|
لـلـتـحـمـيـل أضـغــط هـنــااا . . ياقلـب خلـك مـن عنـا الحـب والشـوق ................. وأغنـم زمانـك / وأتـرك الهـم والضيـق لاصـار كرتـك فـي حشـى الخـل محـروق ..................... ( لااااتامنـه / دام أوّل الحـب تلفيـق ) يكفيـك ياقلبـي تجاريـح / وفتـوق .................... وفتـوق ماتبـرا معـا ( فكــّـة الريـق ) اللـّه ياحبـّن غـدا اليـوم ممحـوق ....................... مـاراد ربـّي فـي حياتـه توافيـق يسيـن ياقلبـن مـن الحـب مصفـوق ........................ لاعـه زمانـه والفـرح مابعـد ذيـق ياويـل مـن قلبـه تعلـق بغرنـوق ................ غـرو (ن) يلاعـب بالملاعـب غرانيـق الصـدق / والأحسـاس / والبوح / والذوق .................. ( أربـع لهـن فـي داخـل الخلـق تشويـق ) هـذي تميـّز مـن بغـا الحـب والشـوق ................... وتغنيـه عـن باقـي العـرب والمخاليـق و بــس .. . . العذب محمد بن فهد |
حـزن / حـزن هـِنــا حـزن وهنـاك ضيـق ياويـن أبلقالـي طريـق .. ؟ أو كيـف أباخـذ لـي إذن .. ؟ أبعبـر الدنيـا وأروح ضايـق ومـدري ويـن أروح المـوت جـاي مـدري متـى أو ويـن أمـوت .. ؟ هنـِـا .. ؟ أو هـِنــاك .. ؟ مـدري بـس أنـي بمـوت كيـف موتـي .. ؟ فـي سكوتـي بالحـب .. ؟ أو طعنـة رفيـق .. ؟ رفيــــــق .. !! إيواللــّـه رفيــق لقـع حالـي مـن رفيقـي راح وأقفـا وتهـت حتـى فـي طريقـي ويـن راح .. ؟ مـدري .. !! الوكـاد أنـه غدربـي وبـاع حبــّـي وضـاع دربـي ياطريـق المـوت وينـك .. ؟ لاتخلينـي ياموتـي أزهمـك ثـم أزهمـك محزمـك يامحزمـي عجـزت أخطـّط للحيـاه أرسـم ملامـح غربتـي وفـي غرفتـي تحفـه وشمعـدان وهنـاك ورده وهنـاك عطـر وهنـاك بشـت فـوق كرسـي بشـت عرسـي ولاكـل البشـوت وفـ / الزاويـه مرايـة الحـب القديمـه شفـت زولـي وطـاح دمعـي وأنكسـرت مـن الملامـح وكنـت طامـح وجـد حالـي كـل مامـر بخيالـي تطـري أغنيـة الأماكـن كلهـا مشتاقـه لـك وجـرح ماكـن راح عمـري فـي خيانـه ومـن مكانـه ويـن راح .. ؟ مـدري واللــّـه ويـن راح للكويـت .. ؟ مـدري هـو معـاه .. ؟ مـدري بـس ومابـي أسئلـه راح عمـرك أسئلـه ويـن أمـوت .. ؟ وكيـف موتـي .. ؟ وويـن راح .. ؟ أسئلـه فـي أسئلـه ياخـي تـوب الحـب معمـي للقلـوب يامحمـد جيـت ناصـح قبـل موتـك لاتغـرّك هالحيـاه اليـوم موتـك فـي يدينـي يعنـي حـزن خـل خلــّـك يفقـدك خلــّـه يـذوق الحـزن راح وأقفــا وأنـت عنـدي يامحمــّـد يامحمــّـد يامحمــّـد اليـوم موتـك اليـوم موتـك . . وبــــس . محمد بن فهد الهاجري |
السلام عليكم ورحمة الله و بركاته
لمدينة الرياض بقلبي حب ، و لسكانها محبة طاغية كانَ لهم هذا الإهداء البسيط ، علّه يريح مسامعهم ولو بعضَ الشيء ● ● ● تغنى بتلكَ الأغنية عبدالمجيد عبدالله و كانت هنا بصوتي الذي لا يقارن به أبداً لكنها محاولة تم تسجيلها ع ـالطاير ‘، ● ● ● قبل أحبك كنت أنا احب الرياض ومن عرفتك زاد أنا حبي لها ياللي وجهك زادها نور وبياض صرت أحس انك حبيب أنوارها انت مامثلك ولافيك اعتراض وشوفتك ياكثر ما اشتاقها لك غلا في داخلي عدى وفاض ولك محبه مافي قلبي بعدها الهوى والشوق وورود الفياض كلهم صاروا معي عشاقها المحبه حلم وعشته بالرياض وللرياض ولك حياتي كلها ●●●●●● [ الفلاش تحميل mp3 تحميل amr للجوال |
( عَشِقتُ وعِشقي يَفووووق الجُنووووون )
للأستاذ : محمد المساعد .. عندما يفتح لكم الرابط تكرماً أختاروا رقم ( 5 ) .. http://www.islamway.com/?iw_s=Nashee...ngstape_id=351 |
رحت وجروحي تصوت جرح .. جرح .. رحت ماخليت فيني اي فرح المشاعر في غيابك ذاب فيها كل صوت.. والليالي من عذابك ..عذبت فيا السكوت من رحلت.. وماسالت ..استوت في ناظري كل الفصول لاربيع ولا بساتين وزهور.. ولاصباح ولامصابيح ٍ ونور ومابقى في خاطري غير الحنين اللي اختزل طعم السنين وصرت خايف لايجيني يوم يذبل فيه قلبي وكل غصن ٍ بي يموت اه ياالسنين اللي مضت قبل النوى كانت تجمعنا سوى منها ارتويت ومااارتوى قلب ٍ هوى آه لو تدري حبيبي كيف ايامي بدونك وكيف بعدك كل لحظه تسرق العمر وتفوت آه من وين الامان وانا قلبي من رحلت ماعرف طعم الامان اللي توسدته زمان من رحلت كل شي توارى واختفى الا تفاصيل الجروح اللي حيت في داخلي واصبح لها نبض وروح وغنيت انا لذاك الربيع اللي اختنق بيد الخريف من رحلت ماسالت من للصباح اللي فقد طلة جنابك ياالرهيف من للزهور اللي فقدت ناعم رذاذك ياالندى كل شي رحل كل شي غدى كل شي تبدد ماعدى جرحين من واقع كليف الجرح الاول للفراق والجرح الآخر للحنين زمان بعذوبة مكان ومكان بمرورة زمان مابينهم انزف نزيف زمان في هذا المكان حتى الشوارع تحتفل في خطوتك في مشيتك وكل الاماكن كرنفال ماهو بس انا حبيبي من ضناه الشوق واشتاق لحبيبي الرسايل والبواكي والهدايا والعيون اللي كسرت قلب المرايا كل شي منها يذكرني بشي حتى صوتي وضحكتي لك فيها شي مايفسر بالف شي ٍ والف شي والنوافذ والشوارع والاماكن كلها مشتاقة ٍ لك والدروب اللي ارتسم فيها خيالك والسهر والليل والحلم بوصالك والسؤال اللي نزع روحي وجالك يسألك وين رحت وليه رحت وكيف حالك يااول عبارات الشعور ياآخر انفاس الشعور جيت المكان اللي اجتمعنا به زمان.. ومالقيتك..واحتريتك.. .. تجي نعيد الذكريات ..واحتريتك.. واحتريتك بس الاسف ماجاء خبر ..ورغم الحزن رغم الصراع ..والياس وواوجاع الوداع في غيبتك اللي امتلت ليل وسهر ..مانسيتك ودي اسألك ليه كل ماجيت اسأل هالمكان ..اسمع الماضي يقول لو تصول ولو تجول عني الحاضر يحول ..وش عاد لو كنتوا زمان.. اثنين في كف البدر واثنين في قلوب النجوم..وهذا عيون وذا رموش ومحاجر واليوم في هذا المكان اللي اعتصر جور الزمان.. لونين من لون الوجوم زمان في ذاك المكان كنت بعباراتك تقول هالغيم في عرض ٍ وطول وعن شمسنا ظله يحول وكنت ابتسم من كلمتك واجيبك وكلي ذهول ماذكر شمسين بسماء تقاسمن حضن السهول..ياشمسي اللي ماتزول كنت الغصون المشبعه وصرت الطعون الموجعه غيب واطعن بالبعد حلم الوصال..لاتخلي للرجوع اي احتمال غيب واقسم لك برب ٍ مايغيب..لو يغيب الكون عني ماتغيب من رحلت وماسألت الاماكن اللي مريت انت فيها.. تنبض بروحي واجيها واتخيل صورتك فيها .. وابيها تكذب على قلبي شوي..وتذكرك بي وتجيها وجيت والانفاس تطرد قبل ريح العطر يبرد قبل حتى يذوب في صمتي الكلام ومالقيتك واحتريتك واحتريتك كنت اظن الريح جابك عطر ٍ يسلم علي وكنت اظن الشوق صابك وجيت مشتاق الي كنت اظن وكنت اظن وخاب ظني ومابقى في العمر شي .. ومالقيتك واحتريتك واحتريتك واحتريتك واحتريتك وابحتري وان حل موتي مت لحظه مانسيتك شاعرها :- علي عسيري |
لا عاد تسألني عن ايام واحباب = تعال وسألني وش اللي جنيته جنيت من وقتي بهاذيل واتعاب =واحباب عمري هدوا الي بنيته في هالزمن حتى المناعير ترتاب =والحب صدقه فالبشر مالقيته لان البشر صفحة طلاسم من كتاب=ماتفهمه مهما رجعت وقريته عندي دلايل مالها عد واحساب=والتجربه برهاني اللي خذيته سو اختبار وغيب لو مابه اسباب= واجفى حبيبك تكشفه لا جفيته تلقاه بغيابك يعاشر له اجناب=باعك مع إنك بالموده شريته ماكنك اللي كنت له ستر واحجاب =ماكنك اللي من حياتك عطيته صار الهوى لعبه ويحتاج لعاب=مال الوفى داعي مع اللي هويته الحب صاير شي ماهو بجذاب=كل يوم يدنّس وينباع صيته بعد ماكان احساس من قلب واعتاب= اصبح مجرد لعب يوم ٍ بديته الحب اطهر من بلوتوث واعجاب=واشرف من اللي دنسه في مبيته ياما وفيت وكان صدقي لهم باب= ياما عطيت وحق نفسي نسيته ماصاب ضني كثر ماغدرهم صاب=ناموا وانا ياكم ليل ٍ سريته اصدقّهم اللي كان جاحد وكذاب= واطيّبهم اللي باع قلب ٍ شريته مافاد كثر اخلاص قلبي ولا جاب=غير الألم ووجاع يوم ٍ قضيته والله ماطابت جروحي ولا طاب=هم ٍ على ربي بديت وشكيته ياللي تنشدني عن اقلوب الاحباب=هذي نتايج كل قلب احتويته |
بأرحل فمان الله ماعادني جاي بأرجع مثل ماكنت .. ماني :- ( جريحك ) : : كاني ظلمتك .. لاتقصّر بجفواي وكانك ظلمت .. الله أبد لايبيحك ! : : ماتذكر إنّي قلت لك ساعة رضاي :- [ أحس يومك غبت .. كني ذبيحك ] : : [ روحي تبي تطلع وانا اشوف رجواي تزيد غصبٍ عن شموخي تصيحك ] ! : : [ نسيت حتى من قسى الجرح مبداي ! وهانت علي نفسي وقمت أستبيحك ] : : من قلّة الحيلة وغبنة حناياي قمت أدعي إن الله يعجّل مطيحك !! : : وهذاك طحت اليوم من عين دنياي لكنك بعيني .. وقلت أستريحك : : مابيك دامك ماتبيني .. ولي راي وش رايك أرحل عنك , وأبقى مريحك ؟ : : أبذكرك بالخير .. لكن ماني جاي ! وأبيك تذكرني بخير .. وبـ ابيحك .. ! أبيك تذكرني بخير .. وبـ ابيحك ! |
|
الوله
تشعر إن اليوم كلّه مرّ .. وانت بأوّله ! : التمادي هو خطا -انسان- عادي .. دون يدري :- جاوز حدود المبادي ! |
ضاقت الدنيا علي .. وقمت أصلّـي ..
........ثم جلست لحالي أنتظرك تڪلـّـم طايبه نفسي .. وانا والله يا خلّــي .......ما قويت أتنفـّـس .. ودقيت أسلـّـم ! وأسألك .. وأرجوك .. جاوبني .. وقلّـي :- .......[ أسألك بالله .. يرضيڪ أتألم ] ؟؟؟ [ أسألك بالله .. يرضيڪ أتألم ] ؟؟ |
| الساعة الآن 05:01AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية