يا حمود شب النار زوّد لهايبه=وأحمس لنا بن ٍ مع الهيل ذايبه
مع تمرة ٍ مرباه في نقرة الحسا=وصفر الدلال اللي من البن رايبه
بأرضٍ كساها الزين بالعشب ربعت=والديم يسقي وسمها من سكايبه
وريح الخزامى والنفل عبقه أنتشر =وفاح الشذا عبر النسيم وهبايبه
مع رفقة ٍ دايم على الطيب عزها =تجمع رفاقات الخفوق وقرايبه
هذي مناة الروح عندي وشفّها =تنسى الهموم اللي على الصدر صايبه
ياالله ياللي خالق الارض والسما=تفرج هموم اللي شكا من مصايبه
والحمد للي بأمره الأرض ربعت =وخلا عليها الغيث تمطر سحايبه