|
سلام عليكم قصة اليوم زهم علي الشايب اللي سبق وان طاح بالبحيره اللي بالمنتزه وقال لي تولم انا في الطريق نبي نظهر نشم الهواء بالمنتزه اللي انت خابر قالت حاضر وبعد نصف ساعه وصل وركبت معه وانا قلبي يدف اقول الله يوصلنا للمنتزه سالمين مغير يربط فرامل بدون سبب يذكر ولكن هذا اللي الله عطاه المهم وصلنا والا فيه شباب واقفين قلت وش رايك تغير مكان موترك وتقربه عند البوابه قال لا هنا اسهل ان كانك ما تقدر تمشي شلتك ضحكت قلت لا تشيلني بس الشباب مناب مرتاح لوقفتهم لا مشوا ولا دخلوا للقهوه خوفتي انهم يخذون موترك ويفحطون وحنا نرجع بلموزين قال يهبون دخلنا ونسينا الموضوع وبعد ساعه زهم علي ابو فارس قال خال وينك قلت بالمنتزه انا واشايب قال تبي تطولون جيت اوسع صدري معك ومع الشايب قلت الله يحييك وقفلت التلفون قال لي الشايب يبي يبطي علينا كان قلت نبي نمشي قلت يا رجال ما يدرى وش الخيرة به قال الخيره نمشي قلت عاد واعدته وانت تراك معذور بامكانك تمشي لاني ابا ارجع معه حت لو جلست او ما جلست قال تشوف كذا قلت لا بس هو جاي على شانك وانت ورغبتك اما فانا واياه اربع وعشرين ساعه وده يسلم عليك ويسمع سوالفك قال لا انا ابا امشي قلت الله معك بامان الله بامان الله ومشى من عندي وهو ماشي والا ابو فارس يقابله عند البوابه هلا ابو فلان وين قال ساري وخالك قدامك قال انا جاي والله على شانك خالي انا وياه اربع وعشرين ساعه قال والله سامحني مناب راجع لوتجي السماء على الارض وانا ماطعت خالك سامحني وراح وصلني ابو فارس قال و يش في الشايب راح قلت يمكن اشتاق لبيته ربع ساعه واذا هو راجع علينا قلت في نفسي يمكن تحسف يوم قابل ابو فارس وعيا يرجع واثره ما تحسف تدرون ليه لقى الموتر مبنشر وفك الكفر ويوم جا يفك الا ستبنه واذا هي مسروقه وزعل وجانا وهو يلعن الشباب قال والله انك محذرني بس انا ما لي الا مخي خله ينفعني قلت ابشر بالعوض وهواين خمس دقايق ويروح ابو فارس ويصلحها ويركبها وانت اقعد معي قال لا ابا اروح معه قلت موفقين خير جلست وراحوا تصورا عندما راحوا لاقرب دكان بنشروجلس راعي البنشر يصلح الكفر الا والشايب يقول هذه استبنتي وين جتك منه قال شاريها قاله متاك شاريها قال ماهو شغلك قال ليه اجل انت الحرامي اللي سرقتها قال حرام عليك ياشايب انا شاريها بفلوس قال لابو فارس قم و نادا على جار البنشري وقال اشهد هذي استبنت سيارتي وهذا اسم ولدي كاتبه عليها وانا الان ابا اروح اشتكي اقرب شرطه انفجع صاحب المحل وقال ياشايب والله انا شاريها من شباب يقولون انها استبنة سيارتهم ومحتاجين من قبل ساعتين انا ما سرقتها قال ان كان انت ما سرقتها فانت ساعدت الحراميه على سرق غيرها دامك تشتري منهم اللي يجيبونه لك قال ياشايب خذ الاستبنه وانا يخلف الله علي انت معك حق وهذي بوسة راس بس لاتروح للشرطه قال وقبل شوي تقولي ما هو شغلك وهالحين تحب راسي اللي يستحون ماتوا وخذها شايبنا هي الكفر اللي صلحه ورجعوا وركبو الكفر ورجعو الاستبنه محلها وقرب السياره عند البوابه ووصى عليها الحراسه ورجع مع ابو فارس وقال والله لاكمل الجلسه معكم لكم الى الفجر وخذ يا ضحك بعد هذه المسرحيه وسلامتكم وتقبلوا تحياتي |
شكراً على مواقفكم الطريفه
. . أهلي سافروا ومعي في البيت بنت أختي الصغيرة والخدم بس طبعا ماقدرت أسافر ماعندي اجازة . . والظاهر جاني اكتئاب كل مادقيت على اهلي لينهم من ديرهم لديرة . وانا دوام في دوام وان جيت مقابله هالخدم ولي ايام وانا تعبانه :nono: واصرت صديقتي انها توديني المستشفى وانا مااحب المستشفيات ابدددددددا وجتني كابه اكثر قالت لي الدكتور هذة اعراض قولون عصبي انت بتفكري؟؟ قلت لا قالت انت متوترة ؟ قلت لا انت مش عايزة تئولي ؟ خخخخخ هذة والله النشبه وابلشتني قلت لها مافيني شي >>وانا في قلبي اقول مافيني شي كود فرقا غالين >>أقصد أهلي :(1 قالت لازم تروحين لسايكتري قلت لالالالالالالا مافيني شي وعطتني ادويه قولون ولافكرت اكلها... الله يعين |
مشكوره رسيس وان شاء الله يعودون وهم بخير ويجبون لك هدايا غير هدية عودتهم سالمين قولي امين تحياتي |
سلمتم جميعا"
طلب مني أخوي أن أزور أم لزميل له مسويه عملية زائدة وطبعا" ولان ماله أحد في الديرة طلب مني هالشيء رحت للمستشفى واكان معي رقم الغرفة ونسيت أسال وش أسمه وطبعا" على المراة وجلست شوي وهنئته بسلامة نجاح العملية وتركت الورد والشكولا عندها واستودعتها الله وطلعت وعلى طلعتي من المستشفى اتصل أخوي يقول ان ولدها غيروا غرفته طلعت زايره وحده ثانيه غير أم زميله وقررت أروح مره ثانيه للغرفة الصحيحة ودمتم بخير |
سفير المعاني
شكراً لك ..وان شاء الله يعودون بالسلامه |
مشكوره يا زمان العجايب ومن قال يسلم وكلش بأجره من الله تحياتي |
هههههههههههههه العم سفير
الحمدلله جت سليمه ورجع له الكفر وماشاءالله عليك وعلى خويك صاد البنشري ليته بلغ عنه حتى مايكررها ويشتري من الحراميه هههههههههه الله يحفظكم ويطول باعماركم رسيس ماتشوفين شر وان شاءالله يرجعون الاهل بالسلامه واذا فيك قالون اكلي خيارواشربي نعناع اما انتي يازمن العجايب هههههههههههههههههههههههه هههههههههههههههههههه ضحكتيني من قلب الله يجزاك خيرعلى عملك تذكرت وحده كبيره بالعمر سلمت عليها وصافحت اختي الي واقفه جنبي يعني العكس انا تسلم علي وامد يدي صافحت اختي هههههههههههههههه الله يطول بعمرهم دايم يصير لي معهم مواقف محرجه ههههههههههههههه |
السلام عليكم ورحمه الله وبركاته :
موقف اليوم بصراحه لا يحسد عليه <<<يكتب وميت من الضحك كنت انا واخوي وولد خالي طالعين لمستشفى في الخبر نزور صديق لولد خالي مسوي حادث ومرقد في غرفه العنايه المركزه طبعاً أول مره نزوه وندخل هالمستشفى المهم بعد السؤال قالو لنا رقم الغرفه وانه في العنايه المركزه توجهنا ثلاثتنا لقسم العنايه حاولنا فتح باب العنايه مارضى يفتح معنا طبعاً قلت لولد خالي لا يكون الزياره انتهت وقفلو الباب وامدانا المهم حاول ولد خالي يدف الباب ماضبطت معه وحاولت انا واخوي ماطلعنا بنتيجه شافنا واحد وحنا نحاول ناداني وقال في زر جنب الباب اضغطه يفتح معك وجتني مكالمه وعلمت ولد خالي وراح بيفتح الباب وكان اخوي قدام وجه الباب ويكلم بالجوال وولد خالي ماانتبهله وضغط ولد خالي على الزر الا الباب انفتح بقووووهـ الا ادور اخوي مالقيته هههههههههههههههه اثرن من قوه فتح باب العنايه واخوي قدام الباب طار لاخر الممر ههههههههه انا كنت اكلم ويوم شفت الموقف طحت ميت من الضحك الا ولد خالي يضحك وماسك شماغه ويركض درا ان اخوي معصب وانا طايح في المستشفى ميت ضحك الا جانا السكرتي وقال انتم مسوين ازعاج بالقسم وزرت انا المريض وتطمنت عليه وطلعت وانا ميت من الضحك الا اخوي برى في السياره متبهدل وثوبه رايح فيه ينتظر ولد خالي ههههههههههههههههه وهـذا الموقف لا يحسد عليه بصراحهـ |
هههههههههههههههههههههههههههههههههه
هههههههههههههههههههههههههههههه يالله ازعجتو المرضى وش موديكم هههههههههههههههههههه الله يرج العدو اقول الله يستر لاتصيدكم سبق خخخخخخخخخخخخخخ غالب ترا مانعرفك وقتها هههههههههههههههههههه الله يشفي المريض يارب وجميع مرضى المسلمين |
اقووووول والله العظيم انا سوالفكم تسوى مليووووووون منقول
وصراحه انكم مبدعين بسرد القصص خصوصا راع المقالب والمناكح سفير المعاني والف شكر لكم جميعا من سفير المعاني الى رسيس الى غالب الى اخره خلااااااص مانبي منقول خلووو الناس تنقل منكم الله يمتعكم با العافيه وموقفي تجدونه ادناه |
في يوم بهيج والنفسيه عال العال واجازه يومين ماخذها غصب
حدث مايلي قلت ياولد يازااايد شيك على قصايدك وفتش عنها في قوقل وانظر والى اين وصلت الشهره واضع لي بيت من قصيدة كلام اعيون في قوقل الا الخبر اللي مايسر هادي الروقي وابداعه جديده واظغط عليه ههههههههههههههههههههههه وادخل في ذاك المنتدى اللي اعوذ بالله من غضب الله والله مايشرح الصدر وادخل على القصيده والا ناسخها الاخ بعنوانها كامله وكاتب تحتها بقلمي جعل قلمك وراسك للكسر وتحتها مايقارب 70 رد كلها يسلمووووووووو هدد ههههههههو اسمه هادي بس يدلعونه هدد والله واتابع الردود وهذي الناس تسلم هذا القصيد ومن ها الكلام وفيه واحد من ردوده على شابه هداهم الله يشكي لها يقووول انا شاعر ولكن بدون حبيب قلت ابقلبي جعل تحبك حيةً رقطا يضحك على بنات الناس على حساب زايد المشكله الى الان لم استطيع الدخول ولكن بواسطة اصدقاء استطعت التوصل وجاري نشر فضيحة الرجال والف شكر لكم وان شاء الله انبسطتو وانزعجتو |
السلام عليكم الغاليه شموخ نجد مشكوره على الحضور وتسلمين على التعليق دمتي بخير الغالي مهندسنا غالب المطيري تسلم لنا والله انه موقف مضحك ومؤلم ومزعج يعني كوكتيل سلمت ونبي منك مواقف اكثر مواقفك جميله لاهنت يالغالي الغالي زايد الدغماني لاشكر على واجب والشكر لله ثم لك والله حسيبي على الظالم وان كنت اهنيك على القصيده لانه سرقها من جمالها ومسير الحق يرجع وما ضاع حق وراه مطالب مشكور وننتظر منك مواقف اخرى لاهنت للجميع تحياتي |
ههههههههههههههههه
الله يعينك يا زايد أخي سفير المعاني موضوع جدا مميز و لي مشاركة لو سمحت لي و هي لم تحدث لي فقد اخبرت بها من قبل طلابي و هي تتحدث عن شاب عمره 15 عاما لم يكمل دراسته و لكن له ذكاء خارق و للأسف استخدم ذكائه في ما لا يرضي الله و ذلك في السرقه وهذا موقف يدل على ذكائه كان هذا الشاب يمر على محلات الذهب و ينظر في المحل الذي عليه اقبال شديد ثم ينظر إلى قفل الباب الذي يقفل به المحل و ثم يذهب و يشتري قفلاً مثله و يمر على المحل و في غفله من البائع يضع قفله المفتوح مكان قفل المحل المفتوح كذلك ( وهذه ملاحظة لاصحاب المحلات لا تدع قفل محلك مفتوح اقفله بعد فتح المحل ) و يذهب الشاب حتى يذهب جميع الناس من السوق و صاحب المحل يذهب كذلك بعد قفل محله و يأتي الشاب و يفتح المحل و يسرق المال و الذهب و يضع القفل الاول على باب المحل و ياخذ قفله معه ( ولا من شاف و لا من دري ) هههههههههههههههههههههه وشرايكم |
هلا وغلا بالغالي ريف النشاما والله قصه مزعج ومضحكه في نفس الوقت وبها عبره وعضه لاصحاب المحلات الف شكر على المشاركه الهادفه لاهنت تقبل تحياتي |
السلام عليكم ورحمة الله البارح حصل موقف مزعج جدا وهو ان احد الاصدقاء استفزع بي وطلب مني انارسل بطاقة شحن حيث انه لايستطيع الخروج لوجود ضيوف ولبعد المحلات عن منزله فارسلت من احضرها و يشاء العزيز ان ارسل له البطاقه ونقلت رقمه من التلفون اللي كلمني منه وارسلتها له من تلفوني الموبايل ابي استفادة موبايل حيث ان الاتصالات رسالتها اغلا ولاهمني الزياده بس ليه اذا كلمت تلفون او ارسلت رساله من تلفون الاتصالات تزيد التعرفه ليس هذا المهم بل المهم اني ارسلت له البطاقه وبعد عشر دقايق اتصل بي رجل وقال من انت قلت له فلان الفلاني قال متى وانت تعرف زوجتي قلت من انت حتى اعرف زوجتك قال اضحك على غيري تراسلها وترسل بطاقه وتتجاهل انك تعرفها قلت اتق الله بنفسك ولا تشك ببيتك نعم انا قبل عشر دقايق نعم انا مرسل بطاقه لصديقي وارجوك ان لاتتهمني ولا تتهم زوجتك المظلومه بسبب خطا لم يكن مقصود ولكن ليطمئن قلبك هذا رقم صديقي واذا انا حاط رقم اثنين بدل ثلاثه بوسط رقم التلفون وانا الان اشوف رقمك ورقم صديقي مسجل عندي بتلفون ثاني وارسلته على تلفونكم وانا مخطي ولكن ترى اسم صديقي فلان ابن فلان اكيد معك تلفون ثاني يخصك الآن اتصل منه وانا معك وسوف تتأكد بنفسك ارتاح وقال نشوف صدقك ان طلع كما ذكرت فانت براءه قلت انا سهل لو الله اللا زوجتك هي اللي براءه واتصل وقاله فلان قال هلا قال انت موصي احد قال وش تقصد قال انت موصي فلان على حاجه قال نعم يرسل لي بطاقة شحن وش السالفه قال صديقك غلط وارسلها لي ولكن ازهم عليه يرسل لك ثانيه هذي وصلت ول ارد رزق جاني من الله انا فرحت جدا انه تأكد ان الموضوع غلطه وهو يكلم صاحبي وانا معه قلت له تفداك البطاقه بس سامحني على تشويش مخك ونفرزتك واتهامك لزوجتك قال حصل خير ومشكور وسلامتكم تقبلوا تحياتي |
ههههههههههههههههههههههههههههه
اخوي سفير المعاني اسمحلي على الضحكه بس فعلا شر البلية مايضحك مشكلة البعض الغيره المرضيه وهنا تكمن المشكله ياخي بعضهم لو يعدي هوا من عند زوجته شك على طول على العموم جزاك الله خيرا على تبرير الموقف لو انا كان سفهته وسكرت الخط بوجهه ياخي الثقه اهم اطناب الحياه الزوجيه دمت بخير |
ههههههههههههههههههه
الله عليك ياسفير المعاني اجل شوي وتصير لك قضيه الحمد لله اللذي ا ظهر الحق وازهق الباطل اضحك الله محياك وننظر مواقف ابو محمد المضحك دائما الف الف شكر لك |
وعليكم السلام ورحمة الله ..
وربي يسعد قلبك على حوارك مع هالآدمي والدليل ان قلبك كبير يابومحمد يوم تقوله بعد ماتأكد .. سامحني اذا شوشت عليك ونرفزتك. وعساه ينكل ويستفيد من هالموقف هذا يابومحمد باين عليه شكاك يادافع البلا .. والا فيه انسان عاقل يشك بزوجته ! بس زين أنه أستوعب بالأخير . ياحلاة سوالفك يابومحمد وياصفاوة قلبك . أنا لي رجعه قريبه .. |
اقتباس:
هلا وغلا بالشاعر الحوفزان مشكور على حضورك وتعليقك والصراحه انا المخطي ويهمني ان امتص غضبه بسرعه من اجل اسرته فقط وجل من لا يسهى بيض الله وجهك ودمت بخير تقبل تحياتي |
اقتباس:
هلا وغلا بالشاعر ابو فارس ههههههههههههههههههههههههه مشكور يا ابو فارس على حضورك وتعليقك والله يديم سعة الصدر عليك لاهنت يالغالي تقبل تحيات |
اقتباس:
هلا وغلا با ابو خالد مشكور يا ابو خالد وما عليك زود بكل ما وصفتني به واتمنى ان اكون كذلك اما صاحبنا فهو كسب بطاقه بتسعين ريال موبايل والله وحلال على قلبه المهم ما اكون سبب بينه وبين اسرته حتى ولو اني بدون قصد والحمدلله انهى المكالمه الرجال وهو راضي واكيد ان اسرته يهمهم تأكده من اجل معاد يتسرع بشكوكه الله يعافيه ولايبلانا والف الف شكر لك ودمت بخير تقبل تحياتي |
اقوووول لو سمحتو انا ابي اقف بصف الرجااال اللي
شك بزوجته وابي اعارض على رايكم بالله زوجتك جايتها بطاقة شحن ويوم تسالها منين تقول مدري مدري ههههه وانتم عارفين ان الموضه ان الغزل صار بشحنلي هههههههههههههههه ليش تلومون الرجال اجيبوووووو |
زايد هههههههههههههههههههههههههههه
لا ياحبيبي المفروض يصدقها انه جايها بالغلط مو يكذبها هذي الطلاق ازينلها من خبال زوجها الثقه+الثقه=حياة زوجيه سعيده اما الشك+الخبال+الغيره=اصرفلها تروح بيت اهلها الا قلي وشو المنتدى الي سرق قصيدتك العضو هادي الروقي خخخخخخخخ الله يرجع الحق لاصحابه امسكه وقله احليف علمصحف ياهادي انك ماسرقت احليف احليف اقصد ياهدد خخخخخخخخخخخخخخخخ الله يكسر مخه على السرقه |
ههههههههههههههههه
و الله موقف محرج من جد اخي سفير الحمد لله على السلامه المهم ذكرتني بموقف حصلي قبل مده كنت طالع انا و الاهل و الوالده الله يحفظها لي يارب ناااخذ عمره و بعد ماخلصنا من العمره قلت نمر على مطعم وناخذ عشانا و بعد العشاء نرجع للبيت المهم و في الطريق و العشاء معنا الا جوالي يدق رقم غريب الو الو الو ما فيه احد يرد و الصوت انخفت في السياره كلهم يتسمعون ههههههههه سكرت و مره ثانيه دق الو الا وهي بنت قالت مين انت >>> بدون تعليق قلت انتي من >>>>>>>> نسيت اللي معي خخخخخ الا الواده تقول من ذي >>>>>> وش اللي جاب البنيه المهم قالت عطني فلان ابي اكلمه قلت من فلان قالت صاحب الجوال ههههههههههههه قلت انا صاحب الجوال قالت لا مو صوته بعدين قالت عطني اللي جنبك هههههههه و المشهد عل الصامت الكل وش هببت على نفسي سكرت بوجهها و صارت تدق و انا اسكر هي دق و انا اسكر و حتى على العشاء و الله موقف و الوالده صارت تناظر فيه بعين حاره :Looking_anim: هههههههههههههه المهم بعد العشاء دقيت على الرقم و بسم الله عطيتها اللي براسي من سب وشتم لين بكيتها خخخخخخخخخ و بعد اعترفت المسكينه تقول انا ابي اكلم على جوال زوجي و دقيت عليك بالخطأ و قلت لها ليش زوجك ما تعرفين رقمه قالت زوجي شارد من البيت له يومين و رقمه يشبه رقمك و ماني حافظته و دقيت عليك و حسبتك صديقه هههههههههههههههه المهم سكرت و خبرت الوالده و الاهل و الحمد لله مرت على خير و سلامتكم |
سعدت جدا بما خطت اناملكم من مواقف رائعه
تثلج الصدر وتطمع في المزيد منها سأكون هنا برفقة مواقفكم وربما يكون لي جانب يزاحم التذكير في موقف ما للجميع ودي وتقديري |
والله الرجال ماينلام
خخخخخخخخخخخخخخخ لاحول ولا قوة الا بالله من جد بعض الغلطات تخرب بيوت الله ستر والا كان .. انا اضم صوتي لصوت اخوي زايد ماينلام الرجال ابد يقول ابن حجر في فتح الباري 9/336 (ما ورد في الحديث عن جابر بن عتيك الأنصاري رفعه : (( إن من الغيرة ما يحب الله ومنها ما يبغض الله فاما الغيرة التي يحب الله فالغيرة في الريبة وأما الغيرة التي يبغض فالغيرة في غير ريبة )) . في ريبه يعني في شك وهذا موقع شك وغيرته محببه واللي مايغار مو رجال لان غيرته بمحلها وهو مازين شي خطأ هو حاول يعرف ويتأكد وراح يدور على الحقيقه ويوم تأكد ارتاح وريح ضميره بس لو انه سكت الشك يكبر يوم عن يوم ويمكن يؤدي الى اكبر من الطلاق بس الغيره الذمومه اللي من دون سبب وغير كذا يحكم بسرعه من دون لا يتبين ويبحث عن الحقيقه اسف على الإطاله واخوي سفير المعاني احب اهنيك على الموضوع المتميز هذا وان شاء الله كون لي مشاركات لاحقه تحياتي لكم .... |
^
^ مواقف لاتحسدون عليها اليوم جاني اتصال من بيت أختي وعلى طول قلت مرحبا على اساس انها اختي بس طلعت خدامتهم لوليتا المهم قلت لها مرحبا قالت مرهبتين ههههههههه قلت لها يو نو مرهبتين هههههه قالت ياة تكفين بس لاعاد تقولينها >>طبعاً في خاطري:d |
اقتباس:
موقف جداً حلو ابو محمد بس اعجبني تصرفك معه ذكرتني قبل سبع شهور الساعة 1 بالليل كنت جالس على النت الا جتني رساله على الجوال رقم مااااعرفه فيه رقم بطاقه ومكتوب تحتها اشحن ودقي علي المهم قعدت افكر شوي بالرساله قلت خلني ابشوف توقعتها مزحه من واحد من خوياي المهم شحنتها طلع الرصيد 300 ريـال انا يوم شفتها انهبلت انصدمت ومصدق ومكذب المهم قلت خلني ابدق على الرقم ابشوف منهو طلع لي صوت مره قلت ياختي انتي مرسله لي بطاقه شحن ب300 ريال صاحت المره قالت لا يكون شحنتها قلت رصيد جوالي 310 ريال ههههههههههههههههههههههه قالت الله لا يوفقك قلت استغفري الله انا جاني رقم غريب وفيه رقم ولا ادري وش السالفه وتوقعته مزحه من احد اصدقائي ولكن البطاقه راح ترجعلك بس مو الحين مع الرواتب هههههههههههههههههههههههههههه والله يوم جت الرواتب واشتري بطاقه وارسلها لها وارسلت لي رساله شكر وقالت ماتوقعت انك ترسلها هههههههههههههههههههههههه من جد موقف غريب ومحرج بنفس الوقت |
اقتباس:
ههههههههههههههههههههههههههههههههههههههههههه الله يقطع بليسك مع الرواتب خخخخخخخخخخخخخخخخخ حلوه ذي ولا بعد كانت تسبك وتقول الله لايوفقك هههههههههههه موقف لاتحسد عليه لا وبعد ثلاثمية ريال خخخخخخخ ويوم سالتك شحنتها فرحان انت تقولها رصيدي ثلاث ميه وعشره ريال ههههههههه |
الاخوان والاخوات زايد الدغماني والحوفزان وريف النشاما والملتاعه والنداء الاسير ورسيس وغالب المطيري اشكركم على تواصلكم وقصصكم المضحكه واتمنى الاستمرار بالتواصل والف شكر لكم تقبلوا تحياتي |
السلام عليكم اليوم القصه تختلف عن سابقتها وكالعاده زهم علي الشايب صديقي الصادق وقال تولم الجو زين ونبي نروح قلت له حاضرانا جاهز اذا وصلتني دق علي وانزل وصل ورحنا للمنتزه كالعاده وجاز وجانا رفيق لنا واخذنا طلباتنا وبعد ذلك شويبنا جاز له الجو وريح وكانه نعس او يهوجس ماهو لمنا ومغض بعيونه وسرقت محفظته ولم يحس وكان فيه شجر يحيط بالجلسه واخفيتها فيها المهم تقهوينا وعينا من الله خير وانا اظهر محفظتي واج ابا اشاور على المحاسب وهو يطلق انك اليوم ما تحاسب خل لنا فرصه قلت امرك وهداية الله واذا رفيقنا الثاني شايفني وانا اخذ المحفظه وكذلك يوم احطها بالشجره واثره تغافلني واخذها وقال لي والله ان تركب معي ابيك بموضوع واوصلك بيتك قلت لا الشايب يزعل قال الشايب مدام الرجال حلف مسامح وانا ابجلس احلل قروشنا بذا الجو الحلو ومشينا من عنده قلت اذا جاء يبي يحاسب ما هو لاقي محفظته ويبي يخترش واهل المنتزه ماهم تاركينه يروح الا مسدد ويبي يزهم علينا وابا اداعبه ثم اقول دور بالشجر اللي حولك ويبي يلقا المحفظه حيث انه ليس لي علم بان رفيقي اللي حلف علي اركب معه لاطشها وظهرنا من لمنتزه قال ابا امشيك شوي قبل ندخل للبلد ونسولف وبعد ربع ساعه اذا الشايب يزهم ويصيح ويقول محفظتي ما لقيتها وانا متأكد اني شايلها من البيت واهل المنتزه يقولون لابد تدفع تكفون ارجعوا لي انا في موقف محرج قلت مدامك متأكد انك جايبها دورها حولك طايحه او بالشجر قال دورت حولي لكن يا خوفتي ان احد العمال اللي يخترشون سرقها وانا نايم ورجعنا وادورها بالمكان اللي وضعتها فيه ولم اجدها وانا اناظر لرفيقي اللي حلف علي شكيت انه اخذها قلت له ياشين المزح يا ابو فهد قال وشو مزحه قلت اظهر محفظة الشايب وهو يضحك وينكشف لنا انها معه قلت له حرام عليك تفجع شايبنا قال انت اللي فاجعه قال لا والله ابو محمد ما يسويها المحفظه معك وتقول انت والله ما يحاسب الا انت ويجي يحاسب والا بوكه ماهو معه ولا يدري وينه قال اكيد انه معك واحلف اني ما ادري عنه ولا اخذته قال تصرفوا وارجع مع اللي جابك بوكي راتبي فيه والله اعلم وينه ابا ارجع للبيت عساي ناسيه وبعد خمس دقايق وحنا خارجين بعد محاسبة اهل المنتزه الا وهو مقابلنا يضحك ومبسوط لقاه طايح وهو نازل من السياره بالشارع وفكه الله ما لقاه احد لانه بالمواقف وظلام ورجع لنا فرحان قال ابا احاسب قلنا وشلون تحاسب تبيهم يتركونا ما حاسبناهم توكل على الله ويحلف علينا ان بكره عليه قلنا بينا وبين بكره مشيئة الله ويصير خير وسلامتكم تقبلوا تحياتي |
هههههههههههههههههههههههههه
هههههههههههههههههههههههههههههههه اجل من حفره حفره طاح فيها وخويكم ابو فهد فكه الله والا صارت صدز ضيعت المحفظه خخخخخخخخخخخخخخخخ ابو محمد الله يسعدك ولاتحرمنا من هالمواقف الطريفه |
الغالي النداء الاسير اسعدني تواجدك ومتابعتك وتعليقك واشكرك من الاعماق ودمت بخير وتقبل تحياتي |
ههههههههههههه ياصباح المطبات :) والله يابومحمد أن ضياع المحفظه يوجع القلب اسأل مجرب :) وماهي مسألة فلوس الا هالبطاقات اللي فيها ربي يسعدك على هالمواقف وبانتظار الفلم القادم :) |
السلام عليكم امس حصل موقف لا يحسد عليه صاحبه حينما اوقفتنا اشارة المرور بضوئها الاحمر تقدم شاب للامام ووقف على خط عبور المشاة وكان يوجد رجل مرور بالقرب من الاشاره واشار الى الشاب بالرجوع وتلكأ الشاب بالرجوع واتجه رجل المرور الى الشاب وعندها رجع الشاب مترين وحين ولعت الاشاره خضراء رما الشاب كلمات لاافهما ويضهر انها مسبه وداس على البنزين بقصد الهروب بعد كلماته ماذا تتوقعون حصل اللي حصل ان الشاب لم ينتبه ان سيارته بالرويس وعلى دوسته البنزين عاد للخلف بقوه وصدم السياره اللي خلفه واراد الهروب مرة ثانيه ولكن صدامه الخلفي نشب بصدام السياره اللي خلفه ولم يستطع التمكن من الهروب وقبض عليه رجل المرور واذا بخلف سيارته منعدم وكذلك مقدمة السياره اللي خلفه وكم كلمة قالت لصاحبها دعني حيث ان طيش الشاب وتلفظه تسبب عليه بكثير من الخسائر ناهيك عن توجب اصلاح السياره المصدومه على حسابه وتدفيعه غرامات في حالة عدم وجود رخصه ومعاقبته على تصرفه الخاطي اللذي اوقعه ووصله لهذا الحد اللذي لا يحد عليه وسلامتكم تقبلوا تحياتي |
هههههههههههههههههههههه
عقب ماقريت هالموقف .. والله ياأني ضحكت ضحك هذا الظاهر من يوم رجع ريوس وهو معلق على الريوس :) والله اني اتخيل منظره وأضحك . خله يستاهل هالتعليقه .. جته من الله :) |
والله مواقف تضحك بجد
شكرا سفير |
الغالي استاذي عبدالكريم الضبيب الله يسعدك كما اسعدتني بحضورك ومتابعتك وتعليقاتك الف الف شكرلك تحياتي |
الغالي صغير بس خطير مشكور يابعدهم وانت من جد غالي تحياتي |
امس كنا معزومين باستراحه بضرما ورحت انا والشايب لزم عليه اللي عازمنا ويوم دخلنا واذا فيه ناس ما يعرفهم الشايب التفت علي وهو يهمس باذني قال انا ابا استاذن من صاحب العزيمه وانت دبر روحك قلت افا عليك تخليني انا خويك قال انت كلهم اخوياك قلت في نفسي لازم امنعه وافكر واجد الحل قلت ابو فلان قال نعم قلت له رح انا اعتذر لك من صاحب العزيمه قال الله يجزاك بالخير قلت ابد اركب سنام ونام بس لاتظهر قدام الناس واذا فيه حوش تابع للاستراحه وله باب على الاستراحه قلت قم اهربك ويفرح الشايب وانا اعرف الحوش فيه غرفه وفيها حمام صاحب الاستراحه بانيها وحاط دكه اذا اجر الاستراحه يجي ويجلس فيها فارشها وفيها ثلاجه وتلفزيون وتكرمون دورة مياه واجي والا مفتاحها عليها قلت هذا الباب يطلعك على الشارع ولف يمين وتجد سيارتك قال كالعاده اله يجزاك خير وافتح الغرفه وولع النور قال هذا هذا مجلس قلت ايه واشر له على باب الحمام تكرمون قلت هذا باب الشارع وهو يروح يتأكد وانا اخرج بسرعه واصك عليه الباب واخذ المفتاح معي ويوم وجد نفسه محبوس بس حبس حشمه كل شي عنده الخدامات كامله ولكن هو ما رض فكر واذا فيه مروحة شفط قام وفكها وشاف انها على الشارع قال اخرج معها وحاول يخرج وخاف اولا المخرج ضيق وومرتفع عن الشارع المهم رجع للغرفه وفتح التلفزيون وتمدد بغرفته وهو يلعن ويسب وما احد حوله سالني صاحبي عنه قلت راح يتمشى قال والعشى نبي نحطه قلت خذله منه وحطه بحافظه قال تكفى تعال حطله انت واروح معه واخذ له بالحافظه من احد الصحون واحط عليها كتف ونعيد الصحن كانه من طباخه قال صاحب العزيمه والله اني خفت يبان لو انا اللي حطيت ما كان واسيته والله يبيض وجهك قلت وجهك واخذ الحافظه قلت اروح لشايبي واكيد اذا فتحت الغرفه عليه يبي يصير زعلان ويبي يرفض الاكل وانا اجي لمه بالغرفه وافتحها عليه واذا هو جالس وفاصخ ثوبه ما عليه الا فنيله وسروال قال اقول قلت سم طول الله عمرك قال عسى ان تكرهو شي وهو خير لكم انا انبسطت هنيا قلت عسى والله الساعه المباركه قلت انا عارفك ما تبي مع الناس هذا العشى وانا ابا ارجع لهم يحطون العشى تبي تجي معي يا مرحبابك تبي تروح للرياض الف واحد اجي معه المهم انت حر قال لا ابجلس ولا تستعجل انا هنا مبسوط تلفزيون صاحبك يختلف عن تلفزيون بيتنا اجلس على كيفك لك الى الصبح والله وارجع وانتعشى وبعد ذلك غادروا الضيوف وما بقي الا انا وصاحب العزيمه قال بالله وين الشايب قلت موجود واصيح للخادم قلت يااكرم شف الشايب بالغرفه اللي بالحوش الثاني قال صاحبي لا حنا نروح له بالله ليه هو انعزالي وقال يااكرم الحقنا بالقهوه والشاهي ورحنا له وهو على جلسته ويوم شاف معزبنا وهو يختبص ويطفي التلفزيون ويشكيني عليه ويقومون على حق ذبيحه والله يعيني واللي منكم يبي يوسع صدره معنا الله يحييه بالاستراحه وسلامتكم تحياتي |
| الساعة الآن 11:35AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية