|
’’ أي والله افـاا .. افـاا ‘‘ .. .. ماهي لنا ياعيال .. شدو الرحايل يازين قبلتكم أسودٍ .. على الكور الضيف بوقت الجوع .. < نقريه حايل > واليوم مايشره على راس .. عصفور !! ياحيف واللـه ياعيال .. الحمايل وياأهل الفضيه مزبنة .. كل مذعور وش حدكم ياعيال .. بشمس القوايل ؟؟ وش فايدة شوفة حجر .. كلها نجور !! أدعي على اللي حدكم .. لـ العمايل بيوم الحشر أنه .. مع الكفر محشور نايم بـ( فـّي ) .. وحقكم عنه : مايل لو ذاق ماذقتم .. طلب ألف دكتور أدعوا : معي جعله بحامي .. الملايل وبالاخره : يحرم من الخلد .. والحور يارب جعله لـ حمل الأوزار .. شايل يامنزلٍ : عـم ويـس .. والطـور :rhb: |
.. لاجديد .. لكن أبشرك .. ’’ غـم وعـذاب : وهمُوم ومشاكل على قلبي تراكم .. كل ليله ‘‘ :rhb: |
.. حزمت حزني بالضماير .. وجيتك تطويني الغربه وانا أطوي مسا/فات وطرقت بيبان الفرح .. مالقيتك !! وأصبحت حاير والصدر فيه .. ونات وياما خذتني لهفتي .. صوب بيتك جيتك .. شريت وبعت كل : القريات :rhb: |
’’ ليله مُوحشه ‘‘ .. مثل البارحه : بس تدري وش حصل لي البارحه ؟؟ ** البارحه .. ليلي علي ليل مقروص أو ليل مظلومٍ .. صدر حكم قصه ونادوه : من بين المساجين مخصوص وقالوا له : أختر شخص يارثك وصّه باقي دقايق .. وفي بحر الأموات بـ تغوص ( ياهون موتي عند .. صدمة حبيبٍ أخصه ) نزل مكبل : وقبة الثوب مقصوص وبرك على أرضٍ : قاسيه حيل جصه مقرون ومقيد وبالكلبشات .. مرصوص وماباقي إلا من قراره .. ينصه ( عنده أمل وعندي الأمل عنه .. منقوص حظي نقص .. ولاأحتوى : نص نصه ) !! :rhb: |
’’ ياصاحبي .. تعبـاان ‘‘ .. في غيبتك عانقت أنا ( الموت ) .. مرات وياليت تدري : وش حصل في .. حياتي من غبت عني ساهر الليل .. ماأبات وألحن الاهآت .. مع ( ذكريااتي ) !! أسهر مع الأحزان .. وأقول هيهات وياهل ترى ينشاف .. قبل المماتي ؟؟ وعيني تجاوبني بـ سطور .. دمعات وأقول : كفي الدمع .. لابد يآتي ولاجف دمع العين لزمت .. سكات وأطمن الخفاق .. وألزم سكاتي ومافيه جدوى لو أصك .. المحطات همي ملازمني معي الهم .. باتي ( ليتك تشاهد : حالتي .. بـ القريات عايش خيال : وبـ أنتظار .. الوفاتي ) :rhb: |
[youtube]http://www.youtube.com/watch?v=I7kK8aBF3DA&feature=related[/youtube]
|
’’ تدري : وش أكبر صدمة .. تمر الأنسان صدمة حبيب .. وطعنة إيدين : صاحب ‘‘ !! عبدالعزيز .. الوادي :rhb: |
’’ ياحظي الأقشر ‘‘ .. أنت : أنت .. ولايتبدل فيك شي من عرفتك وأنت ماشي بالضياع !! .. .. ياحظ : ياحظ الشقاا .. والغرابيل ياحظ : بدل .. شوف آيا وسيله ياحظ ماخذ لون أسود .. كما الليل وماخذ على لونك .. ثمانين نيله أشقيتني ياحظ أعدلك .. وتميل أتعبتني ومافيه .. باليد حيله ياحظ لو تنباع ولو فيه .. تبديل واللـه ماأتحملك .. لو كان ليله كنك تحداني .. تعذب بـ تنكيل وأنا معك ياحظ .. عشره طويله ياحظ مايكفي .. عذاب وبهاذيل ياحظ شوف غيري .. وأمسك شليله هديتني ياحظ .. ماعاد بي : حيل وهزمتني هزم .. أبرهـه فوق فيله ياحظ قدّر .. أشقر البن والهيل وأذكر ليالي كم سهرنا .. اتعليله حملتني واجد .. كفى : ماأقدر الشيل وأشعلت في قلبي .. طويل : الفتيله ياحظ يكفيني العنا .. يكفي الويل ياحظ راع الحظ .. وش تنتويله ياحظ بدلني .. ورح لـ المهابيل ياحظ بدلني .. بـ شخصٍ هبيله أشكيك للي مقسم .. بـ سورة الليل ومن يلتجي بالله .. الله كفيله ’’ وأطلب من الله تاقع .. بـ سكة الخيل وتنداس لين يقال : أعلن .. رحيله ‘‘ ** ’’ هذي : خلاصة ضيقتي ‘‘ .. عبرت عن لذعه .. بقلبي بلا أسلاك ومضمونها : ياخوي عكر لي .. مزاجي :rhb: |
’’ الصدر : ضاقت به الوسيعه ‘‘ .. لكن تدري ؟؟ " خذهاا .. كما : هي " .. من مايقدّر .. يفقد اللي صفوله لايحسب أنه لاعرفهم .. ضمنهم في ظرف لحظه .. يخسر اللي ينوله ولا أنعدوا ( الأصحاب ) .. ماينعد منهم هو يحسب أنه .. أنتهى : بـ كسب جوله يقفي : وهو ماله غنى .. يوم عنهم يعيش .. ( نشوة أنتعاش : ورجوله ) مخدوع : باع برخص وأرخص .. ثمنهم مسيكين .. مايعرف وش يدور حوله مايدري أنه ( أنتفى ) .. من وطنهم من ( لا أكتفى ) .. ينسى : أوادم وفوله ينعد من ( أوطى ) .. البشر : من عفنهم :rhb: |
’’ أنتقدني .. بـ أبتسامه ‘‘ ماراح أزعل ياللي تنتقدني تدري ليه !! .. .. طيب : بـ أقول لك ،، ** اللي على ( جمر الغضى ) .. ينكوي فيه ماهو بـ مثل : اللي على .. ( شط دجله ) ومن أنكوى .. ولاحس حرقة : مواطيه ماعاش ليل اللي .. شكى حرق رجله ومنهو فقد .. عين : كانت تقديه يقصر خطاوي .. كانت : أيام عجله ومنهو ثقل سمعه .. يتعب محاكيه عينه تشوف .. ولاسمع صوت نجله ومن ( طاح حيله ) .. ماتفيده أياديه من قصرها تصبح من الحيل .. خجله ومن يحرث الوادي .. ثمٍ : بذر فيه ماأظن : يحصد شي .. لو كان فجله :rhb: |
| الساعة الآن 07:14AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية