|
السلام عليكم ورحمه الله وبركاته :
اليوم الموقف مختلف كلياً <<<< يكتب بيد وحده طلعت من البيت متجه لمحل الغاز اببدل الاسطوانه المهم وقفت عند المحل جاء العامل وشال الاسطوانه فووووق كانه يشيل اثقال ، طبعاً الاسطوانه فاضيه المهم ويتمشى قدامي وهو يشييل الاسطوانات لزباين ثانين بيده الثنتين ورافعها فوووق ونزل الاسطوانه وجاب اسطوانه مليانه ونفس الحكايه وشايلها فوق كانه حامل اثقال وحطها بالسياره وحاسبته ومشيت وانا في الطريق افكر فيه ماشاء الله عليه شايل هالاسطوانه وصلت البيت قلت في نفسي والله هالهندي مو باحسن مني بشي وانا ارفع الاسطوانه فوق وادخل فيها بالبيت الا خلاص مافيني حيل وطاحت الاسطوانه غصبن عني وعلى يدي والحمد لله سويت اشعه وربك ستر طلع شعر باليد بس |
هلا وغلا بمهندسنا غالب المطيري الله يسعدك ضحكت وزعلت في نفس الوقت ضحكت يومك تبي تصير مثل واحد متمرن على الشيل هذي مهنته وكل صاحب مهنه يتفوق فيها وزعلت على طيحتها على يدك وما تشوف شر والحمدلله على قضاءه ونحمد اللي ما جعلها اكبر مشكور ولاهنت تقبل تحياتي |
:) الحمد لله على السلامه ياغالب وتهون ان شاء الله . ماتشوف شر ياغالي . |
السلام عليكم ورحمة الله البارح حصل فصل سويته بالشايب الله يتوب علي فيه رفيق لنا من اهل حايل وعزمني انا والشايب قال الشايب انا اسموحوا لي قال صاحبنا والله لين ما جيت انه زعلي ورضاي قال الشايب الا زعلك اجل ابا امر على الشايب واجيبه معي قلت لا رح من عندك اقرب لك تدل المكان قال مالك لوا قلت اللي تشوفه اجل اجني مبكر اوريك قصصك بالمنتدى كلها مكتوبه يعني دخلت تاريخ الانترنيت من اوسع ابوابه والمغرب وهو عندي وجلست اوريه القصص ويشوف التعليقات قال عسى ربع المنتدى ماهب عارفين اسمي قلت له افا ما يعرفون الا الشايب صديقي الصدوق قال تكفى لا تعرفني على احد منهم المقالب فشيله قلت ولا فشيله ولا شي كلها مزوح تجي وتروح حتى ولو تراني ماني محللك ان رمى الفال بهم واجتمعنا قلت الا شافوك عرفوك انك شايبي قال اذا جوا جمع معي خمسة شياب ولا يدرون منه فينا راعي القصص قلت ابشر المهم قال ابا تسنن قلت الله يقبل منك وقام والا عندي كروت وعلى ظهر الكرت بلاستك تشيله وتلصقه واكتب على الكرت اسمه كامل وكلمة يقولون لي ابو فلان و الصقها على شماغه من خلف حطيتها براحتي بيدي على ظهره ولصقتهابالشماغ وهو لا يعلم كان وقتها يصلي الله لا يعاقبني وسلم وقالي وش تبي يوم تطقني مع ظهري وانا ساجد قلت خفت انه جاك شي طولت بالسجده وخفت عليك بس اشوا حسيت بنسمك وهان الامر قال لا تعودها وانا اصلي فجعتني بغيت اوقولك وش تبي بس اشواذكرت اني اصلي وتمالكت نفسي قبل اقولها قلت حتى يا ابو فلان لو قلتها ما عليك حرج وانت ما قصدت انك تتكلم مثل اللي يشرب وهو صايم ناسي انه صايم المهم رحنا للي عازمنا وانا اعرف الشباب كلهم المعزومين شباب مرحين وطيبين للغايه سلموا وما انتبهوا للكرت وقلت ابو فلان صل فينا صلاة العشاء قال لا فيه الشباب متعلمين يصلي واحد منهم قالوا لا انت صل فينا انت الخير والبركه تصوروا وش صار ويوم تقدم فيناوكبر وهم يشوفون الكتابه وما تمالكوا انفسهم وينسحبون من من الصلاة للخارج وهم متقطعين من الضحك كملنا صلاتنا ان ناسي الموضوع واقول وشفيهم قطعواالصلاة المهم سلم والا معزبنا يوم حط غترته بافمه ويضحك قال انتم وش فيكم تضحكون واين الشباب انا مكبر وهم صافين وراي قلت ذكروا انهم اكلين لحمةابعير وراحوا يتوضون ويقوم يتسنن واجيه من الخلف واطلع الورقه من شماغه واخفيها والله خفت يزعل علي ولكن قال ويش يخفى يا رسول الله قال اللي ما حصل الشباب قالوا له ليش انت معلق ورقه بشماغك والله ضحكنا ونحشنا اول مره نشوف واحد يكتب اسمه على شماغه ويصغي علي قال الشباب هم لمي قلت لا لمي انا قال اشوى وانا اغمز لهم ويصغي علي واحد منهم قال هو مخرف قلت ايه لا يوحيك هم يظهر السوط عليك وهو يلتفت لربعه الشباب قال اسكتوا عنه ترى لكم عليه ما هو صاحي لا تبلشونا معه ويستر الله وقتها انه ما عرف ويش يقولون بس عرف من بكره قال والله لو اني احبك انك معاد تشوفني قلت ما هو انااللي حطيت الورقه قال اجل حاطه روحها قلت لو الله الا ابليس الله يعيذنامنه لعب علي قل اها بس لا عاد يلعب عليك عديتها لك هالمره بلحالنا سواللي تبي بس تخلي ها الورعان يضحكون جعله اتلا بعد ولهم وجيه يسالوني بس معذورين بلاهم ما يعرفون ثقلك وثقل مزحك واحب على راسه قلت له سامحني قال اخر مره قلت ان الله قاله قال سامحتك بس متى تبي نروح لجده قلت مدامك سامحتني ان بغيت هالحين قال لا خلها بعد اسبوع نشري للعيال مقاضي رمضان ويكون خير وسلامتكم تقبلوا تحياتي |
ههههههههههههههه الحمدلله على سلامتك ياغالب
الهنود معهم جنون هههههههههه من بيقلدهم العم سفيرالمعاني ههههههههههههههههههههههههههه ماشاءالله على روحك المرحه صراحه مواقفك تموت ضحك شلون على الطبيعه مالومهم الي ضحكوالشايب الضحيه ياليت يسجل معنا انتم الخيروالبركه الله يطول اعماركم هههههههههههههههههههه ربي يسعدكم جميعا وبنتظارالمزيدبشوق وفقكم الله |
ههههههههههههههههههههههههههههههههه
اتخيل منظر الورقه الاصقه عليه من ورى :) ومطباتك مهي مطبات عرب:) وياحلاة شايبكم يابو محمد . والله اني ضحكت من قلب .. ربي يسعدك . |
هلا وغلا بشموخ نجد
ليته يعرف للكمبيوتر عيا يتعلم يقول من اشوفك وانت دايم مطنبس وانا عايفه ما ابي اعرف بس اذا طلعت له اليوتيب يشاهد ويضحك على بعض المقالب اللي في اليوتيب مشكوره على الحضور تقبلي تحياتي |
هلا وغلا با ابو خالد اكيد انك تحب المطبات انا اموت فيها وافرح ان احد يسوي لي مطب لاني اسوي له عشرين مطب الواحد اقوى من مطبه لي عشر مرات اصير معي حق لاني ماسك البادي اظلم تسلم لمحبك على حضورك وتعليقك والف شكر لك تقبل تحياتي |
الحمدالله على سلامتك
|
اقتباس:
الغالي اسير الليل الله يسلمك من كل شر شكرا لك على المرور تقبل تحياتي |
السلام عليكم ورحمه الله وبركاته :
اليوم موقفين صارت لي انا وللأخ المستشار العاطفي وربي كل موقف اطرف من الثاني الموقف الأول : ماشين انا واخوي المستشار العاطفي وماسكين خط شوي الا ويصكني الجوع قلت للمستشار شفلنا مطعم والا بوفيه نبي نفطر ، وقفنا عند اقرب مدينه وشفنا هذاك المطعم اللي ماشاء الله ديكوراته وطاولاته . وقفنا قدام المطعم ونزلنا وجلسنا على الطاوله وكنت انا اكلم جوال ، شوي الا الطاوله امتلت صحون فطور ، انا اطالع في المستشار قلت انت طلبت قال لا قلت انا ماطلبت وش هالمطعم . وانادي الهندي الا مايفهم عربي توه جديد ويجي الهندي الثاني قلت انا ماطلبت فطور ولا خويي طلب فطور من اللي طلب هالفطور قال اصلاً مافي هالمطعم الا هالفطور مافي غيره ، اطالع في المستشار قلت مشينا مشينا ، هذا المطعم مثل اللي يغصبنا على هالفطور ههههههههههههه ومشينا وتركناه ورحنا وافطرنا في مطعم ثاني . الموقف الثاني : كنا في مستشفى انا واخوي المستشار العاطفي لمراجعه بعض الاوراق لاخوي المستشار وكنا واقفين في الصاله بانتظار يجيبون الملف ونشوف اثنين من السكرتيه (حراس الأمن ) واحد اسمه منصور والثاني اسمه عبيد وكل واحد ماله خلق يوقف قدام بوابه المستشفى ، وش يسوي منصور يروح للجهه الثانيه على انه يخلص مواطن وبعد شوي يلحقه عبيد وينادي في الممرات يامنصور يامنصور واذا رجع منصور راح عبيد للجهه الثانيه ويلحقه منصور وينادي بصوت عالي ياعبيد ياعبيد وعلى هالحال لهم ساعه وربي كل مااشوفهم ع هالحال اضحك انا والمستشار ، كل واحد مايبي الشغل بينحاش ههههههههههههههههههههههههههههههه ، ورحنا انا والمستشار نخلص اوراقه وانتهينا ونبي نطلع من المستشفى الا في شايب كبير في السن ماسك عبيد يقول خلصني من هالزحمه ودخلني على الدكتور قاله عبيد خلاص امسك سره مع الناس ، قال هذه نفعتك لي ياعبيد انا ماسك سره بلياك اصلاً ههههههههههههههههههههههههههههه، مسوي نفسك مسئول بالمستشفى واخرتها حارس امن ههههههههههههههههههههههههههههههههههههههههه |
ياعبيد انا ماسك سره بلياك اصلاً ههههههههههههههههههههههههههههه، مسوي نفسك مسئول بالمستشفى واخرتها حارس امن ههههههههههههههههههههههههههههههههههههههههه
تسلم اخوي غالب على الموقف الطريف الشايب شاف عبيد يركض بالممرات قال عنده سنع طلع ما فيه خير بس يكفي رد الشايب عطاه بالمليان هههههههههههههه تقبل تحياتي |
هههههههههههههههههه
والله مقدي الشايب وقصتين حلوووووووووووووه هههههههه الحقيقه السرء ضروري ولا احد يقدر يتوسط فيه لانه امام الناس وهذا حقهم ما احد يقدر يتعداء عليه لكن لكن لكن شف لكن تكررت ثلاث مرات الرجل الكبير المسن له الحق ان يقف امام كل الناس لضرورة احترامه ومن يجعل رجل كبير في السن خلفه ماعنده سالفه شكرا غالب تكفى ارجعوووبكره وسوو مع عبيد ومنصور مقابله ههههههههههههه تحياتي لروحك الطيبه والمرحه |
مرحبا
اليوم طلعت من الدوام الساعه 4 وعلى اشارة حي الهدا بالخبر واحداً مزيون على يميني هههههههههههه طبعاً انا انتبهت للسيارة وقلت للسواق لاتسرع وهو الامير محمد بن فهد....وكان في المقعد الامامي وخلفه اربع سيارات وهو انتبه اني اطالع اتاكد من شخصه ههههههه وابتسم وانا كانت تراودني فكرة افتح الشباك والوح بيدي هههههههه http://www.quran-er.org/picture/hsnww/1207062180.jpg وهذة ثاني مرة اشوفه أما زوجته الاميره جواهر شفتها كثير قمه الاخلاق والتواضع |
ســـــــــــــــلام انا اول مره ادخل ع الصفحه...........بس وربي ضحكت خصوصا,,,,ع المسكين اللي كان ياخذ شاور؟...ههههههههههههههههههههههههه يسلموو الله يعطيك العافيه موضوع اكثر من رائع
|
انا صارلي موقف.........كنت جالسه اتجهز.....لاني بروح لزواج...المهم اتصل علي اخوي وقال شويات وبجي اخذكم .....قلت له اوكيه ننتظرك المهم انا ركضت وقلت لامي وخواتي بعدها رحت البس وانتوا بكرامه))النعال....ماحصلت مكان اجلس فيه بس شفت نور المجلس مشغل رحت وانا منزله راسي اعدل الفستان....وجلست المهم حسيت ان فيه حس احد موجود رفعت راسي الا فيه 2من ربع اخوي واحد مبقق عيونه يطالع وواحد حاط الشماغ ع وجه.....بعدها جلست ساعه عالبال مااستوعبت وقمت كاني مقروصه........وحالتي حاله..ودقيت على اخوي وهاوشته وقال انه ماتوقع احد منا بيدخل المجلس...وهوكان جالس معهم بس راح يطلع شماغه من المغسله.....بس احس نفسيتي خربت في الزواج....ههههههههههههههههههههههههه بس بعدها جلست اتذكر شكلي واضحك.......
|
وانا في السوق نزلت مع أخوي محل أقمشه رجاليه
عاد تخبرون كلها قزاز لا ونظيف ويلمع .. اخوي دخل قبلي وأنا أبي ألحق عليه عشان ندخل سوا وأنا طااااايره ابي أدخل إلا وأصك في القزاز !!!!!!!!!!!!!!!!!!!!!! طبعاً المحل مو خالي تعرفون وكمان هادي الا ويسمعون الصقعه اللي كأنه قنبله خخخخ ياجبهتي ههههه طبعاً ماقعد أحد في المحل الا وناضر فيني وتبسم .. قامت بنت أبوها وديورت ورجعت من مكان ماجت >>العن ابو الفشله .. أخوي جوا ميت من الضحك وعادي عنده تدرون ليش لأنهم ماشافوني معه عشان كذا ماأهتم طبعا انا حرمت أدخل محلات زي كذا اللا ويدي الأوله تتفقد وين الباب تقولون عميا هههههه.. وسلاااااااااااامتكم |
اقتباس:
أنا قد صار لي موقف كذا بس مااحد أنتبه لي :sm5: |
موقف كل ماتذكرته ضحكت
طبعاً كنا مداومين في رمضان كله وفي الايام الاخيرة جت وحدة بريطانيه >>عجوزاً شمطاء معصبه وتقول بالانجليزي ماعمري شفت سعوديه تتكلم انجليزي بشكل جيد وشافتني سافهتها وعصبت زيادة وقلت لها طيب وانت ماتعرفين ولاكلمه عربيه وانت تعشين في المملكه..ليه؟ هي انهبلت وطارت حواجبها اللي ماحلاها ربي وقاااااااااالت طيب انت تعرفين ان اللغه الانجليزيه لغه عالميه قلت لها طيب حتى اللغه العربيه لغه عالميه وعصبت زيادة هالعجوز المتصابيه ينطبق عليها المثل "ياغريب خلك أديب " |
وأمس صار موقف
معي بنات عمي وكل مارحنا مكان ضحكوا بصوت عالي حتى ان الناس عرفوا اسمي من كثر ماينادوني :sm5: قلت يابنات مايصير كذا احترموا المكان والذوق العام وان حضرنا مسرحيه مااحد يضحك الاهم نعنبو بليسكم فيه شيء يضحك ..علموني ..>>ذكروني بمعاناتي يوم كنت مدرسه وهاوشتهم ويرد واحد ويقول كفوووو يا.....:thumb: الرجال عرف اسمي من اصواتهم العاليه:Looking_anim: غير كذا أمس اللي حاط شدو أخضر وجزمه خضراء وشنطه خضراء ومناكير أخضر بزعم انهم بيحتفلون باليوم الوطني قلت بنات خيررررررر وش ذا:Looking_anim: قالوا عادي نبي نفرح أنت وش فيك كأنك عجوز أنا عجوز :nono: جعلكم ماتكبرون :d |
ويرد واحد ويقول كفوووو يا.....:thumb:
الرجال عرف اسمي من اصواتهم العاليه:Looking_anim: __________ نفس الشي بس بالتليفون مع وحده من أخواتي الله يحفظهم .. طبعاً قبل لا تتزوج كانت مطفوقه شوي >>أخس يالعاقله هع المهم دق التليفون واظاهر انه كان غلطان اللي حصل أنه أول مادق قمنا نتسابق أنا وهي على اللي ترد طبعاً سبقتها وأول مارفعت السماعه الا وهي تقول يا ...... <<وقالت العيره خخخخخ فضيحه صح المهم قفل اللي كان متصل ورجع يدق مره ثانيه وقال .....<<وجاب العيره >> موجوده خخخخ ههههههههه أنا على طول طيحت السماعه ومييييييييييته من الضحك .. فهي مواقف كثييييير تصير كذا |
فجر
أنا مااحب ارفع التليفون ...أشوف في الكاشف اذا اعرفه شلته اذا لا أخليه يرن لين يقول بس أما في الدوام تصير مواقف مرة كنت أقرأ مجله ومندمجه مع الموضوع والموضوع على شكل نقاط أولاً ثانياً ثالثاً ويررررررن التليفوون وأرفعه واقول رابعاً ههههههههه أشوى أنه أجنبي مادرى وش السالفه ومرة مصريه قالت اسمك ايه ياحبيبتي ؟ قلت لها جاكلين ههههههه مدري كيف طلع هالاسم واذا اتصل اجنبي وقال هاو ار يو ارد عليه فان هاو اريو يو وأذا سعودي وقال كيف الحال ؟ أقول ايه هاااة ههههههههههههههههه وتجينا مكالمات دوليه واذا من البحرين على طول يقول هلا الشيخه الله يجزاهم خير شيخوني ههههههههه ومرة واحد شكله كبير في السن شايب احيانا بعضهم يطول في السالفه قلت له اخوي انت وش مشكلتك ؟ قال والله يابنتي مشاكلي واجد ههههههههه لاحول واليوم ثلاث مكالمات وراء بعض والرابعه شلتها والظاهر اني بدون شعور خذيت نفس وتنهدت وتضحك الاخت وانا ماحسيت انا وش مسويه قالت انتي شكل مالك نفس اول دوام ...قلت لها ليه انا وش قلت وراحت تقلد صوتي وانا استوعبت وقعدنا نضحك |
مرحبا ...
ووللمعلوميه فيه وحدة سألتني عن طبيعه عملي عملت معلمه بعقد ثم بـ شركه ما... ولي تقريبا 8 أشهر __________________ المدير اللي عندنا أردني ومعقد وعصبي كل شيء يدقر فيه مرة أبي اجازة اضطراريه عندنا عرس قلت بــقول له عندي ظروف عائليه قاهرة قال شو يعني قلت يعني أنت ما تبينا ناخذ الاضطراري الا في الوفاة لاقدر الله قال شو هي ظروفك قلت عندي مشاكل عائليه <<والمشكله اني ضحكت ما أعرف أمثل ! قال انتي ذكرتيني بموظف قال بروح الرياض عندي ظروف قاله شو هي ظروفك قال أبوي طلق أمي _____________________ وطلبت أجازة بــ مارس وهو ودة يكنسلها قلت فلان أنا بروح للاردن قال شو بتريدي بالاردن انا مابحبها عاد صدق هو ويا وجهه ____________________ وأي غياب بدون سكليف يسوي تعهد وانذار وفيه دكتور لبناني على نياته كل ماجيته عطاني سكليف والمشكله أني اضحك دكتور عطني سكليف نفسيتي تعبانه >>وش دخله هو دكتور عام ويقول تكرم عينك وانا من كثر ما اجيه استحيت منه ___________ وقالت لي صديقتي فيه دكتور مصري يمشي عليه التمثيل قلت شوفي انا ما اعرف امثل <<بضحك قالت خلاص هي بتمثل انها أمي قلت لا ما تمشي على الدكتور أخذي دور أختي المهم رحنا وهي تتكلم وانا ساكته وكل عله باطنيه حطتها فيني وانا انبهت من قدرتها على التمثيل واضحك واتلطم بشيلتي ...وهي تنفص عيونها يعني اسكتي ! المهم عطانا سكليف وقال انتي مافيك شيء انت قلق وبس ههههههههههه أحس انه درى انها تمثيليه |
هل الموقف غريب او مؤسف
اليوم في المدرسة فيه والد طالبه ينادي عليهاااا علشان تطلع بالمكريفون طبعا" ومن الساعة عشر وهو ينادي آخر شيء طلعت بنته متخرجه من سنة وتدوام بالكلية وهو ما يدري ولأن بنته تعبانه واتصلت علشان يجيهااااا يطلعهاااااا ونسى يسألهاااااا وين تدرس ؟ مع الآسف الشديد |
اقتباس:
غـريـب ,, ومـؤسـف ! مع الأسـف الشـديـد ! مع كل الود جايز |
الخبر ليس جديد فهو سنياريو تعودت عليه عايلتنا تقريب منذ 6 سنين بس علشان اليوم فيه أكشن شوي قلت بقوله
الشغالة والسايق وهم زوجين بس كل واحد من جنسيه وطبعا الشغاله تغار على زوجه المحترم من أي شغاله ثانيه أو تغار عليه اليوم كالعادة الوالده بتطلع والشغاله تغار عليه من شغالات اللي أمي بتروح لهم وتوصى بنت أختي الصغيره راقبيه وبنت أختي تقول دايم ما عمري حضرت أكشن والظاهر قايله أنه يناظر غيرك وملحه السالفه وكانت النتيجة متفجرات وهواش وصراخ وقررت الآخت حسب قوله قتله (( من الحب ما قتل))علشان قلبه يرتاح حكمه . بس المسكين يوم شاف السكين قفل على نفسه بالسيارة بالحوش وهي تبي تفتح السيارة الأ يبكى الروح غاليه . وبعد تهدئته لاني أرحمه هي مسكينه صراحه ضحت بأهله علشانه بس هو خاين ..... يحالف أنه بس كلم شغالتين وعطاهم الرقم بس . وانا أقول صدقيني بنت أختي كذاب طلع فعلا" مغازلهم . بعد هذه الحرب الضروس صالحتهم الوالده قبل شوي على أن وحلف ما يعوده كعادته لهااااااا مسح ارقام الشغالات وهي تشوف ما تدري موجوده الارقام بسجل المكالمات مسكينه صدقته بس عارفين راح يتكرر السنياروا عدة مرات , الله المستعان |
:Looking_anim: لو اني مكانك خليتهم يتطاردون بالحوش :d دام ان الله فك بنت اختك من السكين:nono: اجل اناا في يوم من ايام الابتدائية كان معي 5 خمس ريالات :whistling: اشتريت تيـم وريكو بقي معي 3 ريالات ;) خفت اني اضيعهن :nono: رحت اشتريت محفظه ب 3 رياال :Looking_anim: تحياتي لك |
اقتباس:
ما شاء الله عليك تشتري محفظه فكره طيبه ههههههه بس قرروا يتطلقون بس المشكله أن هي تبيه نسفره وهو يبي منا أنا نسفرها لأنهم ما يبون يشتغلون بنفس البيت ؟ مساكين والله عيالهم شكلي أتصل باصلاح ذات البين علشان يلقون لهم حل ؟ تقديري لك |
علاااااجهم عندي ..
اكتبي وكاله باسمي عليهم يومين بس .. اماا انهم يرجعون وقلوب الحب تسابقهم على الباب .. والاا جبتهم لك بقوااطي تونه ..(حراق بعد) .. والعيال خليهم عندك .. وان مااعقلوا .. علمينن ارسل لك قوطي تونه .. عليه صورة امهم ! |
ههههههههههههه جايز موقفك موتني ضحك
تذكرت موقف صار لي لما كنت صغيره كنت اكثر شي اسويه اروح للمدرسه بدون شنطه واول حصه الاستاذه تسالني وين الكتب يالشيخه ولا كالعاده الشنطه بالبيت ابي افهم انتي ليه تجين عاد الوالده تجيبها لي بوقت الفسحه رايحه حصة الرياضيات هع هع هع واخذ تهزي من الاستاذه المهم مره من شدة اني فرحانه ومبسوطه ان اليوم اربعاء نسيت الشنطه بالفصل ورحت للبيت ولا ما فقدته الا يوم الجمعه اتفقد كتاب العلوم بدرسه الاستاذه مره عصبيه واخاف منه يوم دريت ابكي بكاء مو طبيعي من شدة خوفي طبعا غبت السبت وامي راحت جابت الشنطه لي ومنها شنطتي ماسكته مسك مو طبيعي هههههههههههه |
ظل الياسمين
تعلميني عنك ولا كتاب الرياضيات اللي عطيتيه ل.... يوم سافرت اول مره أشوف وحده تعطي كتاب الرياضيات ذكرى لا باقي للاختبارات الفصليه كم اسبوع بس كان عطيته بعد الاختبارات احسن . عليك حركاااااات ما تنسى . |
هههههههههههههههههههه"""<وشسمه طلعتي الفضايح
لا اصلاً انا رافعن ضغطي وقلت مره وحده افتك منه واعطيته هديه <<فيس مستحي هههههع |
قال ايش .. قال :mf_tongue: .. قديمك نديمك ,, :nono: .. ايه هين ! كان فيه دوري ايام الابتدائي بالمدرسه .. كاان فيه مدرس لغه عربيه / لو يقوول كيف حالك صبت دموعك من الخرعه ! :Looking_anim: الوكااد صاارت مباراتناا ضد الفريق اللي يلعب معهم الاستاذ << خنقتن العبره !! :nono: طبعن اناا من البارح وانا لابس لبس الرياضه والكنادر ,, بس غسلت وجهي ولبست الثوب وللمدرسه ,.. كانت المباراة تبدأ وقت الفسحه ,, < شوطين خلال ربع ساعه >> حمدلله :d صارت هجمه مرتده لهم اخر الوقت واناا كان مركزي اول المباراة حارس :Looking_anim: وبعدها صرت هجوم:Looking_anim: واستقريت اخر الوقت مدافع !! :nono: من القراده واحد منهم خطف الكوره ومسك خط التمااس وحط رجله يبي يرفعهاا .. :mf_tongue: الوحش كاان قدام الحاارس والغبااااار مااتشووف يدك << يفحط بمكانه ويصيح يقوول (( ارفع ارفع ارفع )) يقصد خويه المنفرد بالكوره ,,, انااا تخيلت نفسي ابووووو الحروووووف:d وفي لمح البصر شلت الكوره مع خوينا المنفرد مع ثنين من الجمهور ووجمعتهم < كومه ناس > برى الملعب :thumb: قمت انفّـض من الغباار والحكم صفّــر فااول.. حتى الاان اوكي الهجمه انقطعت :thumb: اول ماارفعت رااسي واشووف < شعر صدر ؟!! :Looking_anim: وش السالفه !:Looking_anim: اثاااري الوحش من الحمااس .. ومن ضياع الفرصه .. وكنّـا متقدمين وااخر الوقت ..! قفلت الاخلااااق معه .. :nono:.. وجاني يركض لين صدمني بصدره اول شي مسكني مع اذني اليسااار ..:sm5: وااخر شي شفته < الواااحد وثمانين .. الخطوط اللي في راحة يده اليمنى .. < ويسطرني كف ,,,,,,,:sm5: اختل التركيز عندي شهرين عقبها :sm5: طبعن اجتمع < خرعه وحياا وقلة حيله وشمااتت ابله طازه الخ الخ :nono: افتريت مرتين والثالثه بجنب الكومه اللي جمعها قبل شوي برى الملعب لين جاني مدرس حق الرسم ( الفنيه ) وبلمسه حنونه شالني وغسلني وقال رح لاهلك المبارااة الثاانيه جيت راابطن رجلي وانا مافيني شي ,, المؤمن لايلدغ من جحر مرتين . سيم سيم لاا يسطر من مدرس مرتين ! ومن ذاك الوقت واناا كل ماا امر من عند المدرسه < الى الاان > اقوول يااعساه يطيح بيدي بنفس الوقت فيني خرعه للحين ,, اهم شي اننا فزناا:thumb::yasser: |
اممم
صارلي موقف ايام المطرالاسبوع الي راح الله يجعلها امطارخير طفت عننا الكهرباء يمكن 4ساعات متواصله وكان مرره المطرقوي والرعدوالبرق<<اخاف منه ان دخلت جوى البيت ظلام وان طلعت برا البرق يولع بشوشتي واخذنفسي ينقالي بهج طاااااااااااااااااااع ويني ويني مالقيتني يوم اشتغل الكهرباء الاورا الكنبه وعلى راسي حمامه :)<<قلت وش هالي طاح علي واطالع الاحمامه مادري وين جت قالت اختي بعدشوي بطيح علينابعير:) الحمامه ذي دايم على شباك صالتنا وتجمع عيالها اكتشفت انها طاحت في الحوش وتكرفسوعيالها ودخلت من قوة المطرجوا البيت ومازالت للحين موجوده بس مو فوق راسي ههههههههههه |
هلا وغلا بشموخ نجد
الله انه يسعدك بجميع اوقاتك بكل خير سلامتك من كل شر ولكن حبيت اعلق على الحمامه وجودها داخل البيت يدل على امانة ساكنيه وطهرهم واحساسها بعدم تعرضهم لها يابختكم بدخولها وفقك الله ودمتي بخير تقبلي تحياتي |
ههههههههههههههههههههههههه وربي مت ضحك اتخيل شكلك ياشموخ اليوم شغالتنا رقيه بشرتها بيضاء وشغالة زوجة ابوي فريده بشرتها سوداء المهم وانا ماره من عندهم الا رقيه تقول لفريده انت اسود يا اسود ينقاله تمزح تخيلو تفاجاءت برد فريده تقول ما في مشكل اسود كويس ميه ميه اليل كويس مافي مشكل ولونه اسود والكاوكا طمعه هلو كويس ولونه اسود وعدسة العين لونه اسود اذا صار ابيض يصير مشكل شكل العين والكحل كويس مره مره لونه اسود تصدقون طلعت هالفريده حكيمه ودبلوماسيه بردوده لو يدرون ديرتها يمكن تصير وزيرة الخاريجيه انا فصلت من الضحك على طريقة الاسلوب وهي تحكي ومجتهده بقوووه |
ههههههههه
ياخف دمهم يالينا حصل معي موقف مضحك وسبب لي ذهول للغايه كنت حاضره مؤتمر وكان فيه وحده من جيزان بالتحديد فيفا وكان معاها اثنين من خواتها وكان كلامهم معاي مفهوم جداً .. بعد كذا استغربت انها تتكلم لغه غريبه عجيبه مع خواتها لدرجة اني ذهلت من كلامهم وبنفس الوقت استحيت اني اسألها ,وكل ظني انهم يحشون او يقولون شي من هذا القبيل المهم ابتسمت ابتسامه عفويه .. وماقدرت امسك نفسي بصراحه ..! قلت يابنت اسأليهم وش تقولون انتم ؟ < جنس حوا فضولي قلت لها اللحين انتم مغاربه ؟ ضحكت ضحكه هستيريه وقالت لي لا احنا جيزانيات من فيفا قلت لها طيب مدري وش كنتوا تقولون بصراحه كلامكم لايدل على انكم عرب قالت هذي طبيعة كلامنا ...بيني وبينكم انا ذهلت وجلست اربع ايام افكر بكلامهم حسيت ان هالمثل ينطبق علي :( .. ( زي الاطرش بالزفه ) |
هههههههههههههههههههههههههههههههه
هههههههههههههههههههههههههههههههههه ههههههههههههههههههههههههههههه الجزله <<<ماتت ضحك بجد اتخيل شكلك ياحلوك بينهم ههههههههههههههههههههه مومعقوله هههههههههههههههه الله يسعد قلبش يالجزله |
اقتباس:
تسلم ربي يمد في عمرك هذا من طيب ذاتك بالنسبه للحمام احبه لاكن بهالوقت المرعب ارعبني هههههههه اشتقنا لمواقفك الطريفه ربي يحفظك |
اقتباس:
ههههههههه امافريده منجد حشرت رقيه بس نست تقول الاسود ملك الالوان لين تهاوشومره ثاني ذكريها لين قولي اهم شي الاخلاق والشغل الكويس ميه ميه مافي قرقر كتير :) |
| الساعة الآن 11:35AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية