|
انا عندي فشة خلق يا كبرها كبراه
بروح ارقد وعقب صلاة الفجر ان لي خلق جيت فشيت خلقي وان مالي خلق ما فشيت خلقي لكن الوكاد بفش خلقي فيني قهر على جمعية المعاقين الكويتيه اظلموا صديقي خلوه يبكي حسبي الله عليهم تابعوني مع فشة خلقي فيها احداث قوووووووويه |
اقتباس:
ننتظر فشة خلقك مع الجمعية بس مو أحسن منا مرضي مالهم سراير بمستشفيات ولا عناية طبية ولا مراقبة صحية ليته على جمعية مفتوحة علينا من كل باب الله المستعان ودناااااا نسمع فشة خلقك كود ننسى مصايبنا :whistling: |
بفش خلقي بحادثة وهي فيه بنات يتقابلن وكل يوم مقابلة يستعرضن بلبسهن وفيه وحده منهن لها اخو وجاب لها هديه ساعةماركه وفرحت فيها جدا ويا عصر ما أطولك حيث أنها سوف تكشخ بالساعة إمام البنات وجاء العصر ولبست الساعة وشافتها احد صديقاته وقالت ماشاء الله وين جايبه هالساعه قلت شاريها لي اخوي من محل الساعات قلت وريني هي مناسبة علي اشتري زيها فصختها البنت وخذتها منها وشافتها وعرفت انها ساعتها من أسبوع فاقدتها مع طقم الماس ردت الساعه عليها وقلت مبروك عليك وتفرقوا صاحبة الساعة بلغت أهلها أن ساعته في يدي البنت وكلموا الشرطة اللي أيدت القضية ضد مجهول في حادثة سرقة بيتهم وأخبروهم بمكان بيت السارق وفعلا" قبضوا الشرطة على أخوها وأعترف بسرقته وباقي المجوهرات باعة لمحل معروف وأرشدهم لعنوان المحل دخل صاحب المحل بقضية لانه يشترى المجوهرات بدون فواتير وتم رد المسروقات لأهلهاا الأخت صبت لومه على أخيها لأنه كسرها أمام صديقته وخصوصا" بعد السرقة وتوارت عن أنظارهن والأخ ألقى باللوم على أخته التي تندب حظها في الحياة لأنها ليست في مستوى صديقاته وأخيها دفعه للسرقة هذا السبب أو أنه عاطل ويحتاج للكثير ربما أسباب أخرى في الباطن الأخ ألقى اللوم على أخته لو ما لبست الساعة ما كان أنكشف ووووو كيف عرفت صاحبة الساعة أنها ساعتهاااا ؟ معقولة ما فيه نسخه ثانية منهاا؟ v v v v v v v v v v v v v v كانتكاتبه اول حرف من اسمها وأول حرف من اسم زوجها وتحت بغطاء الساعة السفلي ما احديشوفه ألاهي لأنها عارفته وهو دليلها وإلا الساعات مثلها كثير ولولا الحروف لمااكتشفت ساعتها ممكن تقول للأسف كان عندي زيها وانسرقت وتبارك لأخت ألحراميوتقول ملبوس العافية |
ههههههههههههههههههه زمان العجايب
زين اليوم بالصحف بقول الخبر قبل افش خلقي في جمعية المعاقين بنت سعوديه تسوق جيب معها اهلها وصديقاتها في الثمامه وقومي واصدمي كومة رمل واقلبي فيهم السياره اربع حريم ماتوا الله يرحمهم وست في العنايه المركزه يوم انهم حاشرين روحهم كلهم في الجيب ليييييييييييش الله يرحمهم ويشفي الباقي |
اقتباس:
ما عندنااااااا الا الثمامة نفحط به من زينه هالثمامة كوم من النفوووووووود يغطس به دولة كاملة ولا مسوين حااااااااااادث الله لا يبلانا :yasser: |
فش خلقي بطريقتي :whistling: وحدة من خالات الوالدة حجت ولانه تعبانه قررت ما تستقبل الزوار الا لحد ما تعافى والحمد صارت بصحة وقررت حضرت جنابي السلام عليه ودخلت عليه المجلس فيه من هب ودب ناس اعرفهاا وناس مااعرفها << لدرجة احسب خالة امي متزوجة ويباركون له :d وبعد السلام الا تقول تراني دعيت لك بعرفة تعرسين << الله واكبر هالقضية مشغلة العالم أعرس قولي الله يعافيني ويطول بعمري ويستر علي ويخلي واالديني لي العرس عاااااااد يا خالة مدري ليه صار لازم نتزوج علشان نرضي اللي حولنا واجهة أجتماعية لا غير علشان ينقال عنده بيت وعيال << أمحق عيال وأنا أمهم :whistling: ولا أجلس بجنب وحدة وينقال تنصح أبوك مو دايم لك ولا أمك وأخوانك الحريم يغيرونهم مو اللحين على كيفك وبكرى لو يصير لبوك شيء اللي على كيفك اللحين محد يسألك وين تروحين وين تجيين ينشبون لك بكل مشوار << الله يهداهم شووشو على مخي . الا وحدة من السنعات ينقاله ترد شوفي سعود الداشر اللي مستلم المغرب وبيروت عقل وعرسه بعد شهرين وانتي وهو سنتكم وحده << سعود هذا ما عمري أكلت ايس كريم الا ياخذه مني غصب ولا أول مره عطاني ايس كريم ولا هو زعلان ياحليله كاتب لي رسالة وأنا أقوول الذرابة منين الحب وعمايله يعله ياخذ وحده عوباااااا الاقشر وكـ العادة أسكت وش ارد عاد أحس أني كسبت فيهم آجر لقيت لهم موضوع يحكون فيه أسباب عزوفي عن الزواج ومساندة الوالد ربي يحفظة لي بقولة وش تبين بالعرس والله لو ما أبوي غصبن على أمك ما أعرست هههههههه واخيرا بعد الهجوم المسلح علي قررت النطق أن عيال القرش ينفعون أكثر من عيال الكرش << الله يقطع إبليس أم برجس من قاموسه وفعلا" فكرت الزواج التقليدي من غير ارتياح وخذوه فغلوه مصيبة نتاجها خلع ولا انفصال داخلي وخارجي ولا حرب باردة لا تنتهي بين الزوجين << أسالوني عن الحرب الباردة أبخص به عاد قررت كل شهر ازور خالة امي علشان يحراااام ألقى لهم سالفة تكون محور حديثهم . حج مبرور وسعي مشكور للحجاج :yasser: للحديث بقية عن حديث نون في ذات المجلس << الدوااام باكر قررت أقدم اجازة شتوية بالمربعانية :Looking_anim: |
حاليا ماعندي فشة خلق
لاني توني راجعه من السفر ومرووووقه بس ما ظمن نفسي بعد فتره بكثرة فشات الخلق :) زمان العجايب موضوعك ذكرني بساحة فشة الخلق بالهايد بارك بلندن :) مشكوووره حبيبتي |
الحمدلله على السلامه عبوووره
شوفي مساحه زمان لفشه الخلق أبرك مليون مره من الهايد بارك :thumb: أنا بصراحه مفرفشه هاليومين وماعندي فشه خلق بس حبيت أتطمش.... بس :d |
اقتباس:
الحمد لله السلامة وللعلم ترى هذا المتصفح مرفوع عنه القلم وعليه منقصات يبون أيجاره لهم وأنا قررت منحه لكم علشان فشة خلق :r: |
اقتباس:
أكتبي وش عندك فشة خلق وعسها دووم هالفرفشة يا حب :e: |
| الساعة الآن 07:48PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية