شبكة رهب الأدبية-ريما محمد السديري - ماذا تقول للي في بالك؟

^
^
^

أنـا اشهد .. :)

....

ويـن إنـت يـا مالـكٍ داي و دواي
يا من سكنت بقلـب بنـت أجوديـه
::
ليلي طويل وعبرتـي تكسر غنـاي
ومن غيبتك مـا عـاد لـي مقدريـه
::
ليتك سمعت بحالـك الليـل شكـواي
كانك فزعـت وشفـت دمعـه خفيـه
::
مضمونها (بُعدك) تأثر بـه أقصـاي
والـروح تسكنهـا ريـاح ٍ عتـيـه
::
علمتني لا ضقـت.. أدعـي لمـولاي
وأضحك ولو كانـت دموعـي جليـه
::
وأخفي شجوني وأحبس الآه بحشـاي
وأكون بنـت ٍ فـي الشدايـد قويـه
::
عودتني أهواك.. ولآآآآآخـر مـداي
وإنـك وأنـا بنكـون دايـم سويـه
::
و وصيتني لا غبت.. لك ارسل نـداي
ولا صحت (بأسمك) كلك تكـون ليـه
::
واليوم ضاقت بـي دروبـي ودنيـاي
منت بمعي والنار في الجـوف حيـه
::
تحرق بقايا الروح وتعيـق ممشـاي
وتزيدني حسره ..وهـم .... وأسيـه
::
يا سامع ٍ من صادق القلـب رجـواي
إذكـر حنـان كفـوف بنـت ٍ وفيـه
::
ما أرخصت نفسي لو لك اهديت يمناي
مديتهـا مــدة خــوي لخـويـه
::
وما أغليت غيرك من البشر لنك مناي
ولنـي بحبـك صـرت انـا مبتليـه
::
الذنب عشقـي نابـع ٍ مـن نوايـاي
تدري انـا عشقـي عشـق بدويه