|
نواف سبق وأشغلني التفكير بك منذ وقت لأعرف من أنت الذي أشغلت تفكيرهم لذا إنتظرتك حتى أتيت وأهنئ أختي رهب بسلامتك حفظك الله لها وأسعدك الله بوجودها وهنا لايفيك كل الترحيب في جزيرة العرب ولكن لي عودة بشكل خاص |
أتيت لأسجل ترحيب معطر بكازنوفا الود وملون بكل ألوان الطيف لهذا الضيف أخي نواف لك مني سلام وترحيب منمق بالتبر الفريد ولي عودة مع بعض الإستفهامات البسيطة دمت بالخير \ / \ العطـــــــــاويه |
هلا ماهي هلا لاي ضيف قالوها معازيبه ...... هلا اللي لانطقها راعي العليا تهلابه قصيدً مايحاول في حضورك حفظ ترتيبه ...... عسى الله مايجمل شاعرً عندك تغنابه ــــ هلابك يانواف لي عودة تليق بحضورك |
أذا حدتني أوجيه الليالي والرجال أوجيه = أنا والله مالي عم ياكود أعروق جداني هذولا هم عمامي .. عزوتي .. ياهيه = وانا والله مرضا غيرهم يآمر وينهاني أحب من الرجال الطيبه الا الشجيع أغليه = ليامن صار موته في يديه يصافح أيماني وش اللي قلت من بوح القصايد يوم مايوحيه = خويً ماسمع هرجة عذول ولا تناساني ولكن ماخبرت اللي يحب الناس ماتغليه = لذلك ماذكر أني جفيت أنسان يبغاني أحب من الشعر جزل المعاني وكل ماتعنيه = أخلي الهزل لاهل الهزل ولالي فيه عنواني طموح الحر للعالي ولا ينزل على واطيه = وأنا حرً ولد حرً اليا من ثار بركاني " " " لك في عيوني دار وبخافقي دار = والصبح وجهك لاغدا البعد ديجور من يجتمع به مثلك العز والكار = ومن غيرك اللي في غيابه له حضور كن القـصايـد لاطـرى مدحك تغار = يامن تشع بوحشة مقابلك نور ××××× الحـر الاشـقـر لا تـعــلا بالاوكـار = لاشاف له صيده يتل المسابيق صيته يماري بالفخر ضلع سنجار = حـرً مـعّـرب مْن أرجالً مطاليق والناس تعرف بالمجاني والاذكار = والفـرق واضح كان بّرقت تبريق ######## مابـيـن محمد وبين فواز ( نـواف ) = الله يعـيـنـك وآصل الله يعينك ياشبل . ذو الجدين . والعــز ينشاف = من نظرة عيونك لضحكة جبينك ياحــر واصل بالفخر سيرة أشراف = واصل على ماخلفـوا والديّـنـك بين السديري وأبن شعلان في كاف = مـراقب عـز وياصـلــّنـه يدينك أنت الشبل نواف في درب الاسلاف = أمجاد جدك سيف مجد بـيـمـيـنـك شيخٍ ولد شيخٍ بنخوه وميقاف = يفرح بك اللي قال بالضيق وينك ؟ أن قلت أبن شعلان واثــق ولا أخاف = أقصى العرب بالمرجله عارفـيّـنـك يشهد لك التاريخ في كل الاعراف = غصباً على اللي بالوفا حاسدينك عن وصف تاريخ الفخر يعجز القاف = يامعــّرب الجــدين .. دامــت سنينك علمك بذكر الطيب ياعــزوتي ناف = كنك عــقــدت الحلف بينه وبينك مـابـيـن هــذا وذاك والحـق بأنـصـاف = ياشـبـل من ذاك الاســد خابـريـنـك لك في دروب الطيب سيره وميقاف = وربي على مشوار دربك يعينك نواف ( يانــواف ) .. ياشــيـخ نـواف = عــزوة هـل العـلـيـا سندك ويمينك |
اقتباس:
هلا بالاخت شموخ وكل الشكر على هالترحيب بالنسبة للاسئلة انا جاهز اليوم للاجابة عنها واسف على التاخير الي حصل بطاقتي الشخصية . نواف بن انور بن فواز بن نواف الشعلان من مواليد مدينة جدة تاريخ 31-5-1983 حاصل على البكالريوس من جامعة فرانكلين كولج بسويسرا وحاليا احضر الماجستير بجامعة ويستمستر بلندن . 2 القصائد التي تأثرت بها من قصائد ابوي محمد السديري احب ان اردد هذا البيت كثيراً وقريب الى نفسي يقضب عليك المخطية من حججها حلو نباه وقلبه اسود من الصاج وبالنسبة للقصائد الشاعرة رهب من القصائد الذي اعشقها لها قصيدة شي عادي وجدران مسكونه وهناك بيت في قصيدة تقول فيه نواف انا كلي حزن والحـظ بالخطـوه شحيـح؟! عنـد النجـوم وخاطـري بيـن الزويـا القايمـه المسؤلية لدى الجيل الحالي تعتمد على التربيه وتعتمد على شخصية الانسان والتعميم لايجوز فيه لانه ظلم واجحاف بحق جيل كامل والبيت هو اساس المنشاء وعلى مايتعود عليه الشخص من شب على شي شاب عليه وليس بالضرورة ان الكل مجبر على تحمل المسؤلية فيه ناس الله اكرمهم بأنهم لا يتحملون اي مسؤليه . ____________________ رفيق الدرب هو شخص لم تلده امك ويحب كل مالا تحبه بنفسك . اقرب شخص الى نفسي ريما بنت محمد السديري ونوف الشعلان ___________________ اقول لمن رحل عني اشتقت لك حيل يالغالي عسى المنايا يعافنك _______ هذا وصفي لهذه الكلمات الحزن = الصمت حساس = امي قلب = ريما _______________ تاريخ لا انساه في حياتي وفاة ابوي محمد السديري عام 1979 وايضا تاريخ ميلاد اختي نوف 27-5-1987 ______________ نقطة ضعفي هي العفوية _______________ رحم الله اغلى رجل سكن قلبي محمد السديري يا اميرة يا كبيرة يا جزيلة مثل هداج تيما وسط القوايل الى والدتي الغالية ريما السديري اعزك الله يا نايف بن عبدالعزيز احبك . حنا نكمل بعض الى اخواني وخواتي _________________ تقبل اختلاف الاراء و العمل بما يرضى الله اولا واخيرا |
[quote=سفير المعاني;120552]
الغالي الامير نواف بن انور بن فواز الشعلان الحمدلله على سلامتك من كل شر وباذن الله طهور واشكر اختنا شموخ نجد على استضافتها لك وقبولك واحييك من خلال هذا المتصفح وارحب ترحيبا لايفوقه ترحيب بحضورك ومافقتك على هذا اللقاء الغالي لنا لنتمكن ان نكون معك عن قرب رغم اننا طوال معاناتك لم تغب عنا وعسى الله ان يقبل ما دعي لك من محبيك ممن يعرفونك وممن لايعرفونك واسال الله العزيز الحكيم ان يديم نعمته وصحته عليك وان يمد بعمرك ونراك عن قرب الغالي نواف حضورك هنا ابهج الجميع لما تملكه بقلوب الجميع من محبه وانار المنتدى بنورك الساطع وسوف نكون سعداء على اجاباتك على ما ينهال عليك من اسئله واتقدم لك بثلاث اسئله ارجو ان تكون خفيفه عليك السؤال الاول=اعلم انك تواصل تحصيلك العلمي فهل اطمع ان اعرف ويعرف محبيك ما وصلت اليه من العلم وما هو التخصص اللذي اتجهت اليه متمنيا لك النجاح لقد اجبت على السوال سابقاً السؤال الثاني= اذكر ان لك قبل ثمان سنوات هوايه للشعر فهل نميتها ولا زالت الهوايه مستمره رغم الظروف اللتي تحيط بك من ثمان سنين وانا نائم على سرير من ثلج السؤال الثالث= هل اعجبك هذا الصرح الشامخ اللذي تبنته الاميره ريما بنت محمد احمد السدير حفظها الله وما قامت به من جمع قصائد لوالدها رحمه الله ووضعها بديوان مستقل وهل لك نصح تقدمه بخصوص المنتدى النثاء والاشاده بجهود كافة الاخوان ممن كانت لهم الاادى البيضاء فى بناءوتشييد هذا مع الوالده لهم منى جزيل الشكر والثناء وهم بلاشك يستحقون ذلك وانت واحد منهم هذا واشكرك جزيل الشكر على تجاوبك وتواضعك واهنيك على حب الجميع لشخصك الكريم واسال الله العلي العظيم ان يوفقك ويديم صحته عليك وان لا يريك مكرود ودمت بخير وللجميع تحياتي سفير المعاني شكر لك على الترحيب الله يحييك لك مني كل الشكر على ثناء الوالده عليك لاهنت عزيزي تحياااتي / نواف |
اقتباس:
الاخ القدير عبدالكريم الضبيب كل الشكر لك على هالترحيب وانتظر عودتك |
اقتباس:
هلا بك اخت ريما الله يبقيك كل الشكر لك على الترحيب واتشرف بصداقتكم واخوتكم جميعا |
اقتباس:
الله يحييك وكل الشكر لك على الترحيب وانتظر عودتك تحياتي نواف |
اقتباس:
الشاعر عبدالرحمن السميري مايجي منك قصووور وجهك ابيض وجزاك الله خير على القصيدة بخصوص ابوي محمد اذكر قصيدة للشيخ خالد بن محمد ال خليفة ياسيد كل اللي بدع نظم قيفان حنا جنود الشعر ولا انت اميره نغضي لين شفانك بالروس واعيان ونسير خلفك يا امام المسيرة اميرنا من غير زور ن وبهتان ولا خير في من لايقر لاميره وصلو عدد ماغرد الطير بفنان على نبين حاز كل البريره |
| الساعة الآن 12:03PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية