نــــادوا سـمـيّــك وارتـبــكــت وتـغــيّــرت

كــذا ! ولا ادري وقتـهـا ويـــش جـانــي

مــع الـسـوالـف يـــوم طـــروّك سـافــرت

سـافــرت لـــك وانـــا مـكـانـي / مـكـانــي

توصي شي ؟
هذا قلبي
خله عندك
ماني محتاجه بدونك !
بس تكفى لا تذله
حقي منك
إنك تحطه بعيونك !

ياشينها لا صرت معجب و [ خجـلآإن ]
خـوف المصـارح لا يجيـب المطمّـه


اخاف اصـارح بالغـلا [ ذاك الإنسـان
و ينقلـب [ جـوو المصـارح مذمّـه]

[ويا شينها لا صرت مغرم و [ زعلان ]
محد ٍ يراضي قلبـك و [ محـد يمّـه

من عادتي لا عكّر الوقت جوّي
أخفي دموعي عن نظر كل غالي
ما ابدي تناهيدي ولو شبّ ضوّي
وأدفن همومي بين فكري وبالي
وش عاد لو بركان حزني يدوّي
وإلاّ يهد بداخلي كل عـــــــالي
الله بلاني ب(العقل)و ش أسوّي؟
دربي يميل ولا يميل اعتدالي
حيّرت في ممشاي حيلة عدوّي
لين اقتنع في طيبتي وانثنا لي
هذا وانا في سكّة الحب توّي
بأوّل خطاوى رحلتي وارتحالي
من عافته عيني ..هفا من علوّي
ومن حبّته نفسي ..سكن بالعلالي

والله مانسى نظرتك يـوم قفيـت
اليـن تنسـى كـل امٍ ضنـاهـا
لو شفتني من نظرتك كيف سويت
والله ان تمنى قبل هـذا عماهـا
حسبي عليك ارسلتها ماتوانيـت
احرقت قلبي وسط حامي لضاهـا
مادري هي الصدفه او انك تحريت
سددتها وابليـس يمـي حداهـا
فجرتها بالقلـب مثـل الدناميـت
الله واكبر كيـف قلبـي قواهـا
والرِجل كنك ناثرٍ حدرها الزيـت
الرِجل عيـت لاتثبِـت اخطاهـا
النظرة اللي في مداهـا تهقويـت
عدت على الهقوات قـوة مداهـا
والمشكله لاابديت فيها ولااخفيت
عجزت احدد يالغضـي محتواهـا
وراك من بين المخاليـق لديـت
دمرت قلبٍ سالـيٍ عـن هواهـا
ياليتني عن نظرة العين صديـت
ياليت ربـي فكنـي مـن بلاهـا
وانا الذي عن مارد البيض كفيت
رميت دلوي والرشا من وراهـا

حكيت ومالقيت من الحكي الا الندمـ موال
سكت ومت بالحسرة ولا ادري وشهو احسن لي

وهني من لاضاق سولف وفض فض ++يخف بالهرجه عن القلب غيضه
ماهو بمثلي من عناء الوقت لاجض +++تضيق به كل الفجوج العريضه
صدق المثل لاقال رجل بلا حض+++ماعاد باقاٍ للفرح فيه عيضه
بس الصحيح وزبده الهرج لاخض+++موت اللحود ولاحياه الغميضه

لـــشـعر ميقاف وللـشـعر كتاب *****وانا كتبت الشعر مدري كتبني


احيان اعدي له على كل مرقاب *****واحيان احس الله بفنه وهبني

على حدودك يالغناه من الفقر ***** ياكثر خلق الله مواقيف وجلوس

والله اني ما عبدت اوجيه من شان الاسامي ***** بس تملكني معاريف الرجال اهل الفعايل

انت طيب ؟ تبشــر بتقدير وابشـر باحـترامي ***** والـردي ماله ترى ! والا بعـد ماني بقايل