|
ظــنــــونــــ
حياك الله حبيبتي واسعدتيني بمشاركتك وذوقك الراقي وضيفي الجديد هو : الأخ العزيز / نــــايف الرويلـــي |
يعطيك العافيه ياروز
اسعدتينا بما قدمتيه في هذا المضياف الجميل مع ضيوفك المتألقين وجعلتينا نستمتع بكل ماكتبوه ونتعرف عليهم من خلال أذواقهم الراقيه وبإنتظارك مع ضيف جديد اتمنى التوفيق للجميع ويعطيكم الف عافيه تحياتي,, |
خيـــالهـــا ..
اسعدني مرورك وتواجدك بمتصفحي أعتذر منك اخي نـــايــف الرويلي سوف سيتم إختيار ضيف جديد لحين عودتك بالسلامة . وضيفي التالي هو : الأخت العزيزة و الغالية // زمــــان العجــــايب |
هلا وغلا
بالآخت // رووز شكرا" لأختيارك لي لي عودة ... |
مساءكم // صباحكم معطر برضى الرحمن أتمنى أن أكون ضيفه خفيفه على موضوع يا رووز 1- ماهي علاقتك بالشعر؟!! الشعر أحساس يكتبه الغير ونشعر به نحن ونشارك هذا الشاعر بهذا الأحساس الذي ترجم لنا ما نريده قوله . وأعتبر متذوقه للشعر فقط لا غير. 2- من هو شاعرك المفضل؟!! ليس لدى شاعر مفضل وغير مفضل هناك قصيدة جميله وقصيدة تفرض نفسه قد أحصر ذائقتي الشعريه بشاعر معين فلا أتحرر منه وليس كل ما يكتبه يعجبنى أو أحتفظ فيه بذاكرتي وأستشهد به . |
3- اعضاء في " منتدى رهب " تثق في ذائقتهم الشعريه؟!! كثر والله قواهم الله جميع 4- بيت شعر يحضرك دائما؟!! الابيات الشعرية حسب ما نمر به من حالة هي المفضله عندي يانعمة النسيان يا رحمة الله.. لو لاك انا عزاه وش كان سويت الامير خالد الفيصل لا تكســـــــر الفانـوس والليل داهم اتــرك بصيص النــــور يمكن يقدّيك مثلك يصيـــــــر بلعبة الوقت فاهم لو ما عطيت الوقت وش لون يعطيك الامير خالد الفيصل ،،،،،،،،،،،،،،،،،،،،، انا الوحيد وقومي أكثر مـن الـروم وفي لمـة العربـان كنـي خـلاوي الامير محمد السديري ،،،،،،،،،،،،، الماضيــات بـغـيبـهـــا منصفـتـنــي ----------والـمـقبـلات ترجـي عدلهـا خـلـيفـــه شربت من فيـض الشقى واشبعتنـي ----------دنـيــاً مـع الأحـزان ضـدي حـليفـــه السامر ،،،،،،،،،،، ما يستشك ياحسين كود الرديين وأ لا ترى الطيب وسيع بطانه الامير عبدالله العلي الرشيد ،،،،،،،،،،،،،، مربوط بالضي .. مقيِّدٍ بالظل .. مسجون في الناس .. مديون لكلمةٍ حلوه .. مرهون لي أنفاس .. قولي لي .. وش أسوي .. ملعون هالإحساس.. الامير بدر بن عبدالمحسن ،،،،،،،،،،،، ألا يا صاحبي .. الرفقة ترى مَا هِى ثياب جداد تبدلها متى مليت .. وتلبس غيرهاثاني ،،،،،،،،،،،، غاسل ٍ كفي من مصافحة بعض اليدين وقافل ٍ بوجيه اهلها صناديـق البريـد اشهد اني للبلاوي على الدنيـا مديـن كل ما راجعت نفسي طلعت المستفيد المواقف تشخل الناس والطيّب يبيـن كل عام يطيح تسعه ويصفالي وحيـد ،،،،،،،،،،، وابيات من الشعر تمنيت لو أعرف مبدعهااا لأنها لا زمتني خمس سنوات وأبت تفارقني ابدا" سامحت كلّ اللي جرحني و بحته ...! الله يبيحه مآ .... أبي منه / تبريـر واللي معه قصّرت .. وإلا جرحته؟ أبيه يسامحني.. على كلّ ... تقصير ،،،،،، ما على عقلي سلاسل ولا قلبي قيـود ! وماني منزه على الناس بالصح والخطا .. حظي اللي حط رجلي على خـط الحـدود لين نامت ذكريات بـلا ستـر وغطـا ! لو بيدين العاشق الراحل لغيرك .. يعود ! كان بان الصدق بعيونه وبـان العطـا .. وايضا يفز من غصني اليابس حمامة سـلام ! وتطيب نفسي من الشكوى .. وكثر العتب مرات أحس الزمن .. ما يستحق الملام .. ومرات .. يصعب علي أحزن بليا سبب !! الشاعر عبدالله البكر وأجندة الذكريات مليئة بالابيات بحثت في زواياهااا وعذرا" لبقية الابيات في ذاكرتي. |
5ـ قصيده تعدها من اروع القصائـد؟!! هناك قصيدة للشاعر حسان بن ثابت رضي الله عنه في الرسول محمد صلى الله عليه وسلم وضم الإله اسم النبي إلى اسمه إذا قال في الخمس المؤذن: أشهد وأي قصيدة تنفس عن شعب وعن هموم مجتمع هي قصيدة رائعه وهناك قصائد تبقى في الذاكرة سوء في العصر الجاهلي او صدر الأسلام او الحديث او النبطي . الأروع هي بقاء هذه القصائد في الذاكره كل شاعر كتب قصيدة ووصلت للمتلقى بدون عوائق هي قصيدة رائعه 6- هل لك محاولات في كتابه الشعر؟!! لا ليس لي محاولا ت في ذلك 7- لك مساحه بلآ حدود امتعنا بقصيده على ذوقك؟! كما ذكرت فما زال الامير بدر بن عبدالمحسن يتحكم بتلك الذائقة وسأورد قصيدة تشبهني أو أنا اشبههاا ليـــــــه ... ليه انكسر ... مثل القزاز .. كل مرةٍ .. أبوح همي .. وتسمعه ياصاحبي .. وش حاجتك .. في غرشةٍ طاحت شظاياها بيدك .. وش حاجتي .. فما تجمعه .. لي صاحبٍ .. كل مااشتكيت .. همي عليه دايم يجرح اصبعه .. واصاحبي الشكوى بها ذل .. حدٍ رهيف .. أنما جرح يقتل .. الشكوى ماتلبس ثياب.. عريانةٍ ماتلبس ثياب .. في وجه راعيها .. أموت أنا لو قلتها .. وأموت ابخفيها .. ياهيه .. وان كانك رفيق قم دلنى .. على طريق .. ماهو يوصلني لطريق .. عن يمةٍ .. غير الجهات الأربعه .. اطلق حبال الليل .. خل الظلام يسري .. المركب اللي كل مافل الشراع .. قلنا بعد بدري ابي .. اوقظ النوم .. وأهدهد اسهادي.. أحفر في رمل وسادتي .. قبرٍ وسيع .. أبي ادفن اعنادي .. ابطرد الدنيا ورى باب الجفن .. وأغمض اعيوني .. مابي اعض ابهامي بسنوني .. واشكي عليك .. الليل كله .. ياصاحبي نجم يطيح .. خله .. خله يطيح .. لاترفعه .. أنا انكسر مثل القزاز .. كل مرةٍ تدري بهمي وتسمعه ،،،،،، تعبت أسافر في عروقي ومليت من جلدي اللي لو عصيته غصبني ياما تجاوزت الجسدواستقليت عن الألم .. لاشك جرحي غلبني أنا سجين الحال .. مهما تسليت وانا الطليق وكل شيٍٍ قضبني حريتي لاعل .. يا كود ياليت اما شفت حي ٍٍجاد لي ماسلبني وليت يا ليل التباريح وليت اما محاني الحزن والاكتبني كل السما في دفتري وان تجليت مثل الشموس .. غبار قبري حجبني لي صاحب وان ماتخلى تخليت لا بد ما نهدم .. ولا بد نبني ،،،،،،،، يطيح جفن الليل واهز كتفه نجمٍ يشع وباقي الليل مطفي واحاكي الجدران عن وصف غرفه ماتشبه الجدران ويطول وصفي وتملني الجدران واظهر لشرفه تحت السماواسكر الباب خلفي ريحٍ تهب وتسكن العظم رجفه وتموت ريح وتسكن اوراق نزفي على الروابي تهطل دموع وطفه وتصب لمع بروقها وسط طرفي ياطاري الغدران والعمر رشفه مع قلها ياليتها يوم تصفي الحب واجد مير الاقدار صلفه والأرض واجد لكن الحلم منفى واللي اعرفه راح ماعاد اعرفه ولاظن يذكرني الى أقبلت مقفي ماهو حبيبي مورد القلب حتفه ولا هو حبيبي يفرح بوقت ضعفي مر ثمر هالليل وأمر قطفه يالحنظل اللي قمت اذوقه بكفي متى الشوارع تجمع اثنين صدفه لا صار شباك المواعيد مجفي يابنت تو الليل ماراح نصفه وياليل بعض اللي مضى منك يكفي ،،،،،،،،،،،،،،،،، تعبت.. ********** تعبت من القصيد .. من الجروح .. من انتظـار طـال تعبت استقبل طعـون الزمن .. واربت على كتفـه تعبت من الكلام .. من السكوت اللي يهد ّالحـال تعبت أكثر من الحزن الذي.. ما ينتهـي عزفـه تعبت من الوعود .. من الصديق الطيّب المحتـال تعبت أعرف كل اللي .. تعرف الناس بالصدفـه تعبت من العدو اللي عجز.. يدخل معي بقتـال تعبت من الظـلام اللي قتلت .. ولا لقى حتفـه تعبت أسأل من المخطي ..؟! تعبت اردّد المـوّال ما دامك ما سـقيت الزرع .. ما لك حق في قطفـه تعبت القىالجواب المقنع اللي ماعليه جـدال تعبت القى .. طـريقٍ ما يكون بآخـره شـتْفَـه تعبت أغـازل البسمه على ثغر البكـا .. تخـتـال تعبت أشـوف شوفي ينهزم .. رغمٍ على انفـه تعبت اجامل ايامي .. ولو ورّتنـي .. الأهـوال تعبت أقـول عن حملٍ ثقيل .. اتفه من الأتفـه تعبت أهـزّ راسي غيظ ! والقى في يديّ اغـلال تعبت أسـير خلف الوهم.. لو غيري ركض خلفـه تعبت أشـد وانزل.. ما ظهر لي طيّـب المنـزال تعبت من الدروب اللي مشيت .. وكلّها صـلفـه تعبت أرسم حروفي شمس.. والمح بالوجيه ظـلال بعض ناسٍ .. تعـرف النور .. بس تقول ما تعرفـه تعبت وقلت كل اللي اظنّـه " يا فهد " ينقـال تعبت ابغى القط انفاسي .. اذ لابد من وقفـه ******************* مساعد الرشيدي... وأتمنى أن أكون خفيفه على هذا المتصفح الرائع وشكرا رووز دمتم بحفظ المولى عزوجل . |
مشاركات رائعة
اكتشفنا من خلالها ذائقة شعرية تفوق الوصف الشكر لله ثم للأعضاء وصاحبة الفكرة تحياتي باريسي |
روز المتألقه دائما والمبدعه يعطيك العافيه على الموضوع الجميل ..
ويشرفني ويسعدني ان اكون ضيف فيه واعتذر عن غيابي لضروف السفر .. 1- ماهي علاقتك بالشعر؟!! متذوق لشعر واستمتع كثيرآ بمتابعته 2- من هو شاعرك المفضل؟!! الامير محمد السديري رحمه الله و الامير بدر بن عبدالمحسن والكثير من الاسماء هنا 3- اعضاء في " منتدى رهب " تثق في ذائقتهم الشعريه؟!! الكثير اثق بذائقتهم لذلك بدون تحديد افضل 4- بيت شعر يحضرك دائما؟!! يارب أنا لي حاجه صكة القوع ..........................بأقصى بحر تسعين صكة نحرها أصعب على المخلوق من حبة الكوع ............................وألا على الخالق بسيطٍ خبرها 5ـ قصيده تعدها من اروع القصائـد؟!! لوتنكشف سود النوايا والاسرار....وسط القلوب الي عليها كتيمه *** يمكن عرفنا كل خاين وغـــــدار.....ويمكن تبين قلوب ناسٍ رحيمه *** لو ماخلق ربي مع الناس معذار....حتى الغريم يصير يكــره غريمه *** ولو الذي بــ القلب تبديه الانظار.....وتبين الدمعه جروحن سقيمه *** الناس واحد تختلف بس الافكار......بين العقول الميته والسليمه *** يعني يـ ابن أدم به يمين ويسار.....واحــد هلاك واحد اكبر غنيمه *** الله خلــق جنه ومعها خلـق نار......والدرب واضـح للعقول الفهيمه *** وحنا نعيش ولا نفكر بــ الاخطار.....سالين في وسط الحياة الأليمه *** فينا حيــاته لجل درهـم ودينار..واصبح يشيد بالقصور العظيمه *** فينا عليه الوقت في لوعته جار.....وفي كل يوم يذوق طعم الهزيمه *** وفينا على ماجاه راضي وصبار......حاله زهيد وعايشن بالعزيمه *** وفينا سعيد ولاشكى ضيم واحتار.....الله عطاه وعايشن في نعيمه *** والرابح الي مكسبه عقبة الدار.....بـ الأخـــــره شيد قصــورٍ عظيمه *** في سنه (محمد)على منهجه سار...ويمشي دروبٍ كلها مستقيمه *** في طاعـــة المعبــود النافع الضـــار.... هــــاذي غنيمه يامدور غنيمه الشاعر "عبدالرحمن الحشكلي " 6- هل لك محاولات في كتابه الشعر؟!! لا 7- لك مساحه بلآ حدود امتعنا بقصيده على ذوقك؟! البارحة يوم الخلايق نياما بيحت من كثر البكا كل مكنون قمت اتوجد وانثر الماء على ما من موق عين دمعها كان مخزون ولى ونة من سمعها مايناما كني صويب بين الأضلاع مطعون وإلا كما ونت كسير السلاما خلوه ربعة للمعادين مديون في ساعة قل الرجا والمحاما في ما يطالع يومهم عنه يقفون وإلا كما ونت راعبية حماما غاد ذكرها والقوانيص يرمون تسمع لها بين الجرايد حطاما من نوحها تدعي المواليف يبكون وإلا خلوج سايبة للهياما على حوار ضايع في ضحى الكون وإلا حوار نشقوله شماما وهي تطالع يوم جروه بعيون يردون مثله والظوامي سياما ترزموا معها وقامو يحنون وإلا رضيع جرعوه الفطاما توفت امه قبل اربعينه يتمون عليك يا شارب لكاس الحماما صرف بتقدير من الله مأذون جاه القضاء من بعد شهر الصياما صافي الجبين بثاني العيد مدفون كسوه من بيض الخرق ثوب خاما وقاموا عليه من الترايب يهلون راحوا بها حروة صلاة الاماما عند الدفن قاموا لها الله يدعون برضاه والجنة وحسن الختام ودموع عيني فوق خدي يهلون حطوه في قبر غطاه الهداما في مهمة من عرب الامات مسكون يا حفرة يسقي ثراك الغماما مزن من الرحمة عليها يصبون جعل البخري والنفل والخزاما ينبت على قبر به العذب مدفون مرحوم يالي ما مشي بالملاما جيران بيته راح ما منه يشكون يا وسع عذري وأن هجرت المناما ورافقت من عقب العقل كل مجنون أخذت أنا وياه سبعة اعواما مع مثلهن في كيف مالها لون والله كنة يا عرب صرف عاما يا عونة الله صرف الأيام وشلون وأكبر اهمومي من بزور يتاما وإن شفتهم قدام وجهي يصيحون وأن قلت لا تبكون قالوا علاما نبكي ويبكي مثلنا كل محزون لاقلت وش تبكون ؟ قالو يتاما قلت اليتيم اياي وانتم تسجون قمت اتشكا عند ربع اعداماما وجوني على فرقا خليلي يعزون قالوا تجوز وانس لامه بلاما ترى العذارى عن بعضهم يسلون قلت إنها لي وفقت بالولاما ولو حمعتم نصفهن ما يسدون ما ظنتي تلقون مثله حراما ايضا ولا فيهن على السر مامون وأخاف أنا من عاديات الذماما اللي على ضيم الدهر ما يتاقون أوخبلة ما عقلها بالتماما تضحك وهي تلذغ على الكبد بالهون توذي عيالي بالنهر والكلاما وانا تجر عني من المر بصحون والله لولا هالصغار اليتاما وخايف عليهم من الدجه يضيعون لقول كل البيض عقبة حراما واصبر كما يصبر على الحبس مسجون عليه مني كل يوم سلاما عدة حجيج البيت واللي يطوفون وصـــــلّـوا على سيد جميع الاناما على النبي يللى حضرتوا تصلون |
زمان العجايب
اتحفتينا بمشاركتك الجميلة وذوقك الراقي باريسي الشكر لكم جميعاً لتلبيتكم لدعوتي ومتابعتكم لما يقدمه ضيوفي من روائع الشعر نايف الرويلي الحمد لله ع السلامة وشكراً على اختياراتك الرائعة وتلبيتك للدعوة من جديد ******************** وضيفي القادم هو : الأخت الغالية / ظــــل الياسمـــــن |
| الساعة الآن 09:17PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية