيدته تنزل هنا واحنا مانقدر نختار عشوائي ولانبي الشي الي مايبونه او انو يضايقهم تحياتي,, |
مساء الخير على الجميع اخوي /كامل الاوصاف انا اللي تشرفت بمعرفتك عن طريق هذا المنتدى الرائع فأنت وبدون مجامله صاحب نقد رائع وثقافه شعريه ثريه ويزيدني شرفا متابعتك لجديدي واتشرف بمتابعة جديدك انت ايضا... واما قصيدة اختنا /عيون الفجر فلقد اشبعتها نقدا وتحليلا ويعطيك الف عافيه مع اني اختلف معك في البيت : صاينه وعودك وقلبي لك حلال ولاتظن اني بحبك بستقيل فانت قلت ان اصل كلمة استقيل هي الاستقلال واذا كانت كذلك وجب ان تكون الكلمه استقل بدل استقيل بينما انا ارى من وجهة نظر متواضعه ان اصلهاالاستقاله وهنا مكانها في البيت غير مناسب كذلك حرف الواو في بداية عجز البيت حبذا لو استغنت عنه لكان افضل في لفظ البيت عموما نتمنى لك التوفيق في الابيات المقبله ياعيون الفجر |
هلا بك خيالها
مساك الله باالخير اقتراحك جيد وانا اؤيده تماما فاالشاعر او الشاعره بعد ماينزل قصيدته في بيت القصيد ينزلها هو بنفسه في المجلس ليتم مناقشتها عن طريق شعراء المجلس وبدون استثناء ... والرأي للجميع |
مسيتوووووا بالخييير دخلت مندفع وقريت اللي كتبتووا ودخت ولي عووودهـ مع كل الود جاايز |
الساعة الآن 12:11AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية